JKCI kuanzisha huduma za moyo Hospitali ya Kitete Tabora

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na watumishi kutoka Hospitali ya Rufaa ya Mkoa wa Tabora - Kitete wakati wa kikao cha kujadili kuhusu ushirikiano kati ya JKCI na Hospitali ya Kitete leo katika ukumbi wa Taasisi hiyo iliyopo jijini Dar es Salaam.

Mkuu wa Kitengo cha Maabara wa Taasisi ya Moyo Jakaya Kikwete (JKCI) Thadei Kavishe akiwaelezea namna maabara ya kisasa inayotomia roboti inavyofanya kazi watumishi kutoka Hospitali ya Rufaa Mkoa wa Tabora – Kitete walipotembelea maabara hiyo kwaajili ya kujifunza.  

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mganga Mfawidhi wa Hospitali ya Rufaa ya Mkoa wa Tabora - Kitete Dkt. Joachim Eyembe pamoja na watumishi kutoka JKCI na Kitete wakiwa katika picha ya pamoja mara baada ya kumalizika kwa kikao cha kujadili kuhusu ushirikiano kati ya JKCI na Hospitali ya Kitete leo katika ukumbi wa Taasisi hiyo iliyopo jijini Dar es Salaam.

Baadhi ya wafanyakazi wa Taasisi ya Moyo Jakaya Kikwete (JKCI) na wataalam wa afya kutoka Hospitali ya Rufaa ya Mkoa wa Tabora - Kitete wakisikiliza wakati wa kikao cha kujadili kuhusu ushirikiano kati ya JKCI na Hospitali ya Kitete kilichofanyika leo katika ukumbi wa Taasisi hiyo iliyopo jijini Dar es Salaam.


Afisa uhakiki na udhibiti Ubora kutoka Taasisi ya Moyo Jakaya Kikwete (JKCI) Dkt. Adelphina Ncheye akiwaonesha maeneo ya taasisi hiyo wataalam wa afya kutoka Hospitali ya Rufaa ya Mkoa wa Tabora - Kitete kabla ya kikao cha kujadili kuhusu ushirikiano kati ya JKCI na Hospitali ya Kitete kilichofanyika leo katika ukumbi wa Taasisi hiyo iliyopo jijini Dar es Salaam.

 Na JKCI

********************************************************************************************************

Taasisi ya Moyo Jakaya Kikwete (JKCI) na Hospitali ya Rufaa ya Mkoa wa Tabora - Kitete zimeingia makubaliano kuanzisha huduma za uchunguzi na matibabu ya magonjwa ya moyo katika hospitali hiyo hatua inayolenga kusogeza huduma za kibingwa karibu na wananchi wa Tabora na mikoa jirani.

Akizungumza wakati wa makubaliano hayo Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema mpango wa ushirikiano kati JKCI na Kitete unakuja baada ya wataalamu wa Hospitali ya Kitete kufanya ziara ya mafunzo JKCI na kujadili kuhusu namna ambavyo wanaweza kushirikiana kufikisha huduma za bingwa moyo mkoani Tabora.

Dkt. Kisenge alisema katika hatua za awali JKCI itawajengea uwezo wataalamu wa afya wa Kitete kupitia mafunzo maalum huku ikishirikiana na hospitali hiyo kuboresha mazingira ya kutolea huduma za moyo kama ilivyo kwenye matawi mengine ya JKCI.

“Kama Taasisi tunataka kusogeza huduma za kibingwa za matibabu ya moyo karibu na wananchi. Tutawajengeeni uwezo na kuboresha mazingira ya huduma ili wananchi wapate huduma bora bila kulazimika kusafiri umbali mrefu kufata huduma hizo hapa JKCI”, alisema Dkt. Kisenge.

Aidha Dkt. Kisenge alisema JKCI itawekeza katika huduma kwa wateja ili kuhakikisha wananchi wa Tabora na mikoa ya jirani ikiwemo Mwanza, Shinyanga na Singida wanapata huduma bora za uchunguzi na matibabu ya moyo.

Kwa upande wake Mganga Mfawidhi wa Hospitali ya Rufaa ya Mkoa wa Tabora - Kitete Dkt. Joachim Eyembe aliushukuru uongozi wa JKCI kwa kukubali kushirikiana nao na kuahidi kuendeleza ushirikiano huo katika kuhakikisha kuwa wananchi wanapata huduma za matibabu ya moyo kwa urahisi.

“Naomba nikuhakikishie kuwa tutashirikiana kwa karibu na Taasisi hii kuhakikisha huduma bingwa za matibabu ya moyo zinapatikana mkoani Tabora kwa wakati kupitia Hospitali yetu ya Kitete ili kusaidia kuokoa maisha ya watanzania”, alisema Dkt. Eyembe.

Naye Afisa uhakiki na udhibiti Ubora kutoka Taasisi ya Moyo Jakaya Kikwete (JKCI) Dkt. Adelphina Ncheye alisema pamoja na makubaliano hayo wataalam hao pia wamefanya ziara katika maeneo mbali mbali ya taasisi hiyo, hivyo kupata fursa ya kujifunza mifumo ya JKCI katika utoaji wa huduma kwa wagonjwa hususan huduma kwa mteja na ubora wa huduma.

Ushirikiano kati ya JKCI na Hospitali ya Kitete unatarajiwa kuongeza upatikanaji wa huduma za moyo kwa wananchi wa Tabora na mikoa ya jirani, huku ukiimarisha uwezo wa wataalamu wa afya kutoa huduma bora na za kisasa.

 

 

Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more