Wafanyakazi wapya JKCI waonywa kutojihusisha na vitendo vya rushwa


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wapya wa Taasisi hiyo wakati wa kikao cha kuwapokea kilichofanyika jana katika ukumbi wa Taasisi hiyo iliyopo Jijini Dar es Salaam



Mfanyakazi mpya wa Taasisi ya Moyo Jakaya Kikwete (JKCI) ambaye ni Afisa Uuguzi Rachel Mhagama akizungumza wakati wa kikao cha kuwapokea watumishi wapya kilichofanyika jana katika ukumbi wa Taaisis hiyo iliyopo jijini Dar es Salaam


Mfanyakazi mpya wa Taasisi ya Moyo Jakaya Kikwete (JKCI) ambaye ni Afisa Ununuzi na Ugavi Hosseni Mfundo akizungumza wakati wa kikao cha kuwapokea watumishi wapya kilichofanyika jana katika ukumbi wa Taaisis hiyo iliyopo jijini Dar es Salaam


Baadhi ya wafanyakazi wapya wa Taasisi ya Moyo Jakaya Kikwete (JKCI) wakifuatilia mada zilizokuwa zikiwasilishwa wakati wa kikao cha kuwapokea kilichofanyika jana katika ukumbi wa Taasisi hiyo iliyopo jijini Dar es Salaam.

Baadhi ya wafanyakazi wapya wa Taasisi ya Moyo Jakaya Kikwete (JKCI) wakila kiapo cha kufuata masharti ya utumishi wa umma wakati wa kikao cha kuwapokea kilichofanyika jana katika ukumbi wa Taasisi hiyo iliyopo jijini Dar es Salaam.

Na: JKCI

*************************************************************

Wafanyakazi wapya wa Taasisi ya Moyo Jakaya Kikwete (JKCI) wametakiwa kutojiingiza katika vitendo vya rushwa vitakavyopelekea kudhorotesha utoaji wa huduma bora katika Taasisi hiyo. 

Rai hiyo imetolewa jana na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge wakati akizungumza na wafanyakazi hao kabla ya kuanza kazi.

Dkt. Kisenge alisema kutoa huduma kwa kufuata maadili ya utumishi wa umma pamoja na kuwa na utashi kutawasaidia kurudisha furaha kwa wagonjwa ambao wamekuwa wakiwategemea. 

“Hatutaki kusikia mmechukua ama mmetoa rushwa kwani hatutafurahia hata kidogo mtu mmoja aje kusambaratisha umoja wetu tulioujenga katika Taasisi yetu”, alisema Dkt. Kisenge

Aidha Dkt. Kisenge aliwataka wafanyakazi hao kutumia fursa zinazopatikana katika Taasisi hiyo vizuri na kupenda kujiendeleza katika fani zao ili kuleta chachu zaidi katika kutoa huduma bingwa bobezi. 

Kwa upande wake Dkt. Innocent Humay ambaye ni mwajiriwa mpya katika Taasisi hiyo ameahidi kwa niaba ya wenzake kufanya kazi kwa weledi na kuleta mafanikio zaidi ya Taasisi hiyo.

Dkt. Innocent alisema waajiriwa hao walipofika JKCI wamepokelewa vizuri na kupata mafunzo ya siku mbili ambayo yatawasaidia kufanya kazi vizuri

“Kwa niaba ya wenzangu tunahaidi kufanya kazi na kufuata miongozo tuliyopewa kuwasaidia wagonjwa wanaotibiwa hapa”, alisema Dkt. Innocent 

Kwa mwaka wa fedha 2024/2025 Taasisi ya Moyo Jakaya Kikwete (JKCI) imepewa kibali cha kuajiri Wafanyakazi wapya 51 wa kada mbalimbali ambapo kati yao wafanyakazi 24 wamesharipoti kazini.

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more