Wagonjwa 125,466 watibiwa JKCI Dar Group

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa JKCI hospitali ya Dar Group wakati wa kikao cha wafanyakazi kilichofanyika hivi karibuni katika Hospitali hiyo iliyopo jijini Dar es Salaam.

Kaimu Mkurugenzi wa JKCI Hospitali ya Dar Group Dkt. Tulizo Shemu akielezea mafanikio ya Hospitali hiyo wakati wa kikao cha wafanyakazi kilichofanyika hivi karibuni katika Hospitali ya JKCI Dar Group iliyopo jijini Dar es Salaam.


Wafanyakazi wa JKCI Hospitali ya Dar Group wakifuatilia taarifa zilizokuwa zikitolewa na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge (hayupo pichani) wakati wa kikao na wafanyakazi hao kilichofanyika hivi karibuni jijini Dar es Salaam.

Daktari wa JKCI Hospitali ya Dar Group Mlagwa Yango akielezea huduma zinazotolewa kwa wagonjwa wanaofika katika Hospitali hiyo wakati wa kikao cha wafanyakazi kilichofanyika hivi karibuni katika ukumbi wa Hospitali hiyo iliyopo jijini Dar es Salaam.

Mteknolojia wa Maabara wa JKCI Hospitali ya Dar Group Elizabeth Manda akitoa pongezi kwa uongozi mzuri unaofanywa na Hospitali hiyo wakati wa kikao cha wafanyakazi wa Hospitali hiyo kilichofanyika hivi karibuni jijini Dar es Salaam. 


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akikata utepe kufungua mgahawa wa chakula uliopo JKCI Hospitali ya Dar Group mara baada ya mgahawa huo kufanyiwa ukarabati kukidhi hadhi ya Hospitali hiyo hivi karibuni jijini Dar es Salaam.

Na: JKCI

*********************************************************************************************************

Wagonjwa 125,466 waliokuwa na changamoto mbalimbali za kiafya wamepatiwa matibabu JKCI Hospitali ya Dar Group kuanzia tarehe 1 Januari 2023 hadi 30 Desemba 2023.

Upande wa wagonjwa waliolazwa jumla ya wagonjwa 2,678 walilazwa ambapo watu wazima walikuwa 1,599 huku watoto wakiwa 1,079, na wagonjwa 1,256 walifanyiwa upasuaji wa aina mbalimbali katika Hospitali hiyo.

Hayo yamesemwa hivi karibuni na Kaimu Mkurugenzi wa JKCI Hospitali ya Dar Group Dkt. Tulizo Shemu wakati wa kikao cha wafanyakazi wa Hospitali hiyo na kuongeza kuwa kumekuwa na ongezeko kubwa la idadi ya wagonjwa wanaotibiwa katika Hospitali hiyo kwani sasa hospitali inapokea wagonjwa kati ya 400 hadi 500 kwa siku tofauti na awali ilipokuwa ikipokea wagonjwa 200 hadi 300 kwa siku.

“Kutokana na utayari wa wafanyakazi wa Hospitali yetu tumeweza kumudu idadi ya wagonjwa wote wanaofika kwaajili ya matibabu hivyo kuwapatia huduma bora na kwa wakati”, alisema Dkt. Shemu

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge aliwapongeza wafanyakazi kwa kazi wanazofanya na kusema kuwa huduma zinazotolewa zitolewe kwa upendo na kuifanya Hospitali hiyo kuwa ya mfano Tanzania.

Dkt. Kisenge alisema sambamba na maboresho ya miundombinu ya Hospitali hiyo yanayofanyika wafanyakazi pia wanatakiwa kuwa mstari wa mbele kuleta mabadiliko kwa kuwapenda wagonjwa wanaowahudumia kwani upendo usaidia kupunguza changamoto za kiafya hivyo kujisikia vizuri.

“Uongozi unaendelea kuboresha miundombinu ya Hospitali yetu ambapo tunaendelea na uboreshaji wa majengo, kuimarisha Idara ya dharura na sasa tumejipanga kuimarisha chumba cha wagonjwa mahututi (ICU), pamoja na kununua mashine za kisasa za kutolea huduma za matibabu”, alisema Dkt. Kisenge

Aidha Dkt. Kisenge amewataka wafanyakazi wa Hospitali hiyo kuendelea kushiriki katika mafunzo ya jinsi ya kuokoa maisha (Basic Life Support - BLS) mara kwa mara kwani huduma hiyo ni mtambuka.

“Kuna wafanyakazi 20 tayari wameshapatiwa mafunzo ya kuokoa maisha (Basic Life Support – BLS), nia yangu ni kuwaona wafanyakazi wote wanashiriki katika mafunzo haya hasa wale wanaotoa huduma katika wodi za wagonjwa tunaowahudumia pamoja na madaktari”, alisema Dkt. Kisenge

Naye Mfamasia wa Hospitali hiyo Yusuph Mwakatobe alisema upande wa Idara ya Famasi huduma zimeboreshwa kwa kiwango kikubwa kwani sasa upatikanaji wa dawa ni wa asilimia 100.

Mwakatobe alisema wagonjwa wanaotembelea duka la dawa lililopo JKCI Hospitali ya Dar Group wanapata dawa za aina zote kwani kitengo hicho kimedhamiria kurahisisha huduma za upatikanaji wa dawa kwa wagonjwa.

“Tumejipanga kuhakikisha katika duka letu la dawa hatupati changamoto ya upungufu wa dawa ili wagonjwa wanapotibiwa katika Hospitali yetu wasipate changamoto yakwenda kutafuta dawa sehemu nyingine”, alisema Mwakatobe



Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na watendaji wakuu wa Taas
Read more