Kwa mara ya kwanza JKCI yafanya upasuaji mkubwa wa moyo kwa kufungua tundu dogo kwenye kifua (Minimal Invasive Surgery)


Madaktari bingwa wa upasuaji mkubwa wa moyo na mishipa ya damu wa Taasisi ya Moyo Jakaya Kikwete (JKCI) wakishirikiana na wenzao kutoka Hospitali ya King Faisal Specialist iliyopo nchini Saud Arabia kumfanyia upasuaji wa kupandikiza mishipa ya damu (Bypass Surgery) mgonjwa wakati wa kambi maalum ya siku 6 ya matibabu ya moyo iliyofanyika katika Taasisi hiyo iliyopo Jijini Dar es Salaam

Madaktari bingwa wa upasuaji mkubwa wa moyo na mishipa ya damu wa Taasisi ya Moyo Jakaya Kikwete (JKCI) wakishirikiana na wenzao kutoka Hospitali ya King Faisal Specialist iliyopo nchini Saud Arabia kumfanyia upasuaji wa kubadilisha mshipa mkubwa wa moyo (aneurysm repair) mgonjwa wakati wa kambi maalum ya siku 6 ya matibabu ya moyo iliyofanyika katika Taasisi hiyo iliyopo Jijini Dar es Salaam


Daktari bingwa wa usingizi wa Taasisi ya Moyo Jakaya Kikwete (JKCI) Alex Loth akihakikisha Valvu iliyopandikizwa inafanya kazi vizuri kwa kutumia mashine ya Trans esophageal Echo kabla ya kutoa moyo katika mashine ya kuusaidia moyo na mapafu kufanya kazi wakati wa kambi maalum ya siku 6 ya matibabu ya moyo iliyofanywa na madaktari wa JKCI kwa kushirikiana na wenzao kutoka Hospitali ya King Faisal Specialist iliyopo nchini Saud Arabia na kumalizika mwishoni mwa wiki katika Taasisi hiyo iliyopo Jijini Dar es Salaam

Mtaalam wa kuendesha mashine ya kuusaidia moyo na mapafu kufanya kazi (Heart lung machine) wa Taasisi ya Moyo Jakaya Kikwete (JKCI) Sophia Lukonge akiendesha mashine hiyo wakati wa kambi maalum ya siku 6 ya matibabu ya moyo iliyofanywa na madaktari wa JKCI kwa kushirikiana na wenzao kutoka Hospitali ya King Faisal Specialist iliyopo nchini Saud Arabia na kumalizika mwishoni mwa wiki katika Taasisi hiyo iliyopo Jijini Dar es Salaam.

*********************************************************************************************************

Na: Genofeva Matemu

Kwa mara ya kwanza Taasisi ya Moyo Jakaya Kikwete (JKCI) kwa kushirikiana na madaktari kutoka Hospitali ya King Faisal Specialist iliyopo nchini Saud Arabia chini ya Taasisi ya Muslim World League wamefanya upasuaji maalum wa kufungua tundo dogo (minimal invasive surgery) kwenye kifua na kufanya upasuaji mkubwa wa moyo kwa wagonjwa watatu katika kambi maalum ya matibabu ya siku sita.

Akizungumza na waandishi wa habari kuhusu kambi hiyo iliyomalizika mwishoni wa wiki Mkurugenzi wa Kurugenzi ya Upasuaji wa Moyo wa JKCI Dkt. Angela Muhozya alisema kuwa katika upasuaji huo wanawake wanafanyiwa upasuaji chini ya ziwa na kwa wanaume upasuaji unafanyika pembeni karibu na kwapa.

“Kwetu sisi wataalam wa JKCI huu ni upasuaji wetu wa kwanza tumefanya wa kufungua tundu dogo kwenye kifua (minimal invasive surgery) na moja ya malengo yetu ni kuongeza utaalam kila baada ya muda, tumekusudia mwaka huu tuanze kufanya upasuaji mkubwa wa moyo kwa kufungua kifua kwa sehemu ndogo kwasababu ndio upasuaji wa viwango vya juu kwa sasa duniani”,

“Tumejifunza hatua za awali, tumejua vifaa gani vinahitajika, maandalizi ya aina gani ya ziada yafanyike kwa wagonjwa na pia baada ya upasuaji tumejifunza ni jinsi gani tunapaswa kuwahudumia wagonjwa hao, upasuaji wa moyo siyo lazima uwe na mshono mkubwa, unakuwa na mshono kidogo, maumivu kidogo na unapona haraka”, alisema Dkt. Angela

Akizungumzia idadi ya wagonjwa waliofanyiwa upasuaji katika kambi hiyo Dkt. Angela alisema kuwa jumla ya wagonjwa 15 ambao walihitaji kubadilishiwa milango ya moyo, kupandikiza mishipa na kubadilisha mshipa mkubwa wa moyo (aneurysm repair) wamefanyiwa upasuaji.

