JKCI kuwafanyia uchunguzi wa moyo wateja wa ATC

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa katika picha ya pamoja na viongozi kutoka Shirika la ndege la Air Tanzania (ATCL) mara baada ya kumalizika kwa kikao cha mashirikiano kilichofanyika jana jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na viongozi kutoka Shirika la ndege la Air Tanzania (ATCL) wakati wa kikao cha kuangalia namna ambavyo watashirikiana kutoa huduma kwa wateja wanaotumia shirika hilo kupata huduma za uchunguzi wa afya katika Taasisi ya Moyo Jakaya Kikwete (JKCI). 

Meneja masoko wa Shirika la ndege la Air Tanzania (ATCL) Christina Tungalaza akifafanua jambo wakati wa kikao cha kujadili namna shirika hilo linaenda kushirikiana na Taasisi ya Moyo Jakaya Kikwete (JKCI) kutoa huduma za uchunguzi wa afya kwa wateja wake jana jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akisalimiana na viongozi kutoka Shirika la ndege la Air Tanzania alipotembelea shirika hilo jana kujadili namna ambavyo watashirikiana kutoa huduma za uchunguzi wa afya kwa wateja wanaotumia ndege ya ATCL.

Na: JKCI

******************************************************************************************************************

Wateja wanaotumia ndege ya Air Tanzania kupata ofa ya kufanya uchunguzi wa afya katika Taasisi ya Moyo Jakaya Kikwete (JKCI).

Ofa hiyo itatolewa kwa wateja wanaokata tiketi daraja la biashara (Business) kwa safari za ndani ya nchi na daraja la biashara na uchumi (Business and Economy) kwa safari za nje ya nchi.

Akizungumza mara baada ya kufanya kikao na viongozi kutoka shirika la ndege la Air Tanzania (ATCL) Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema JKCI imeona fursa ya kushirikiana na shirika hilo kama sehemu ya kuimarisha tiba utalii nchini.

“Ndege ya Shirika la Air Tanzania sasa inasafiri nchi mbalimbali Afrika na nje ya Afrika, tukitumia fursa hii kutoa ofa ya uchunguzi wa afya kwa wateja wake tutakuza utalii tiba nchini”, alisema Dkt. Kisenge

Dkt. Kisenge alisema JKCI na ATCL wapo katika mkakati wa kuidhinisha makubaliano ya ushirikiano huo ambao utalifanya Shirika hilo kuwa la kwanza kuwezesha huduma za uchunguzi wa afya kwa wateja wake nchini.

“Wateja wa Air Tanzania sasa wajiandae kupata huduma bingwa na bobezi za uchunguzi wa afya katika Taasisi yetu, tunawahaidi mkitibiwa kwetu hamtaenda hospitali nyingine”, alisema Dkt. Kisenge

Kwa upande wake Meneja Masoko kutoka Shirika la ndege la Air Tanzania (ATCL) Christina Tungalaza alisema ushirikiano na JKCI utasaidia kuongeza wateja wanaotumia ndege hiyo na kuongeza pato la Taifa.

Christina alisema mbali na kuongeza wateja wanaotumia ndege hiyo ushirikiano huo utasaidia kupunguza wagonjwa wanaoenda nje ya nchi kwaajili ya kufanya uchunguzi wa afya kwa kutumia fursa hiyo kuchunguza afya zao JKCI.

“Tumekuwa tukipata wateja wanaotumia ndege yetu kwenda nje ya nchi kwaajili ya kufanya uchunguzi na matibabu, tukianza ushirikiano na JKCI itawapunguzia wateja wetu adha ya kufuata huduma za afya nje ya chini na kutibiwa hapa nchini”, alisema Christina.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more