Wafungwa zaidi ya 600 Gereza kuu Ukonga kupimwa moyo


 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Kamishna Msaidizi Mwandamizi wa Magereza na Mkuu wa Kitengo cha Afya Nsajigwa Mwankenja na baadhi ya askari magereza wa Gereza Kuu Ukonga wakiwa katika picha ya pamoja wakati wa kambi maalumu ya upimaji na matibabu ya magonjwa ya moyo inayoendelea kwa wafungwa wa Gereza hilo.
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na waandishi wa habari kuhusu kambi maalumu ya upimaji na matibabu ya magonjwa ya moyo inayofanyika kwa wafungwa wa Gereza Kuu Ukonga leo jijini Dar es Salaam.

 Kamishna Msaidizi Mwandamizi wa Magereza na Mkuu wa Kitengo cha Afya Nsajigwa Mwankenja akizungumza na waandishi wa habari kuhusu kambi maalumu ya upimaji na matibabu ya magonjwa ya moyo inayofanyika kwa wafungwa wa Gereza Kuu Ukonga leo jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akisaini kitabu cha wageni alipofika katika Gereza Kuu Ukonga lililopo jijini Dar es Salaam kwaajili ya kuangalia mwenendo wa kambi maalumu ya upimaji na matibabu ya moyo inayofanyika kwa wafungwa waliopo katika gereza hilo.

 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Kamishna Msaidizi Mwandamizi wa Magereza na Mkuu wa Kitengo cha Afya Nsajigwa Mwankenja wakitembea kuelekea eneo ambalo kambi maalumu ya upimaji na matibabu ya moyo inaendelea kwa wafungwa waliopo katika Gereza Kuu Ukonga lililopo jijini Dar es Salaam.

******************************************************************************************************************************************************************************************************************************************************* 

                                                        Picha na JKCI

 Wafungwa zaidi ya 600 waliopo katika Gereza kuu Ukonga kufanyiwa uchunguzi na matibabu ya magonjwa ya moyo katika kambi maalumu ya siku sita inayofanywa na wataalamu wa Taasisi ya Moyo Jakaya Kikwete (JKCI).

Kambi hiyo ni sehemu ya utekelezaji wa mkakati wa JKCI kusogeza huduma za kibingwa za moyo karibu na wananchi huku ikitambua  kwamba afya ni haki ya kila binadamu na msingi muhimu wa maendeleo ya mtu na taifa kwa ujumla.

Akizungumza na waandishi wa habari wakati wa kambi hiyo Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema hii ni mara ya kwanza katika Serikali ya Awamu ya Sita kwa JKCI kufikisha huduma hizo za kibingwa katika mazingira ya gerezani.

“Kusogeza huduma za afya karibu na wananchi ni sehemu muhimu ya utekelezaji wa Dira ya Maendeleo ya Taifa 2050, badala ya kusubiri wananchi wenye changamoto za moyo kusafiri umbali mrefu kuifuata JKCI, imechukua hatua ya kuwafikia wananchi katika maeneo walipo ikiwemo wafungwa wa gereza kuu Ukonga”, alisema Dkt. Kisenge

Dkt. Kisenge alisema kambi hiyo ina umuhimu mkubwa kwa sababu inatambua kwamba kuwa mfungwa hakumvui mtu hadhi yake ya kuwa binadamu wala haki yake ya msingi ya kupata huduma za afya kwani wafungwa ni sehemu ya jamii na wanapohitaji huduma za afya wanapaswa kupata huduma hizo kwa kuzingatia utu, usawa na viwango vinavyokubalika.

Kwa upande wake Kamishna Msaidizi Mwandamizi wa Magereza na Mkuu wa Kitengo cha Afya Nsajigwa Mwankenja aliushukuru uongozi wa JKCI kwa kulikumbuka kundi la wafungwa na kuwafikia kwaajili ya kuwafanyia uchunguzi wa afya kwani wanahitaji huduma hizo.

Kamisha Nsajigwa alisema wafungwa wakimaliza kutumikia kifungo huku wakiwa na afya duni watashindwa kulitumikia taifa kwa ukamilifu hivyo ni vyema kwa pamoja wakashirikiana na wadau kuhakikisha wafungwa wanapomaliza muda wa kutumikia adhabu zao wanatoka na afya njema ili waweze kushiriki katika majukumu ya ujenzi wa taifa wakiwa imara.

“Wafungwa hawakai gerezani milele, wanapokuwa na afya njema kunakuwa na manufaa hata kwa jamii kwani wakitoka gerezani na maambukizi hasa ya magonjwa yanayoambukiza wanaweza kuiambukiza jamii pia”, alisema Kamishna Nsajigwa

Kambi hiyo ya matibabu ni miongoni mwa kambi za matibabu zaidi ya 26 ambazo JKCI imezifanya katika mikoa Tabora, Kilimanjaro, Geita, Dar es Saalaam, Arusha, Mtwara, Lindi, Zanzibar, Dodoma, Iringa, Manyara, Bukoba, Pwani, Kigoma, Rukwa, Songea, Mwanza, Tanga, Mbeya, Singida pamo na katika makampuni mbalimbali nchini ambapo jumla ya watu 41,164 walifanyiwa uchunguzi na matibabu ya magonjwa ya moyo

-         Mwisho –



Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more