Pinda: Huduma za afya kibingwa zipelekwe kila Kanda



Waziri wa Afya, Maendeleo ya Jamii, Jinsia , Wazee na Watoto Dkt. Doroth Gwajima akizungumza kuhusu umuhimu wa kusogeza huduma za matibabu ya kibingwa kwa wananchi alipotembelea  banda la Taasisi ya Moyo Jakaya Kikwete (JKCI) kwa ajili ya kuona huduma za upimaji na matibabu ya moyo zilizokuwa zinazotolewa na wataalamu wa taasisi hiyo katika tamasha la Karibu Dodoma festival lililofanyika katika viwanja vya Chinangali park. Kushoto ni Mkurugenzi wa JKCI Prof. Mohamed Janabi.


Naibu Waziri wa Katiba na Sheria Geophrey Pinda ameiomba wizara ya Afya kusogeza huduma za matibabu ya  kibingwa ya kuwafuata wananchi mahali walipo katika ngazi ya mikoa na kanda kwa kufanya hivyo wananchi wengi watafikiwa na huduma hizo.

Pinda ambaye pia ni Mbunge wa jimbo la Kavuu alitoa ombi hilo kwa waziri wa Afya, Maendeleo ya Jamii, Jinsia, Wazee na Watoto Dkt. Doroth Gwajima katika tamasha la Karibu Dodoma festival lililofanyika katika viwaja vya Chinangali park ambalo lilikwenda sambamba na zoezi la ushauri, upimaji na matibabu ya magonjwa mbalimbali.

Naibu Waziri  huyo ambaye alifika katika banda la Taasisi ya Moyo Jakaya Kikwete (JKCI) kwa ajili ya kupata huduma za upimaji na matibabu ya moyo zinazotolewa na wataalamu wa taasisi hiyo alifurahia huduma zilizokuwa zinatolewa kwa wananchi.

“Ninawapongeza wataalamu wa Taasisi ya Moyo Jakaya Kikwete kwa kutoa huduma za matibabu ya moyo kwa wananchi walioko hapa, sijawahi kuona huduma kama hii ikitolewa ninaomba huduma hizi ziende kwa wananchi hadi  ngazi ya mikoa na  kanda ili watu wengi zaidi wafikiwe na huduma hizi”,.

“Huko vijijini kuna watu wanasumbuliwa na magonjwa mbalimbali yanayohitaji matibabu ya kibingwa lakini wanashindwa mahali pa kupata huduma hizi, kama watu hawa watafikiwa itawasaidia sana kufanya vipimo na kupata matibabu kwa wakati”, alisema Pinda.

Kwa upande wake Waziri wa Afya, Maendeleo ya Jamii, Jinsia, Wazee na Watoto Dkt. Doroth Gwajima alisema amepokea ombi hilo, atakaa na watalamu wake ili waone ni jinsi gani  huduma hizo zinaweza kutolewa kwa wananchi  kila baada ya miezi mitatu katika kanda mbalimbali.

“Mheshimiwa Rais Samia Suluhu Hassan amenunua magari yenye  x-ray na maabara za kisasa pia wataalamu wako wa kutosha hivyo basi ni rahisi huduma hizi kuwafikia wananchi mahali popote pale walipo”,.

“Ili wataalamu waweze kufika huko wanahitaji kuwezeshwa hivyo basi ni muhimu wapenda maendeleo wakaanzisha kapu la pamoja ambalo litatusaidia kwenda kutoa huduma katika Kanda kwani  faida ni kubwa ikiwa ni pamoja na wananchi kugundua matatizo mapema na kupunguza msongamano katika Hospitali za Taifa”, alisema Dkt. Gwajima.

Naye Mkurugenzi Mtendaji wa Taasisi ya Moyo Jakaya Kikwete (JKCI)  Prof. Mohamed Janabi alisema Taasisi hiyo imekuwa ikitoa huduma za kuwafuata wananchi  mara kwa mara  na imewasaidia kuwafikia wananchi wengi zaidi ambao wamepata huduma za matibabu kwa wakati.

“Kuwepo kwa huduma hii kumetufanya tufahamu kuwa wananchi wengi wanamatatizo ya moyo hasa shinikizo la juu la damu na hawafahamu kuwa na matatizo haya  ndiyo maana kila tunapokwenda kutoa huduma zetu tunaambatana na wenzetu wa kampuni za dawa ambao wanatusaidia kutoa dawa bila malipo kwa wale wote wanaokutwa na shida”, alisema Prof. Janabi.

