TAASISI YA MOYO JAKAYA KIKWETE YAWATAKA WAAJIRIWA WAPYA KUWAJIBIKA, KUCHAPA KAZI


WAAJIRIWA wapya katika Taasisi ya Moyo Jakaya Kikwete (JKCI), wametakiwa kuwajibika na kuchapa kazi kwa bidii ili kuendeleza juhudi za kuokoa maisha ya watu wanaokabiliwa na magonjwa ya moyo wanaofika kupata matibabu katika taasisi hiyo.

Rai hiyo imetolewa mapema leo na Mkurugenzi Mtendaji wa JKCI, Profesa Mohamed Janabi alipokuwa akizungumza na waajiriwa wapya saba walioajiriwa na Serikali kupitia Wizara ya Afya, Maendeleo ya Jamii, Jinsia, Wazee na Watoto na kupangiwa kutoa huduma katika Taasisi hiyo.

“Taasisi hii imepata mafanikio makubwa tangu ilipoanzishwa hadi sasa, baadhi yenu mmekuwa sehemu ya juhudi hizi, kwa sababu kwa nyakati mbalimbali mmewahi kujitolea kufanya mafunzo kwa vitendo hapa”.

“Kwa juhudi zile zile endeleeni kuchapa kazi, kila mmoja awajibike katika nafasi yake, mtaona faida ya kazi na juhudi zenu, hakikisheni mnawahi kazini, binafsi huwa sitaki kusikia habari za foleni, mvua kwamba ni sehemu ya sababu ya kuchelewa kufika kazini,” amesisitiza.

Ameongeza “Tuna mafanikio makubwa, tangu kuanzishwa kwa Taasisi hii, miaka minne ya utendaji kazi wetu vifo vilivyotokea katika chumba cha upasuaji mdogo wa bila kufungua kifua kupitia tundu dogo kwenye paja ni asilimia 1.5 yaani sawa na wagonjwa wanane tu waliopoteza maisha katika kipindi chote hicho.

“Tumeweza kupandikiza vifaa visaidizi vinavyousaidia moyo kufanya kazi vizuri  (Pacemaker) kwa  wagonjwa 56, CRTD kwa wagonjwa wagonjwa 11, tumevuna na kupandikiza mishipa ya damu kwenye moyo (Coronary Artery Bypass Graft - CABG) wagonjwa 82 na tumezibua valvu zilizokuwa zimeziba bila kufanya upasuaji wa kufungua kifua kwa zaidi ya wagonjwa 1,000 hadi sasa,” amebainisha.

Amewataka waajiriwa hao kutosita kuuliza wale waliowatangulia kazini mahala popote watakapokutana na changamoto mbalimbali ili kuweza kuzitatua na kuzingatia uvaaji nadhifu wa mavazi yenye staha.

Akizungumza kwa niaba ya waajiriwa wapya wenzake, Daktari Winnie Masakuya amesema wapo tayari kufanya kazi kwa juhudi na maarifa waliyojaliwa na Mwenyezi Mungu katika kuwahudumia wagonjwa wanaotibiwa katika Taasisi hiyo.
“Hatutaiangusha Taasisi yetu,” amemhakikishia Prof, Janabi katika kikao hicho ambacho pia kilihudhuriwa na  Mkurugenzi wa Idara ya Utawala na Fedha wa JKCI, Agnes Kuhenga.


Mkurugenzi Mtendaji wa Taasisi ya Moyo Jakaya Kikwete (JKCI) Prof. Mohamed Janabi akizungumza na waajiriwa wapya saba walioajiriwa na Serikali kupitia Wizara ya Afya, Maendeleo ya Jamii, Jinsia, Wazee na Watoto na kupangiwa kutoa huduma katika Taasisi hiyo  iliyopo Jijini Dar es Salaam.


Mkurugenzi Mtendaji wa Taasisi ya Moyo Jakaya Kikwete (JKCI) Prof. Mohamed Janabi akiwa katika  picha ya pamoja na waajiriwa wapya saba walioajiriwa na Serikali kupitia Wizara ya Afya, Maendeleo ya Jamii, Jinsia, Wazee na Watoto na kupangiwa kazi katika Taasisi hiyo  mara baada ya kumaliza  mafunzo ya siku tatu kwa waajiriwa hao leo Jijini Dar es Salaam. Kushoto ni Mkurugenzi wa Utawala na Fedha wa JKCI Agnes Kuhenga.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more