319 wachunguzwa moyo Dodoma Festival

 


Afisa muuguzi wa Taasisi ya Moyo Jakaya Kikwete (JKCI) Lilian Peter akimsikiliza  mwananchi  aliyetembelea banda la Taasisi hiyo  kwa ajili ya kupata huduma za upimaji na matibabu ya moyo zilizokuwa zinazotolewa na wataalamu wa JKCI  katika tamasha la Karibu Dodoma festival lililofanyika katika viwaja vya Chinangali park jijini Dodoma wakati  akimpima kiwango cha sukari mwilini.


Mkuu wa wilaya ya Dodoma Jabir Shekimweri akiwa katika picha ya pamoja na baadhi ya wadau wa sekya ya Afya mara baada ya kumalizika kwa tamasha la Karibu Dodoma festival lililofanyika  katika viwanja vya Chinangali park. Tamasha hilo lilienda sambamba na zoezi la upimaji wa afya.

Mkuu wa wilaya ya Dodoma Jabir Shekimweri akimkabidhi Mkuu wa kitengo cha Uhusiano na Mawasiliano wa Taasisi ya Moyo Jakaya Kikwete (JKCI) Anna Nkinda cheti cha ushiriki wa tamasha la Karibu Dodoma festival lililomalizika jana katika viwanja vya Chinangali park.


Mhasibu wa Taasisi ya Moyo Jakaya Kikwete (JKCI) Illuminata Marimbo akiwaeleza wananchi gharama mbalimbali za matibabu yanayotolewa na Taasisi hiyo wakati wa tamasha la Karibu Dodoma festival lililofanyika katika viwanja vya Chinangali park. Wananchi hao walifika  katika banda la taasisi hiyo kwa ajili ya kupata huduma za  upimaji na matibabu ya moyo zilizokuwa zinazotolewa na wataalamu wa JKCI.

****************************************************************

TAARIFA KWA VYOMBO VYA HABARI

Wananchi 319 wafanyiwa uchunguzi wa magonjwa ya moyo katika tamasha la Karibu Dodoma Festival

Wananchi 319 walitembelea katika banda la  Taasisi ya Moyo Jakaya Kikwete (JKCI) kwa ajili ya kufanyiwa uchunguzi na matibabu ya magonjwa ya moyo kwenye tamasha la karibu Dodoma Festival lililofanyika katika viwanja vya Chinangali Park kuanzia tarehe 25-29/10/2021.

Watu wote waliotembelea katika banda la Taasisi hiyo walifanyiwa vipimo vya urefu na uzito, kiwango cha sukari mwilini, uwiano kati ya urefu na uzito, shinikizo la damu (BP) na walipata elimu ya magonjwa ya moyo ikiwemo lishe bora kwa afya ya moyo.

Waliofanyiwa vipimo vya kuangalia jinsi moyo unavyofanya kazi (Echocardiography- ECHO) na mfumo wa umeme wa moyo (Electrocardiography - ECG) walikuwa 230. Kati ya hawa 230 waliofanyiwa vipimo hivi 159 walikutwa na matatizo mbalimbali ya moyo na hivyo kupewa dawa za kwenda kutumia. Dawa hizi zilitolewa bila malipo yoyote yale na  kampuni ya uagizaji na usambazaji wa dawa za binadamu ya Sun Pharmaceutical Industries Ltd.

Wagonjwa 26 walikutwa na matatizo mbalimbali ya moyo na hivyo kupewa rufaa za kwenda kufanyiwa uchunguzi wa kina zaidi pamoja na kutibiwa katika hospital ya mkoa ya Dodoma, hospitali ya kanda ya Benjamini Mkapa na Taasisi ya Moyo Jakaya Kikwete.

Matatizo waliyokutwa nayo wagonjwa waliopewa rufaa ya kwenda kutibiwa katika Taasisi ya Moyo Jakaya Kikwete ni kuziba kwa mishipa ya damu ya moyo hawa walikuwa 5, umeme wa moyo kupita katika njia ya ziada tofauti na ile ya kawaida (Wolff – Parkinson - White syndrome) alikuwa mmoja, mshipa mkubwa wa damu wa moyo umetanuka na valvu ya Aorta inarudisha damu nyuma alikuwa mmoja, mapigo ya moyo yanakwenda haraka kuliko kawaida zaidi ya mapigo  100 kwa dakika moja na inafika wakati anazimia alikuwa mmoja.

Mgonjwa  mmoja moyo wake ulikuwa umetanuka na ni mjamzito kitu ambacho kinahatarisha maisha ya mama na mtoto aliyepo tumboni na mgonjwa mmoja alikuwa na shida ya valvu ya moyo (Rheumatic Heart disease) ugonjwa huu unasababishwa na bakteria wanaoshambulia valvu za moyo.

Asilimia kubwa ya wagonjwa tuliowagundua katika upimaji huu wakiwemo wagonjwa wote 26 tuiowapa rufaa hawakuwa wanafahamu kuwa na matatizo ya  moyo.

Taasisi inaendelea kutoa wito kwa wananchi kujenga tabia ya kupima afya zao mara kwa mara pia kujitokeza kwa wingi kupima magonjwa ya moyo wakati tunapotoa huduma mbalimbali za upimaji kwa wananchi. Kwani upimaji huwa unafanyika bila malipo yeyote yale na kama kutakuwa na malipo ni kwa ajili ya vipimo ambapo mwananchi anachangia kiasi kidogo cha fedha na kuna ambao hawachangii kabisa.

Imetolewa na:

 

Anna Nkinda

Mkuu wa Kitengo cha Uhusiano na Mawasiliano

Taasisi ya Moyo Jakaya Kikwete

31/10/2021

 


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more