“Wagonjwa 8 walifanyiwa upasuaj wa kubadilishiwa milango ya moyo ambapo kati yao wagonjwa 3 walifanyiwa upasuaji mkubwa wa moyo kwa kufungua kifua sehemu ndogo chini ya ziwa ambapo wagonjwa hao walitoka chumba cha uangalizi maalumu ICU baada ya siku moja na kwenda wodini wakiwa na kidonda kidogo sana”, alisema Dkt. Angela

Dkt. Angela alisema wagonjwa wengine 5 walifanyiwa upasuaji wa kupandikiza mishipa (bypass surgery) zaidi ya mitatu kwa njia ya kawaida kutokana na matatizo yao kuwa makubwa hivyo kukosa nafasi ya kufunguliwa tundu dogo ambapo wagonjwa 3 walifanyiwa upasuaji bila ya kuusimamisha moyo na wawili walifanyiwa upasuaji kwa kuusimamisha moyo.

“Wagonjwa wawili wamefanyiwa upasuaji mkubwa wa moyo wa kubadilisha mshipa mkubwa wa moyo (aneurysm repair) na hadi sasa wagonjwa wote wanaendelea vizuri na wengine wameshatoka katika chumba cha uangalizi maalum (ICU) wamerudishwa wodini”, aliasema Dkt. Angela

Aidha Dkt. Angela amewataka wananchi kujiwekea utaratibu wa kufanya uchunguzi wa afya mara kwa mara ili wanapokuwa na tatizo la moyo liweze  kugundulika mapema kwani tatizo linapojulikana mapema matibabu huwa rahisi kufanyika kwa wakati hivyo kuwezesha  kupata matokeo mazuri zaidi  na maisha bora baada ya upasuaji .

Kwa upande wake Daktari bingwa wa upasuaji wa moyo na mishipa ya damu kutoka Hospitali ya King Faisal Specialist iliyopo Nchini Saud Arabia chini ya Taasisi ya Muslim World League Ali Haneef alisema kuwa madaktari wa Saud Arabia wamekua wakishirikiana na madaktari wa JKCI mara kwa mara ambapo katika kambi hiyo wamekuja na mbinu mpya ya upasuaji wa moyo wa kufungua tundu dogo katika upasuaji mkubwa wa moyo.

“Tunaendeleza lengo letu la kuwasaidia wagonjwa wa moyo lakini pia kubadilishana uzoefu na wataalam wenzetu wa hapa JKCI ambapo katika kambi hii tumewafundisha mbinu mpya ya upasuaji wa moyo kwa kufungua sehemu ndogo ya kifua na kufanya upasuaji mkubwa mbinu ambayo inarahishisha matibabu na mgonjwa anapona haraka”,

“Wataalam wa JKCI wanaendelea kupanda viwango kwani hapo awali ilitulazimu kuja kundi kubwa la wataalam wa maeneo yote kuanzia madaktari wa usingizi, wauguzi wa chumba cha upasuaji na ICU na madaktari wa upasuaji lakini katika kambi hii tumekuja wataalam wachache kwasababu uzoefu tuliobadilishana nao umeleta matokeo chanya sasa tunafanya kwa pamoja”, alisema Dkt. Ali

Naye Mkurugenzi wa Taasisi ya Muslim World League nchini Tanzania Hassan Katungunya ameishukuru Serikali ya Tanzania kwa ushirikiano ambao wanautoa kufanikisha ujio wa wataalam hao kutoka nchini Saud Arabia kwa ajili ya kutoa ujuzi na matibabu kwa watanzania.

“Naishukuru Serikali ya Tanzania kwa ushirikiano mliotupatia, lakini pia nawashukuru wataalam wa afya waliotoka Saud Arabia kwa kufanikisha zoezi la kuwasaidia watanzania wenye uhitaji wa kufanyiwa upasuaji wa moyo lakini pia kuwaongezea wataalamu wetu ujuzi” alisema Hassan

 

 

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more