Watu wenye ulemavu 188 wapima moyo Dar

Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Mohamed Aloyce akizungumza na mtu mwenye ulemavu mara baada ya kupima vipimo vya moyo wakati wa hafla fupi ya chakula cha mchana na zawadi kwa watu hao iliyoandaliwa na Taasisi ya Mama Ongea na Mwanao na kufanyika jana katika viwanja vya Karimjee jijini Dar es Salaam.

Afisa Uuguzi wa Taasisi ya Moyo Jakaya Kikwete (JKCI) Hospitali ya Dar Group Fatma Suedy akimpima shinikizo la damu msanii wa muziki wa dansi Patcho Mwamba wakati wa hafla fupi ya chakula cha mchana na zawadi kwa watu wenye ulemavu iliyoandaliwa na Taasisi ya Mama Ongea na Mwanao na kufanyika jana katika viwanja vya Karimjee jijini Dar es Salaam.

Afisa Uuguzi wa Taasisi ya Moyo Jakaya Kikwete (JKCI) Hospitali ya Dar Group Happiness Shirima akimpima wingi wa sukari kwenye damu msanii wa muziki wa dansi kutoka bendi ya FM Academia Pablo Masai wakati wa hafla fupi ya chakula cha mchana na zawadi kwa watu wenye ulemavu iliyoandaliwa na Taasisi ya Mama Ongea na Mwanao na kufanyika jana katika viwanja vya Karemjee jijini Dar es Salaam.

Daktari wa Taasisi ya Moyo Jakaya Kikwete (JKCI) Khairoon Mohamed akizungumza na mtu mwenye ulemavu mara baada ya kupima vipimo vya moyo wakati wa hafla fupi ya chakula cha mchana na zawadi kwa watu hao iliyoandaliwa na Taasisi ya Mama Ongea na Mwanao na kufanyika jana katika viwanja vya Karimjee jijini Dar es Salaam.


Baadhi ya watu wenye ulemavu wakisubiri kufanyiwa vipimo vya moyo wakati wa hafla fupi ya chakula cha mchana na zawadi kwa watu hao iliyoandaliwa na Taasisi ya Mama Ongea na Mwanao na kufanyika jana katika viwanja vya Karimjee jijini Dar es Salaam.

Na: JKCI

**********************************************************************************************************

Watu wenye ulemavu 188 wamefanyiwa uchunguzi na matibabu ya magonjwa ya moyo, sukari na shinikizo la damu.

Matibabu hayo yamefanyika jana wakati wa hafla fupi ya chakula cha mchana na zawadi kwa watu hao iliyoandaliwa na Taasisi ya Mama ongea na mwanao katika viwanja vya Karimjee vilivyopo jijini Dar es Salaam.

Akizungumza na waandishi wa habari jana jijini Dar es Salaam Daktari bingwa wa magonjwa ya moyo kutoka Taasisi ya Moyo Jakaya Kikwete (JKCI) Mohamed Aloyce alisema katika upimaji huo watu wenye ulemavu 20 wamepewa rufaa kufika katika Kliniki ya Taasisi hiyo iliyopo Kawe kwaajili ya matibabu zaidi.

“Tumewakuta baadhi ya watu wana matatizo ya shinikizo la juu la damu, lakini kutokana na vipato vyao kuwa chini wanashindwa kwenda hospitali kwaajili ya matibabu ama hata wakienda na kupewa dawa mara moja hawarudi tena”, alisema Dkt. Aloyce

Dkt. Aloyce alisema kupitia hafla hiyo watu wenye ulemavu wameweza kupata huduma za afya lakini bado kuna uhitaji wa kuwa na bima za afya kwa kila mmoja ili pale wanaopopata changamoto za afya waweze kutibiwa kirahisi.

Kwa upande wake Mwenyekiti wa Taasisi ya Mama ongea na mwanao Stevene Mengele alisema Taasisi hiyo imeweza kuwakusanya watu wenye ulemavu kukaa nao pamoja na kuwapa faraja.

Stevene alisema kundi la walemavu lilisahaulika ndio maana baada ya kuwakusanya wakaona kuna umuhimu nao waweze kupimwa magonjwa ya moyo, kucheza nao pamoja na kuwapa faraja ili wajisikie kuwa sawa na wengine.

Stevene aliwapongeza wataalamu wa afya kwa kuwa na moyo wakujitoa kwa watu hao kuhakikisha wote waliohitaji huduma ya uchunguzi wa afya wamepata kwa wakati.

“Kazi ya kutibu ni ngumu, Mungu awasimamie, tunaomba sana msituache hata hapo baadaye tukiwataka tena mtukubalie ili kwa pamoja tuweze kuwafikia watu wa kundi hili kupata huduma hizi muhimu za afya”, alisema Stevene

Wakiongea mara baada ya kupima afya watu wenye ulemavu wameishukuru serikali kwa kutoa huduma hiyo kwao kwani wengi wao hawakuwahi kufanya vipimo hivyo na hawakuwa na matarajia ya kupima moyo katika maisha yao.

Joseph Jackson mkazi wa mbagala alisema hakujua kama ana tatizo la sukari hadi baada ya kupima na kupata majibu katika hafla hiyo ndio amegundua kuwa na tatizo la sukari.

“Naishukuru sana serikali yangu kwa kutusaidia kupata huduma za afya, leo nimepima magonjwa ya moyo, sukari, na shinikizo la damu na kukutwa na tatizo la sukari. nimepewa rufaa na nina ahidi kwenda kuchunguza zaidi.

Naye Agnes Mwanuke mkazi wa Temeke ameishukuru JKCI kwa kutoa huduma za uchunguzi na matibabu ya magonjwa ya moyo kwa walemavu kwani amekuwa akisikia maumivu makali upande wa kushoto wa moyo lakini kutokana na utafutaji wake kuwa wa shida hakufikiria kwenda hospitali kutibiwa.

“Sisi watu wenye ulemavu utafutaji wetu ni washida sana hivyo kushindwa kupata kipato cha kutupeleka hospitali kupata huduma za matibabu lakini walivyotusogezea hapa tunawashukuru sana kwani tumechunguza afya zetu”, aliema Agnes.

Agnes aliomba huduma hizo zisiishie kwa walemavu hao bali taasisi iangalie namna ya kuwafikia walemavu wengine nchini ili nao waweze kupima afya zao kwani afya ndio mtaji wa maisha.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more