Wazibwa matundu ya moyo kwa kutumia mashine ya ECHO

Wataalamu wa Afya wa Taasisi ya Moyo Jakaya Kikwete (JKCI) na wenzao kutoka Hospitali ya Fuwai iliyopo Beijing nchini China wakimfanyia mtoto upasuaji wa kuziba tundu lililopo kwenye moyo bila kufungua kifua kwa kutumia mashine ya kuangalia jinsi moyo unavyofanya kazi (Echocardiography – ECHO). Upasuaji huo umefanyika bila kutumia mashine za mionzi kwa watoto 5.

Wataalamu wa Afya wa Taasisi ya Moyo Jakaya Kikwete (JKCI) na wenzao kutoka Hospitali ya Fuwai iliyopo Beijing nchini China wakiangalia muonekano wa moyo wa mtoto katika  mashine ya kuangalia jinsi moyo unavyofanya kazi (Echocardiography – ECHO) wakati wakiendelea na upasuaji wa kuziba tundu lililopo kwenye moyo bila kufungua kifua kwa kutumia mashine hiyo jana jijini Dar es Salaam. Upasuaji huo umefanyika bila kutumia mashine za mionzi kwa watoto 5.

Wataalamu wa Afya wa Taasisi ya Moyo Jakaya Kikwete (JKCI) na wenzao kutoka Hospitali ya Fuwai iliyopo Beijing nchini China wakiandaa vifaa kwaajili ya kumfanyia mtoto upasuaji wa moyo bila kufungua kifua kwa kutumia mashine ya kuangalia jinsi moyo unavyofanya kazi (Echocardiography – ECHO) wakati wa kambi maalumu ya siku moja iliyofanyika katika Taasisi hiyo jana jijini Dar es Salaam. Upasuaji huo umefanyika bila kutumia mashine za mionzi kwa watoto 5.

Wataalamu wa Afya wa Taasisi ya Moyo Jakaya Kikwete (JKCI) na wenzao kutoka Hospitali ya Fuwai iliyopo Beijing nchini China wakimfanyia mtoto upasuaji wa kuziba tundu lililopo kwenye moyo bila kufungua kifua kwa kutumia mashine ya kuangalia jinsi moyo unavyofanya kazi (Echocardiography – ECHO). Upasuaji huo umefanyika bila kutumia mashine za mionzi kwa watoto 5.

Mkurugenzi Mkuu wa Hospitali ya Fuwai iliyopo Beijing nchini China Xiangbin Pan akimsalimia mtoto anayesubiri kuingia katika chumba cha upasuaji mdogo wa moyo wakati wa kambi maalumu ya siku moja iliyofanywa na wataalamu hao kwakushirikiana na wenzao wa Taasisi ya Moyo Jakaya Kikwete (JKCI) kuziba matundu yaliyopo kwenye moyo kwa watoto bila ya kufungua kifua na bila kutumia mashine za mionzi.

Na: JKCI

*************************************************************************************************************************

Watoto watano wenye magonjwa ya moyo ya kuzaliwa nayo yaani matundu wamefanyiwa upasuaji mdogo wa moyo bila kufungua kifua kwa kutumia mashine ya kuangalia jinsi moyo unavyofanya kazi (Echocardiography – Echo).  

Upasuji huo umefanyika bila kutumia mashine zenye mionzo wakati wa kambi maalumu ya upasuaji wa moyo iliyokuwa ikifanywa na wataalamu wa Taasisi ya Moyo Jakaya Kikwete (JKCI) kwa kushirikiana na wenzao kutoka Hospitali ya Fuwai iliyopo Beijing nchini China.

Akizungumza mara baada ya kumalizika kwa kambi hiyo jana jijini Dar es Salaam daktari kutoka Taasisi ya Moyo Jakaya Kikwete (JKCI) Eva Wakuganda alisema upasuaji huo umekuwa na manufaa kwao kwani wameweza kupata mafunzo ambayo yameonesha kuwa na urahisi wa kufanyika kwa upasuaji na kuzuia matumizi ya mionzi.

Dkt. Eva alisema wataalamu wa JKCI wamepata mafunzo ya hatua kwa hatua kufanya upasuaji huo unaoweza kufanyika na kuleta mafanikio kwa jamii kutokana na uwezekano wake wa kufanyika hata nje ya chumba cha upasuaji.

“Upasuaji tulioufanya hapa kupitia kambi hii ni mradi mkubwa ambao unategemewa kwenda hadi vijijini, ni upasuaji ambao unaweza kufanyika hata katika mazingira magumu na kuleta matokeo chanya”, alisema Dkt. Eva

Dkt. Eva alisema mafunzo hayo yanahitajika zaidi hasa kwa wataalamu wa upasuaji mdogo wa moyo kwa watoto ili waweze kuhama kutoka kutumia mashine za mionzi hadi upasuaji bila mionzi hivyo yaendelee kutolewa mara kwa mara kwani siku moja haitoshi.

Vaileth Mkono kutoka Shinyanga ambaye mtoto wake ana tundu kwenye moyo aliwashukuru wataalamu wa JKCI na wenzao kutoka Fuwai Beijini China kwa kumfanyia upasuaji wa moyo kwa kutumia teknolojia ya kisasa kufunga tundu lililokuwepo kwenye moyo wa mtoto wake.

Vaileth alisema anajisikia furaha kuona mwanae amefanyiwa upasuaji kwani daktari alimwambia baada ya upasuaji huo mtoto atapona kabisa na kuendelea na shughuli zingine kama ambavyo watoto wasiokuwa na magonjwa hayo wanavyofanya.

“Tatizo hili limemsumbua sana mwanangu na kumfanya kushindwa  kujichanganya na wenzake kucheza hivyo kuwa mpweke lakini pia limemsababishia asianze shule hadi leo”,

“Mwanangu alianza kuumwa tangu akiwa na umri wa miezi mitatu lakini hatukujua shida hadi pale nilipoenda Hospitali ya Bugando ndio wakaniambia ana shida ya moyo na kunipa rufaa kufika hapa JKCI kwaajili ya matibabu”, alisema Vaileth

Naye Mkurugenzi Mkuu kutoka Hospitali ya Fuwai iliyopo Beijing nchini China Prof. Xiangbin Pan alisema wameleta ujuzi wa kufanya upasuaji huo hapa nchini kuwasaidia watoto wenye magonjwa ya moyo wanaohitaji huduma hiyo kutoka   maeneo ya nje ya mjini.

“Tunasema kuwasaidia watoto wanaokaa nje ya mjini tukimaanisha kuwa upasuaji huu unaweza kufanyika hata nje ya hospitali, hivyo kuwasaidia watoto ambao hawawezi kufika hapa kwaajili ya huduma hii”, alisema Prof. Pan

Prof. Pan alisema wataalamu kutoka Hospitali ya Fuwai wataendelea kuwapa ujuzi wataalamu wa JKCI mara kwa mara kwa kuendesha kambi maalumu za pamoja na wakati mwingine kuwapa fursa wataalamu wa JKCI kupata mafunzo hayo nchini China. 

 

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more