Wananchi wa Mwanza wafikiwa na huduma bingwa za matibabu ya moyo

Daktari bingwa wa magonjwa ya moyo wa Taasisi ya Moyo Jakaya Kikwete Hospitali ya JKCI Dar Group Mlagwa Yango akimsikiliza mwananchi aliyefika kufanya uchunguzi wa afya wakati wa kambi maalumu ya matibabu ya magonjwa ya binadamu iliyoandaliwa na Ofisi ya Mbunge wa Nyamagana Mhe. John Nzilanyingi kwa ushirikiano na Ofisi ya Mganga Mkuu wa Mkoa Mwanza inayofanyika katika uwanja wa Nyamagana uliopo jijini Mwanza.

Afisa Uuguzi wa Taasisi ya Moyo Jakaya Kikwete (JKCI) Witnes Lyaruu akimpima shinikizo la damu (BP) mkazi wa Mwanza aliyefika kufanya uchunguzi wa afya wakati wa kambi maalumu ya matibabu ya magonjwa ya binadamu iliyoandaliwa na Ofisi ya Mbunge wa Nyamagana Mhe. John Nzilanyingi kwa ushirikiano na Ofisi ya Mganga Mkuu wa Mkoa wa Mwanza inayofanyika katika uwanja wa Nyamagana uliopo Jijini Mwanza.

Fundi sanifu wa moyo wa Taasisi ya Moyo Jakaya Kikwete (JKCI) Daffa Suleiman akimpima kipimo cha kuangalia jinsi moyo unavyofanya kazi (Echocardiography - ECHO) mkazi wa Mwanza aliyefika kufanya uchunguzi wa afya wakati wa kambi maalumu ya matibabu ya magonjwa ya binadamu iliyoandaliwa na Ofisi ya Mbunge wa Nyamagana Mhe. John Nzilanyingi kwa ushirikiano na Ofisi ya Mganga Mkuu wa Mkoa wa Mwanza inayofanyika katika uwanja wa Nyamagana uliopo Jijini Mwanza.

Baadhi ya wananchi wa mkoa wa Mwanza wakisubiri kupata huduma walipotembelea banda la Taasisi ya Moyo Jakaya Kikwete (JKCI) wakati wa kambi maalumu ya matibabu ya magonjwa ya binadamu iliyoandaliwa na Ofisi ya Mbunge wa Nyamagana Mhe. John Nzilanyingi kwa ushirikiano na Ofisi ya Mganga Mkuu wa Mkoa wa Mwanza inayofanyika katika uwanja wa Nyamagana uliopo Jijini Mwanza.

******************************************************************************************

Wananchi wa Mkoa wa Mwanza na maeneo jirani wamehimizwa kujitokeza kwa wingi kufanya uchunguzi wa magonjwa ya moyo, kufahamu namba zao na kupata elimu itakayowasaidia kujilinda na magonjwa yasiyoambukiza.

Rai hiyo imetolewa na Daktari Bingwa wa Magonjwa ya Moyo wa Taasisi ya Moyo Jakaya Kikwete (JKCI) Mlagwa Yango wakati wa kambi maalumu ya siku tano iliyoandaliwa na Ofisi ya Mbunge wa Nyamagana Mhe. John Nzilanyingi kwa kushirikiana na Ofisi ya Mganga Mkuu wa Mkoa wa Mwanza.

Dkt. Yango alisema kupitia kambi hiyo JKCI inatoa huduma za uchunguzi wa magonjwa ya moyo kwa watoto na watu wazima na kuwafanyia vipimo vya kuchunguza mfumo wa umeme wa moyo (Electrocardiography - ECG), kipimo cha kuangalia jinsi moyo unavyofanya kazi (Echocardiography - ECHO) pamoja na vipimo vya kupima namba zao muhimu za afya.

“Tunawashauri wananchi wa Mkoa wa Mwanza na maeneo ya jirani kutumia fursa hii kujitokeza kwa wingi kwa sababu muda wa kambi ni mfupi na lengo letu ni kuwasaidia wananchi kufahamu hali za afya zao”, alisema Dkt. Yango.

Wakizungumza kwa nyakati tofauti wananchi waliopata huduma katika banda la JKCI waliishukuru Serikali ya awamu ya sita inayoongozwa na Rais Samia Suluhu Hassan kwa kuwachagua viongozi wanaojali wananchi na kuwapa fursa ya kuchunguza afya zao bila malipo karibu na maeneo wanayoishi.

Kassimu Mohammed mkazi wa Mwanza alisema amefanya maamuzi ya kufika kupima afya yake hususani moyo ili waweze kupata ushauri sahihi kutoka kwa wataalamu mabingwa kutoka JKCI.

“Tunamshukuru sana Mbunge wa Nyamagana Mhe. John Nzilanyingi  walioandaa kwa kuandaa kambi hii kwa ajili ya wananchi wa Mwanza, kambi hili inatusaidia sisi wananchi kuyajua magonjwa kwa kina lakini pia hata kutambua dalili za magonjwa yasiyoambukiza”, alisema Kassimu.

Naye Muhidha Juma alisema ameridhishwa na huduma alizopata katika banda la JKCI kutokana na ukarimu wa wataalamu hao kutoa huduma kwa upendo, kufuata taratibu walizoweka na kuhakikisha watu wote wanapata huduma.

Kambi hiyo maalumu ya matibabu ya magonjwa ya binadamu inayofanyika kwa siku tano ni sehemu ya juhudi za Serikali kusogeza huduma za kibingwa karibu na wananchi, kuongeza uelewa kuhusu magonjwa yasiyoambukiza na kuhamasisha jamii kufanya uchunguzi wa afya mara kwa mara ili kubaini mapema matatizo yanayoweza kuathiri afya zao.

-         Mwisho -

 


Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more