JKCI kupunguza msongamano wa wagonjwa kupitia kliniki zake

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa Taasisi hiyo jana wakati wa kikao cha wafanyakazi kujadili maendeleo ya Taasisi hiyo kilichofanyika katika ukumbi wa JKCI uliopo jijini Dar es Salaam.



Wafanyakazi wa Taasisi ya Moyo Jakaya Kikwete (JKCI) wakisikiliza wakati wa kikao cha wafanyakazi kilichofanyika jana katika ukumbi wa Taasisi hiyo iliyopo jijini Dar es Salaam

Mkuu wa Kitengo cha Tehama wa Taasisi ya Moyo Jakaya Kikwete (JKCI) Lazaro Swai akielezea namna mifumo ya Tehama inavyofanya kazi wakati wa kikao cha wafanyakazi kujadili maendeleo ya Taasisi hiyo kilichofanyika jana katika ukumbi wa JKCI uliopo jijini Dar es Salaam.

Daktari bingwa wa upasuaji wa moyo na mishipa ya damu wa Taasisi ya Moyo Jakaya Kikwete (JKCI) Evarist Nyawawa akichangia mada wakati wa kikao cha wafanyakazi kujadili maendeleo ya Taasisi hiyo kilichofanyika jana katika ukumbi wa JKCI uliopo jijini Dar es Salaam.


Daktari bingwa wa mfumo wa umeme wa moyo wa Taasisi ya Moyo Jakaya Kikwete (JKCI) Yona Gandye akiuliza swali wakati wa kikao cha wafanyakazi kujadili maendeleo ya Taasisi hiyo kilichofanyika jana katika ukumbi wa JKCI uliopo jijini Dar es Salaam.

Na: JKCI

**********************************************************************************************************

Wataalamu wa afya wa Taasisi ya Moyo Jakaya Kikwete (JKCI) wametakiwa kufanya kazi kwa weledi na kuhakikisha msongamano wa wagonjwa waliopo JKCI unafanyiwa kazi kupitia kliniki mpya za taasisi hiyo zilizofunguliwa Oystebay na Kawe.

Akizungumza wakati wa kikao cha wafanyakazi jana jijini Dar es Salaam Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema menejimenti ya JKCI imefanya kazi kubwa kufungua matawi hayo kutokana na idadi ya wagonjwa wa moyo kuongeza na uhitaji wa huduma za matibabu hayo kuwa kubwa.

“Kliniki za JKCI zilizopo Oysterbay na Kawe zimelenga kupunguza msongamano wa wagonjwa hapa makao makuu lakini pia kusogeza huduma karibu na wananchi ili wasipate usumbufu kufuata huduma hizi mbali na wanapoishi”, alisema Dkt. Kisenge

Dkt. Kisenge alisema JKCI imeendelea kutambulika ndani na nje ya nchi hivyo kuzifanya nchi za Afrika kushirikiana nayo katika kutoa huduma za uchunguzi wa magonjwa ya moyo na nyingine kushirikiana na JKCI katika kutoa huduma za upasuaji wa moyo.

“Taasisi yetu kwa mwaka 2024 imeweza kufanya kambi ya uchunguzi wa magonjwa ya moyo nchini Comoro ambapo wagonjwa zaidi ya 2000 walifanyiwa uchunguzi wa magonjwa hayo na kufanya upasuaji wa moyo kwa watoto wenye magonjwa ya moyo nchini Zambia”, alisema Dkt. Kisenge

Aidha Dkt. Kisenge alisema mwaka 2024 JKCI ilifanya mkutano wa kimataifa wa magonjwa ya moyo ambapo zaidi ya washiriki 500 kutoka nchi zaidi ya 12 waliweza kushiriki na kubadilishana ujuzi.

Akizungumzia mifumo ya Tehama iliyopo katika Taasisi hiyo Mkuu wa Kitengo cha Tehama Lazaro Swai alisema kitengo hicho kinaendelea kuboresha mifumo hiyo kurahisisha huduma kwa wagonjwa na kupunguza matumizi ya karatasi katika kutoa huduma.

Swai alisema mifumo ya Tehama katika sekta ya afya inasaidia kutunza taarifa za mgonjwa kwa kipindi cha muda mrefu tofauti na kama taarifa hizo zikihifadhiwa kwa njia ya faili.

“Mifumo yetu inaendelea kuboresha kila siku na kuondoa changamoto zote zinazojitokeza ili tuweze kuendana na kasi ya maendeleo ya teknolojia”, alisema Swai

Naye Kaimu Mkurugenzi wa Utawala na Rasilimali watu wa Taasisi ya Moyo Jakaya Kikwete (JKCI) Joachim Asenga aliwataka wafanyakazi wa Taasisi hiyo kufanya kazi kwa kufuata kanuni, sheria na taratibu za utumishi wa umma.

Asenga alisema uongozi wa JKCI unatambua mchango mkubwa unaofanywa na wafanyakazi hivyo katika bajeti ya mwaka 2025/2026 wafanyakazi watapata ongezeko katika motisha zinazotolewa na taasisi.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more