Kamati ya Bunge Maendeleo ya Jamii yatembelea JKCI, yaipongeza kambi ya upasuaji wa moyo kwa watoto


Daktari wa upasuaji mdogo wa moyo kwa watoto kutoka Kituo cha Mfalme Salman cha Misaada ya Kibinadamu kilichopo nchini Saudi Arabia Dkt. Jameel Al-Ata akiwaeleza wajumbe wa Kamati ya kudumu ya Bunge ya huduma na maendeleo ya jamii kuhusu upasuaji wa moyo kwa watoto wanaofanyika  katika Taasisi ya Moyo ya Jakaya Kikwete (JKCI).  Wajumbe hao walitembelea Taasisi hiyo kwa ajili ya kuona kambi ya upasuaji wa moyo kwa watoto inayofanywa na wataalamu wa JKCI kwa kushirikiana na wenzao kutoka nchini Saudi Arabia.

Mbunge wa Jimbo la Mchinga ambaye pia ni mjumbe wa Kamati ya kudumu ya Bunge ya huduma na maendeleo ya jamii Mhe. Salma Kikwete akisoma bango la Kituo cha Mfalme Salman cha Misaada ya Kibinadamu kilichopo nchini Saudi Arabia ambacho kimetuma wataalamu wake kwenda katika Taasisi ya Moyo Jakaya Kikwete (JKCI) kwa ajili ya kushirikiana na wataalamu wa taasisi hiyo kufanya upasuaji wa moyo kwa watoto. Kushoto ni Mwenyekiti wa kamati hiyo Mhe. Stanslaus Nyongo akifuatiwa na Naibu Waziri wa Afya Mhe. Dkt. Godwin Mollel.


Naibu Waziri wa Afya Mhe. Dkt. Godwin Mollel, Mwenyekiti wa Kamati ya kudumu ya Bunge ya huduma na maendeleo ya jamii Mhe. Stanslaus Nyongo, wajumbe wa kamati hiyo wakiwa  katika picha ya pamoja na wataalamu wa magonjwa ya moyo kwa watoto kutoka Kituo cha Mfalme Salman cha Misaada ya Kibinadamu kilichopo nchini Saudi Arabia ambao wako katika Taasisi ya Moyo Jakaya Kikwete (JKCI) kwa ajili ya kufanya upasuaji wa moyo kwa watoto kwa kushirikiana na wataalamu wa JKCI.
                
 *******************************************************************************************************************************************************************************************************************************************************

Na Andrew Chale - Dar es Salaam

Kamati ya Kudumu ya Bunge ya Huduma na Maendeleo ya Jamii imetembelea Taasisi ya Moyo Jakaya Kikwete (JKCI) na kukutana na Wataalamu wa magonjwa ya moyo ya watoto kutoka Saudi Arabia wanaoendesha kambi maalum ya upasuaji bure kwa watoto.

 Kamati hiyo ikiongozwa na Mwenyekiti wake, Stanslaus Nyongo (MB) iliambatana   na Naibu Waziri wa Afya, Dkt. Godwin Mollel ambapo Wajumbe wa Kamati hiyo (Wabunge) waliweza kupatiwa maelezo juu ya kambi hiyo ya matibabu  na Mkurugenzi wa Taasisi hiyo, Prof. Mohamed Janabi.

 Kambi hiyo ya matibabu ya moyo kwa watoto iliaanza Septemba 3, mwaka huu na kutarajia kumalizika Septembe 9, 2022 inafanywa na wataalamu wa JKCI kwa kushirikiana na wenzao kutoka kituo cha Mfalme Salman cha Misaada ya Kibinadamu kilichopo nchini Saudi Arabia.

 Aidha, JKCI kupitia kwa Dkt. Winnie Masakuya ilisema wanafanya kambi maalum ya upasuaji wa moyo  kwa watoto bure, ambapo aliomba wazazi waweze kuwapeleka watoto wao kwa ajili ya kufanyiwa uchunguzi na kupewa matibabu.

 "Tunawaomba wazazi na Madaktari wenye watoto wanaosumbuliwa na matatizo ya moyo kama;matundu, mishipa ya damu ya moyo kutokuwa katika mpangilio wake (ASD for device closure, PDA for device closure, BAD, & Pulmonary valvular stenosis) wawalete kwa ajili ya kufanyiwa uchunguzi na upasuaji kwa wale itakaolazimika." alisema Dkt.Winnie Masakuya.

