JKCI yapokea kifaa tiba cha upasuaji chenye thamani ya zaidi ya Tshs. milioni 50 kutoka GSM Foundation

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akipokea kifaa tiba (Sternal Saw) kinachotumika kufungua kifua wakati wa kufanya upasuaji mkubwa wa moyo chenye thamani zaidi ya shilingi milioni 50 kutoka kwa Mkurugenzi Mkuu wa GSM Foundation Faith Gugu wakati kampuni hiyo ilipotoa kifaa hicho leo kwaajili ya kuimarisha huduma za matibabu ya moyo nchini.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi Afisa Uuguzi wa JKCI katika Idara ya Upasuaji Hania Bwahama kifaa tiba (Sternal Saw) kinachotumika kufungua kifua wakati wa kufanya upasuaji mkubwa wa moyo chenye thamani zaidi ya shilingi milioni 50 kilichotolewa leo na Kampuni ya GSM Foundation kwaajili ya kuimarisha huduma za matibabu ya moyo nchini.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akipokea kifaa tiba (Sternal Saw) kinachotumika kufungua kifua wakati wa kufanya upasuaji mkubwa wa moyo chenye thamani zaidi ya shilingi milioni 50 kutoka kwa Mkurugenzi Mkuu wa GSM Foundation Faith Gugu wakati kampuni hiyo ilipotoa kifaa hicho leo kwaajili ya kuimarisha huduma za matibabu ya moyo nchini.

Na JKCI

************************************************************************************************************************************

Kampuni ya GSM Foundation imeipatia Taasisi ya Moyo Jakaya Kikwete (JKCI) kifaa tiba (Sternal Saw) kinachotumika kufungua kifua wakati wa kufanya upasuaji mkubwa wa moyo chenye thamani ya zaidi ya shilingi milioni 50.

Akizungumza leo jijini Dar es Salaam wakati wa kupokea kifaa hicho Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema kifaa hicho ni muhimu katika utoaji wa huduma za upasuaji wa moyo kwa kuwa hutumika katika hatua za awali za upasuaji wa kufungua kifua kabla ya kuendelea na hatua nyingine za matibabu.

“Leo tunafuraha kubwa kupokea kifaa tiba hiki kwa ajili ya upasuaji wa moyo. Kifaa hiki kina mchango mkubwa katika kufanikisha upasuaji wa moyo na kimetolewa na GSM Foundation wakati muafaka kwani Taasisi ina uhitaji wa kifaa hiki katika kutoa huduma kwa wagonjwa wanaohitaji kufanyiwa upasuaji wa moyo”, alisema Dkt. Kisenge.

Dkt. Kisenge alisema GSM Foundation imekuwa ikitoa mchango mkubwa katika kuunga mkono juhudi za Serikali ya Awamu ya Sita chini ya uongozi wa Rais wa Jamhuri ya Muungano wa Tanzania Mhe. Dkt. Samia Suluhu Hassan za kuimarisha sekta ya afya nchini.

“Mwaka huu GSM Foundation imewezesha utekelezaji wa huduma za tiba mkoba zinazotolewa na Taasisi katika mikoa ya Arusha na Manyara hatua inayosaidia kusogeza huduma bingwa za uchunguzi na matibabu ya moyo karibu na wananchi. Aidha, mwaka 2025 GSM Foundation iliungana na wadau wengine kuwezesha upasuaji wa moyo kwa watoto 535 nchini”, alisema Dkt. Kisenge.

Kwa upande wake Mkurugenzi Mkuu wa Kampuni ya GSM Foundation Faith Gugu alisema JKCI imekuwa mshirika wao katika nyakati mbalimbali hivyo wakaona ni muhimu kuendelea kushirikiana na Taasisi hiyo kwa kuipatia kifaa tiba hicho chenye umuhimu mkubwa katika upasuaji wa moyo.

“Tunafahamu kuwa JKCI ni Taasisi inayotambulika kwa kutoa huduma bingwa za matibabu ya moyo Afrika Mashariki na Kati. Hivyo sisi kama GSM Foundation tukiwa sehemu ya wadau wa sekta binafsi tumeona ni muhimu kushiriki katika kuunga mkono juhudi za Serikali na kunufaika na uwekezaji uliofanyika katika Taasisi hii”, alisema Faith.

Faith alisema ushirikiano kati ya GSM Foundation na JKCI unalenga kuiwezesha Taasisi hiyo kuendelea kutoa huduma bora za matibabu ya moyo na kuwafanya wananchi wapate huduma hizo kwa urahisi zaidi.

“Tunaamini kuwa kupitia ushirikiano wetu na JKCI tumechangia kuiwezesha Taasisi kuendelea kutoa huduma bora za matibabu ya moyo na kuwawezesha wananchi kupata huduma hizo kwa urahisi,” alisema Faith.

Naye Afisa Uuguzi wa Taasisi ya Moyo Jakaya Kikwete (JKCI) katika Idara ya Upasuaji Hania Bwahama alisema kifaa tiba hicho hutumika katika upasuaji wa moyo unaohusisha kufungua kifua kwa watoto na watu wazima.

“Kifaa tiba hiki ni muhimu sana katika upasuaji wa moyo, tunawashukuru GSM Foundation kwa kutupatia kifaa hiki kwani kitatusaidia kuboresha ufanisi katika utoaji wa huduma bingwa za matibabu ya moyo”, alisema Hania.

 

Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more