Mabunge wanawake wa ukanda wa maziwa makuu wananufaika na huduma za JKCI.



Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Moses Manumbu akimpatia kipeperushi mshiriki wa mkutano wa Mabunge wanawake wa nchi za ukanda wa maziwa makuu (WPC) alipotembelea banda la Taasisi hiyo lililopo katika mkutano huo unaofanyika katika kituo cha Kimataifa cha Mikutano cha Julius Nyerere (JNICC) kilichopo jijini Dar es Salaam


Afisa Uuguzi wa Taasisi ya Moyo Jakaya Kikwete (JKCI) Hania Bwahama akimuelezea jinsi moyo unavyofanya kazi mshiriki wa mshiriki wa mkutano wa Mabunge wanawake wa nchi za Ukanda wa Maziwa Makuu (WPC) alipotembelea banda la Taasisi hiyo lililopo katika mkutano huo unaofanyika katika kituo cha Kimataifa cha Mikutano cha Julius Nyerere (JNICC) kilichopo jijini Dar es Salaam


Mshiriki wa mkutano wa Mabunge Wanawake wa Nchi za Ukanda wa Maziwa Makuu (WPC) Hadija Shaban akisaini kitabu cha wageni alipotembelea banda la Taasisi ya Moyo Jakaya Kikwete (JKCI) lililopo katika mkutano huo unaofanyika katika kituo cha Kimataifa cha Mikutano cha Julius Nyerere (JNICC) kilichopo jijini Dar es Salaam.
Baadhi ya washiriki wa mkutano wa Mabunge Wanawake wa Nchi za Ukanda wa Maziwa Makuu (WPC) wakisikiliza mada zilizokuwa zikiendelea wakati wa mkutano huo unaofanyika katika kituo cha Kimataifa cha Mikutano cha Julius Nyerere (JNICC) kilichopo jijini Dar es Salaam.



Picha na JKCI

****************************************************************************************************************************

Mabunge wanawake wa Ukanda wa Maziwa Makuu (WPC) wamenufaika na huduma za uchunguzi wa afya na elimu kuhusu magonjwa yasiyoambukiza zinazotolewa na watalaamu wa Taasisi ya Moyo Jakaya kikwete (JKCI) katika mkutano unaowakutanisha wawakilishi kutoka mataifa 12 ukanda huo.

Huduma hizo zinatolewa katika Kituo cha Kimataifa cha Mikutano cha Julius Nyerere (JNICC) kilichopo jijini Dar es Salaam ambapo washiriki wanapata fursa ya kupimwa shinikizo la damu, kuchunguzwa mfumo wa umeme wa moyo (ECG) ECG pamoja na kupima uwiano wa uzito kwa urefu.

Akizungumza wakati wa mkutano huo daktari bingwa wa magonjwa ya moyo wa Taasisi ya Moyo Jakaya Kikwete (JKCI) Moses Manumbu alisema uchunguzi wa afya mara kwa mara ni muhimu katika kubaini mapema vihatarishi vya magonjwa yasiyoambukiza ikiwemo magonjwa ya moyo ili kujikinga na kupata matibabu kwa wakati.

“Ni muhimu kila mmoja kuwa na utaratibu wa kupima afya yake hata kama hajisikii kuumwa kwani baadhi ya magonjwa yasiyoambukiza ikiwemo shinikizo la damu yanaweza kutokuwa na dalili za wazi katika hatua za awali hivyo kwa kufanya uchunguzi wa mara kwa mara tunaweza kubaini vihatarishi na kuchukua hatua mapema,” alisema Dkt. Manumbu

Kwa upande wake mratibu wa Utalii Tiba wa Taasisi ya Moyo Jakaya Kikwete (JKCI) Jalack Milinga alisema ushiriki wa JKCI katika mkutano huo ni sehemu ya juhudi za kufikisha huduma za kibingwa na bobezi za matibabu ya moyo katika mataifa mbalimbali ya Afrika ili kuhamasisha umuhimu wa kujali afya.

“JKCI ni taasisi pekee katika ukanda wa Afrika mashariki ambayo inaongoza kwa kutoa huduma bora za moyo hivyo kupitia mkutano huu tumepata fursa ya kuwafikia wabunge wanawake ambao tumewaongezea uelewa wa matumizi ya tekinologia za kisasa katika kutibu moyo,” alisema Jalack.

Mmoja wa washiriki wa mkutano huo Mery Kizota kutoka Dodoma alishukuru JKCI kwa kuendelea kujali afya, kutoa huduma za uchunguzi na elimu kuhusu magonjwa yasiyoambukiza kwani inawasaidia kupata uelewa na umuhimu wa kufuatilia afya.

“Nimepata nafasi ya kufahamu zaidi kuhusu magonjwa yasiyoambukiza, vihatarishi vyake na umuhimu wa kupima afya yangu mara kwa mara nitazingatia na kuchukua hatua”, alisema Mery.


Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more