Naibu Waziri wa Katiba na Sheria ambaye pia ni mbunge wa jimbo la Kavuu Geophrey Pinda akizungumza na daktari bingwa wa magonjwa ya moyo kwa watoto kutoka Taasisi ya Moyo Jakaya Kikwete (JKCI) Naiz Majani wakati alipotembelea banda la taasisi hiyo kwa ajili ya kuona huduma za upimaji na matibabu ya moyo zilizokuwa zinazotolewa na wataalamu wa taasisi hiyo katika tamasha la Karibu Dodoma festival lililofanyika katika viwanja vya Chinangali park. Katikati ni Mbunge wa viti maalum (CCM) Dkt. Alice Kaijage.

Mkurugenzi Mtendaji wa Taasisi ya Moyo Jakaya Kikwete (JKCI) Prof. Mohamed Janabi akitoa elimu ya jinsi ya kutumia dawa za moyo, lishe bora na umuhimu wa kupata chanjo dhidi ya UVIKO – 19  kwa wagonjwa wa moyo kwa wananchi waliofika katika banda la Taasisi hiyo kwa ajili ya kupata huduma za upimaji na matibabu ya moyo katika tamasha la Karibu Dodoma festival lililokuwa linalofanyika katika viwanja vya Chinangali park.

Mkuu wa wilaya ya Dodoma Jabir Shekimweri akimuuliza swali  daktari wa Taasisi ya Moyo Jakaya Kikwete (JKCI) Samweli Rweyemamu wakati alipotembelea banda la Taasisi hiyo kwa ajili ya  kuona huduma za upimaji na matibabu ya moyo zilizokuwa zinazotolewa kwenye tamasha la Karibu Dodoma festival lililofanyika katika viwanja vya Chinangali park. Kushoto ni Mkuu wa Kitengo cha Uhusiano na Mawasiliano wa Taasisi hiyo Anna Nkinda.

Mfanyakazi wa Taasisi ya Moyo Jakaya Kikwete (JKCI) Aliston Jovin akimpatia vipeperushi vinavyoonesha huduma zinazotolewa na Taasisi hiyo mwananchi aliyefika katika banda la JKCI kwa ajili ya kupata  huduma za upimaji na matibabu ya moyo zilizokuwa zinazotolewa kwenye tamasha la Karibu Dodoma festival lililofanyika katika viwanja vya Chinangali park jijini Dodoma.

Daktari wa Taasisi ya Moyo Jakaya Kikwete (JKCI) Theophil Mushi akimpima shinikizo la damu (BP) Mbunge wa viti maalum (CCM) Dkt. Alice Kaijage alipotembelea banda la Taasisi hiyo kwa ajili ya  kuona huduma za upimaji na matibabu ya moyo zilizokuwa zinazotolewa kwa wananchi kwenye tamasha la Karibu Dodoma festival lililofanyika katika viwanja vya Chinangali park.

Daktari wa Taasisi ya Moyo Jakaya Kikwete (JKCI) Samweli Rweyemamu akimwonesha Mkuu wa wilaya ya Dodoma Jabir Shekimweri mashine ya kiganjani inayopima kipimo cha kuangalia jinsi moyo unavyofanya kazi (Echocardiography) iliyokuwa inayotumika kuwapima wananchi waliohitaji kupata huduma hiyo iliyokuwa inatolewa  kwenye tamasha la Karibu Dodoma festival lililofanyika katika viwanja vya Chinangali park.


Daktari bingwa wa magonjwa ya moyo kwa watoto kutoka Taasisi ya Moyo Jakaya Kikwete (JKCI) Naiz Majani akitoa ushauri wa lishe kwa mwananchi  aliyetembelea  banda la taasisi hiyo kwa ajili ya kupata huduma za upimaji na matibabu ya moyo zilizokuwa zinazotolewa na wataalamu wa JKCI katika tamasha la Karibu Dodoma festival lililofanyika katika viwanja vya Chinangali park.
Fundi sanifu wa moyo kutoka Taasisi ya Moyo Jakaya Kikwete (JKCI) Gerson Mpondo akimpima kiwango cha sukari mwilini mwananchi  aliyetembelea banda la Taasisi hiyo  kwa ajili ya kupata huduma za upimaji na matibabu ya moyo zilizokuwa zinazotolewa na wataalamu wa JKCI  kwenye tamasha la Karibu Dodoma festival lililokuwa linalofanyika katika viwnaja vya Chinangali park jijini Dodoma.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more