JKCI yajivunia mafanikio ya miaka 11 yaweka mikakati ya kupanua huduma ndani na nje ya nchi

Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mahmoud Mshinda, Mkurugenzi Mtendaji wa JKCI Dkt. Peter Kisenge, wajumbe wa bodi ya wadhamini na menenjimenti ya taasisi hiyo wakiwa katika picha ya pamoja wakati wa mafunzo ya siku moja kwa viongozi hao yaliyofanyika leo katika hoteli ya Johari Rotana iliyopo jijini Dar es Salaam. 

Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mahmoud Mshinda akizungumza wakati wa mafunzo ya siku moja kwa wajumbe wa bodi ya wadhamini na menejimenti ya taasisi hiyo yaliyofanyika leo katika hoteli ya Johari Rotana iliyopo jijini Dar es Salaam. 

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza wakati wa kufungua mafunzo ya siku moja kwa wajumbe wa bodi ya wadhamini na menejimenti ya taasisi hiyo yaliyofanyika leo katika hoteli ya Johari Rotana iliyopo jijini Dar es Salaam. 


Mtendaji Mkuu Mstaafu wa Mahakama ya Tanzania Prof. Elisante Ole Gabriel akitoa mafunzo ya uwajibikaji kwa wajumbe wa bodi ya wadhamini na menejimenti ya Taasisi ya Moyo Jakaya Kikwete (JKCI) leo wakati wa mafunzo ya siku moja kwa viongozi hao yaliyofanyika katika hoteli ya Johari Rotana iliyopo jijini Dar es Salaam.

Na JKCI

******************************************************************************************************

Ubunifu katika kutoa huduma za matibabu ya moyo, usimamizi madhubuti na utendaji kazi uliotukuka vimetajwa kuwa miongoni mwa nguzo zinazoiwezesha Taasisi ya Moyo Jakaya Kikwete (JKCI) kupata mafanikio na kutambulika ndani na nje ya nchi katika kipindi cha miaka 11 tangu kuanzishwa kwake.

Akizungumza kuhusu mafanikio ya Taasisi hiyo wakati wa mafunzo ya siku moja kwa wajumbe wa bodi ya wadhamini na menejimenti ya JKCI Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema utambuzi ambao JKCI imekuwa ikiupata kupitia tuzo mbalimbali inazopokea unatokana na juhudi za pamoja za Bodi ya Wadhamini na Menejimenti ya Taasisi hiyo katika kuhakikisha taasisi inaendelea kutoa huduma bora za matibabu ya moyo.

Dkt. Kisenge alisema mafanikio hayo yanaonesha umuhimu wa kuwekeza katika ubunifu, kuimarisha mifumo ya usimamizi na kuhakikisha wataalamu wanatekeleza majukumu yao kwa weledi ili kuongeza uwezo wa Taasisi kutoa huduma zinazokidhi mahitaji ya wananchi.

“Tumekuwa tukipata tuzo zinazotambua kazi nzuri inayofanywa na JKCI, matokeo hayo yanatokana na usimamizi mzuri wa Bodi ya Wadhamini pamoja na utendaji kazi mzuri wa Menejimenti ya Taasisi”, alisema Dkt. Kisenge.

Dkt. Kisenge alisema kipindi cha miaka 11 tangu kuanzishwa kwa JKCI Taasisi hiyo imefanikiwa kufanya upasuaji wa moyo wa kufungua kifua kwa wagonjwa zaidi ya 8,000 hatua inayoonesha uzoefu na uwezo wake katika kutoa huduma za kibingwa za matibabu ya moyo.

“Mafanikio ya JKCI ni sehemu ya safari ya Taasisi katika kupanua wigo wa huduma na kuongeza mchango wake katika matibabu ya moyo nchini na katika ukanda wa Afrika Mashariki na Kati”, alisema Dkt. Kisenge

Kwa upande wake Mtendaji Mkuu Mstaafu wa Mahakama ya Tanzania Prof. Elisante Ole Gabriel alisema wajumbe wa Bodi hiyo wana jukumu kubwa la kuhakikisha Taasisi inaendelea kukua na kutekeleza wajibu wake wa kutoa huduma za kibingwa bobezi za matibabu ya moyo kwa wananchi.

Prof. Elisante ambaye alitoa mafunzo ya uwajibikaji kwa viongozi hao alisema JKCI ni taasisi yenye umuhimu mkubwa katika mfumo wa huduma za afya nchini hivyo Bodi hiyo inapaswa kusimamia kwa umakini maendeleo yake, kuhakikisha rasilimali zinapatikana na kuweka mikakati itakayoiwezesha Taasisi kuendelea kutoa huduma na kuokoa maisha ya wagonjwa.

“JKCI ni taasisi ambayo ni tegemeo hapa nchini katika kutoa huduma za kibingwa za matibabu ya moyo hivyo wajumbe wa bodi wa Taasisi hii mnapaswa kujua kuwa mmebebeshwa jukumu kubwa ambalo mnatakiwa kulisimamia ili kuhakikisha Taasisi hii inaendelea kukua”, alisema Prof. Elisante.

Prof. Elisante alisema Bodi ya wadhamini ya JKCI inapaswa kusimamia upatikanaji wa bajeti ya kutosha na kuweka mikakati madhubuti ya kuhakikisha JKCI inakuwa na vyanzo endelevu vya mapato na rasilimali za kutosha ili kukidhi mahitaji ya utoaji wa huduma, kuimarisha maendeleo ya Taasisi na kuhakikisha wagonjwa wanaendelea kupata matibabu wanayohitaji.

Ushirikiano kati ya Bodi ya Wadhamini na Menejimenti ni msingi muhimu wa kuhakikisha JKCI inaendelea kuwa na uwezo wa kutoa huduma bora, kuendeleza ubunifu na kutekeleza maono yake ya kupanua huduma za matibabu ya moyo ndani na nje ya nchi.

 

 

Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more