Watu 350 wapimwa moyo Muleba

Wataalamu wa Taasisi ya Moyo Jakaya Kikwete (JKCI) wakiwa katika picha ya pamoja na wenzao wa Hospital ya Ndolage iliyopo Wilaya ya Muleba Mkoani Kagera wakati wa kambi maalumu ya siku sita ya matibabu ya moyo kwa wananchi wa mkoa huo.

****************************************************************************************************************

Watu 350 wamefanyiwa uchunguzi na matibabu ya magonjwa ya moyo na wataalamu wa Taasisi ya Moyo Jakaya Kikwete (JKCI) kupitia uratibu uliofanywa na Kanisa la Kiinjili la Kilutheri Tanzania (ELCT) Dayosisi ya Kaskazini Magharibi.

Upimaji huo umefanyika kwa siku sita katika Hospitali ya Ndolage iliyopo Wilaya ya Muleba mkoani Kagera mwezi Agosti mwaka huu ikiwa ni jitihada zinazofanywa na JKCI kusogeza huduma za kibingwa karibu na wananchi katika ngazi ya Wilaya pamoja kutekeleza Mkataba wa Makubaliano uliosainiwa kati ya JKCI na Hospitali ya Ndolage.

Akitoa taarifa ya Kambi hiyo Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Samweli Rweyemamu alisema tatizo la shinikizo la damu lilikuwa kati ya ugonjwa ulioongoza katika kambi hiyo ikifuatiwa na ugonjwa wa kisukari. 

“Matatizo mengine tuliyoyabaini katika kambi hiyo ni matatizo ya moyo kushindwa kufanya kazi vizuri, matatizo ya mishipa ya damu pamoja na magonjwa sugu ya figo. Upande wa watoto tulibaini baadhi ya magonjwa ya moyo ya kuzaliwa nayo ikiwemo matundu pamoja na matatizo ya mfumo wa umeme wa moyo”, alisema Dkt. Rweyemamu

Dkt. Rweyemamu alisema watu 23 walipewa rufaa ya kwenda JKCI kwa ajili ya uchunguzi zaidi pamoja na kupatiwa matibabu maalumu, huku watoto watano wenye magonjwa ya moyo ya kuzaliwa nayo kupewa rufaa kwaajili ya kufanyiwa upasuaji wa moyo. 

Dkt. Rweyemamu alisema kupitia kambi hiyo wataalamu wa JKCI walifungua kliniki ndogo ya huduma za haraka (Fast track clinic) ambayo iliweza kuhudumia wagonjwa 67 na kuifanya Hospitali ya Ndolage kuvutiwa na kliniki hiyo.

Kupitia kambi hiyo wagonjwa wote waliohitaji dawa za magonjwa ya moyo na mishipa ya damu pamoja na dawa za magonjwa mengine yanayoambatana na hali hizo walipatiwa dawa jambo ambalo lilirahisisha upatikanaji wa huduma za afya kwa wananchi hao.

Huduma hiyo ya uchunguzi na matibabu ya magonjwa ya moyo katika Hospitali ya Ndolage iliyopo Wilaya ya Muleba Mkoani Kagera imeonyesha ari ya JKCI kusogeza huduma za kibingwa za matibabu ya moyo karibu na wananchi lakini pia kuwapa wananchi huduma kwa wakati na elimu ambayo itaisaidia jamii kujikinga na magonjwa yasiyoambukiza yakiwemo ya moyo.


Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more