 Naye Mbunge wa Jimbo la Mchinga ambaye pia ni mjumbe wa Kamati ya kudumu ya Bunge ya huduma na maendeleo ya jamii Mhe. Salma Kikwete aliwaomba wazazi kutoka mikoa yote kuweza kujitokeza kwa wingi kupeleka watoto wao wenye matatizo ya moyo katika Taasisi hiyo ili kupatiwa uchunguzi wa moyo, kwani ni fursa ya kipekee ya uwepo wa wataalam hao hapa nchini.



Comments

Post a Comment

Popular posts from this blog

Wateja wa CRDB kutibiwa JKCI kwa punguzo la asilimia 50%

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakisaini mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.    Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakibadilishana mkataba wa makubaliano ya ushirikiano baina ya JKCI na Benki ya CRDB leo wakati wa hafla fupi ya kusaini mkataba huo iliyofanyika katika ukumbi wa JKCI jijini Dar es Salaam.   Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge   pamoja na Kaimu Mkurugenzi Mtendaji wa Benki ya CRDB Bruce Mwile wakimjulia hali mtoto aliyelazwa katika wodi ya watoto wenye magonjwa ya moyo kabla ya hafla fupi ya kusaini mkataba wa makubaliano ya ushirikiano bain...
Read more

Wanawake wa JKCI SACCOS wanaongoza kwa kumiliki hisa

Image
Mwenyekiti wa Chama cha kuweka akiba na mikopo (SACCOS) cha Taasisi ya Moyo Jakaya Kikwete (JKCI) Dkt. Tulizo Shem akizungumza na wanachama wa SACCOS hiyo wakati wa mkutano mkuu wa mwaka uliofanyika leo katika ukumbi wa Taasisi hiyo iliyopo Jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) na mgeni rasmi katika mkutano mkuu wa mwaka wa wanachama wa Chama cha kuweka akiba na mikopo (SACCOS) cha JKCI akiwapongeza wanachama hao kwa kuweka jitihada za kuboresha mfuko wa SACCOS leo wakati wa mkutano huo uliofanyika katika ukumbi wa JKCI iliyopo jijini Dar es Salaam Afisa Ushirika Halmashauri ya Jiji la Dar es Salaam Mihayo Malunde akielezea namna fedha zinazokusanywa na Chama cha kuweka akiba na mikopo (SACCOS) cha JKCI zinaweza kuongeza uchumi wa wanachama wakati wa mkutano mkuu wa mwaka wa wanachama wa SACCOS ya Taasisi ya Moyo Jakaya Kikwete (JKCI) uliofanyika leo katika ukumbi wa JKCI iliyopo jijini Dar es Salaam Mjumbe wa Chama cha kuweka akiba na mikop...
Read more

JKCI, MOI NA MNH waitwa Comoro kutoa huduma za matibabu ya kibingwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuonyesha Waziri wa Ulinzi wa Comoro Mhe. Yousoufa Mohamed Ali    sehemu ya kusubiria wagonjwa wa kliniki maalumu ya VIP alipotembelea taasisi hiyo leo kwaajili ya kuona huduma mbalimbali za matibabu ya moyo zinazotolewa. Waziri wa Ulinzi wa Comoro Mhe. Yousoufa Mohamed Ali akizungumza na viongozi wa wizara ya Afya, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na  Hospitali ya Taifa Muhimbili (MNH)  alipozitembelea hospitali hizo leo kwaajili ya kuona namna ambavyo zitawatuma wataalamu wake   kwenda kutoa huduma za matibabu ya kibingwa kwa wananchi wa Comoro.   Waziri wa Ulinzi wa Comoro Mhe. Yousoufa Mohamed Ali akiagana na Naibu Katibu Mkuu wa Wizara ya Afya Mhandisi Ismail Rumatila mara baada ya kukutana na viongozi wa wizara hiyo, Taasisi ya Moyo Jakaya Kikwete (JKCI), Taasisi ya Tiba ya Mifupa na Ubongo Muhimbili (MOI) na...
Read more