Serikali yawashukuru wataalamu wa afya nchini kwa kutoa huduma bora za matibabu kwa wagonjwa - Dkt. Mollel


Naibu Waziri wa Afya, Maendeleo ya Jamii, Jinsia, Wazee na Watoto Mhe. Dkt. Godwin Mollel akizungumza na wagonjwa wanaotibiwa katika Taasisi ya Moyo Jakaya Kikwete (JKCI) wakati wa ziara yake ya kikazi katika Taasisi hiyo Jana Jijini Dar es Salaam


Naibu Waziri wa Afya, Maendeleo ya Jamii, Jinsia, Wazee na Watoto Mhe. Dkt. Godwin Mollel akizungumza na madaktari wa watoto wa Taasisi ya Moyo Jakaya Kikwete (JKCI) waliokuwa wakiwaudumia wagonjwa waliolazwa wodini wakati wa ziara yake ya kikazi katika Taasisi hiyo Jana Jijini Dar es Salaam.

Na: JKCI

Naibu Waziri wa Afya, Maendeleo ya Jamii, Jinsia, Wazee na Watoto Dkt. Godwin Mollel amewashukuru wataalamu wa afya nchini kwa moyo wao wa uzalendo wa kutoa huduma bora za matibabu kwa wagonjwa.

Mhe. Mollel ameyasema hayo alipokuwa akizungumza na wafanyakazi wa Taasisi ya Moyo Jakaja Kikwete (JKCI) aliowakuta wanawatibu wagonjwa wodini na kliniki wakati wa ziara yake ya kikazi aliyoifanya leo katika Taasisi hiyo iliyopo jijini Dar es Salaam.

Dkt. Mollel alisema katika kipindi hiki ambacho kumekuwa na changamoto nyingi za maradhi wataalamu hao wa afya wamekuwa mkono wa Serikali kwa kuhakikisha wananchi wanakuwa salama kwa kutoa huduma bora za afya bila ya kuchoka.

“Kuna wakati mnafanya kazi katika mazingira magumu bila ya kuwa na hofu yoyote ile jambo la muhimu ni kuchukuwa tahadhari za msingi”, alisema Dkt. Mollel.

Alisema katika Hospitali nyingi alizotembelea asilimia 78 ya matatizo yaliyopo ni kutokana na viongozi wa maeneo husika kutokufanya kazi vizuri au kutokujua majukumu yao ya kazi na hivyo kuwakatisha tamaa watumishi wengine ambao pamoja na mazingira hayo magumu waliweza kufanya kazi zao kwa weledi.

Dkt. Mollel alipongeza , “Hapa JKCI ninawapongeza kwa juhudi zenu za kuhakikisha dawa zinapatikana kwa wagonjwa mnaowatibu. Katika maeneo mengine siyo kama dawa hakuna bali kuna udokozi pia wanatenga fedha kidogo za kununulia dawa ukilinganisha na bajeti husika”,.

Kwa upande wake Mkurugenzi Mtendaji wa Taasisi hiyo Prof. Mohamed Janabi alisema kwa mwaka 2020 walitumia  kiasi cha shilingi milioni 158 kutoka mapato  ya ndani kwa ajili ya kuwasomesha wafanyakazi 20 wa kada mbalimbali ndani na nje ya nchi.

“Mwaka 2020 wafanyakazi 11 waliokuwa masomoni  ndani na nje ya nchi walimaliza masomo yao na kurudi kazini na kwa mwaka wa fedha 2020/21 wafanyakazi 13wameanza masomo”, alisema Prof.Janabi.

Prof. Janabi alisema Taasisi kwa kuwasomesha wafanyakazi hao imeweza kuzalisha wataalamu wa fani mbalimbali ambao baada ya kumaliza masomo yao wameweza kuongeza idadi ya mabingwa na hivyo kutoa huduma bora kwa wagonjwa.

 

Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yamshukuru Rais Dkt.Samia kwa kuwapa magari

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akikata utepe wakati wa kuzindua magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa JKCI. Kushoto ni Mkurugenzi Mtendaji wa JKCI Dkt. Peter Kisenge. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa ndani ya gari la kuhudumia wagonjwa lililotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan na kuzinduliwa leo na Kaimu Mwenyekiti wa Bodi ya Wadhamini ya Taasisi hiyo Asha Izina. Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa Habari mara baada ya uzinduzi wa magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa katika Taasisi hiyo iliyopo jijini Dar es Salaam. ***************
Read more