JKCI na Shirika la UNA VOCE PER PADRE PIO la Italia wasaini mkataba wa kuwasaidia watoto wenye matatizo ya moyo Afrika

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  na Rais wa Shirika la UNA VOCE PER PADRE PIO la nchini Italia Palumbo Vincenzo wakibadilishana mkataba wa kuwatibu watoto wenye matatizo ya moyo  barani Afrika wakati wa hafla fupi ya kusaini mkataba huo iliyofanyika leo katika ukumbi wa Taasisi hiyo iliyopo jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Rais wa Shirika la UNA VOCE PER PADRE PIO la nchini Italia Palumbo Vincenzo wakionesha mkataba wa kuwatibu watoto wenye matatizo  ya moyo waliopo barani Afrika wakati wa hafla fupi ya kusaini mkataba huo iliyofanyika leo katika ukumbi wa Taasisi hiyo iliyopo jijini Dar es Salaam.

*************************************************************************************************************************************************************************************************************************

Taasisi ya Moyo Jakaya Kikwete (JKCI) imesaini mkataba wa kushirikiana na Shirika la UNA VOCE PER PADRE PIO lililopo nchini Italia kuwasaidia watoto wenye magonjwa ya moyo waliopo barani Africa.

Mkataba huo umesainiwa leo jijini Dar es Saalam baada ya kuona maendeleo makubwa yaliyopo katika Taasisi hiyo kwa ukubwa Afrika na Taasisi ya kipekee inayoweza kuwasaidia watoto wenye matatizo ya moyo barani Afrika.

Akizungumza na waandishi wa habari wakati wa kusaini mkataba huo Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema kupitia mkataba huo Shirika la UNA VOCE PER PADRE PIO watakuwa wanawachukua watoto wenye magonjwa ya moyo kutoka nchi mbalimbali Afrika na kuwafikisha JKCI kwa ajili ya kufanyiwa upasuaji wa moyo.

“Siku ya jana Shirika hili limewaleta watoto watatu kutoka nchini Cameron ambao tayari tumewapokea na watafanyiwa upasuaji wa moyo kesho”, alisema Dkt. Kisenge.

Dkt. Kisenge alisema Shirika hilo limeingia mkataba na JKCI ili waweze kuchukua watoto wenye magonjwa ya moyo waliopo barani Afrika na kuwapeleka JKCI kufanyiwa upasuaji wa moyo lakini pia kulipia gharama za matibabu ya watoto hao.

“Kupitia mkataba huu nchi yetu itaendelea kutangaza utalii tiba na hii ni kutokana na uwekezaji mkubwa uliofanywa na Serikali kupitia Rais wetu Mhe. Dkt. Samia Suluhu Hassan kwa kuwekeza kwenye vifaa tiba na rasilimali watu”, alisema Dkt. Kisenge.

Kwa upande wake Rais wa Shirika la UNA VOCE RER PADRE PIO la nchini Italia Palumbo Vincenzo alisema Shirika hilo linathamini maisha ya watoto hivyo kuona umuhimu wa kuwasaidia kwa njia mbalimbali ikiwemo kusaini mkataba na JKCI kwani wakiokoa maisha hata ya mtoto mmoja ni muhimu kwao.

Vincenzo alisema wamekuwa wakiifahamu JKCI kuwa ni taasisi kubwa na yenye viwango vya juu katika kutoa huduma za upasuaji wa moyo barani Afrika na kutokana na uhaba wa huduma hizi katika nchi nyingine za Afrika wakaona ni vizuri kuitumia JKCI kuokoa maisha ya watoto.

Vincenzo alisema wanaona fahari na bahati kubwa kushirikiana na kusaini makubaliano na JKCI kwani ni Taasisi kubwa yenye viwango vya juu Afrika hivyo kuifanya Tanzania kuwa kituo kikubwa cha matibabu ya magonjwa ya moyo Afrika.

“Tunawashukuru kwa kutupa nafasi hii kushirikiana nanyi, tunaahidi kuwa sehemu ya kuleta maendeleao katika kutoa huduma za upasuaji wa moyo na tutaitangaza Tanzania kama kituo kikubwa cha kutoa huduma za upasuaji wa moyo kwa watoto”, alisema Vincenzo.

Naye Mkurugenzi wa Upasuaji wa Moyo wa Taasisi ya Moyo Jakaya Kikwete (JKCI) Dkt. Angela Muhozya alisema Shirika hilo kutoka Italia limekubali kufanya kazi na JKCI ya kuwasaidia watoto wa Afrika wanaohitaji kupata huduma ya matibabu ya moyo.

JKCI imekuwa ikifanya matibabu ya upasuaji wa moyo kwa kiwango kikubwa lakini katika Africa ndio Taasisi pekee inayofanya upasuaji wa aina mbalimbali na ule ambao  ni mgumu kwa watoto wenye magonjwa ya moyo.

“Tunashukuru tumepata washirika ambao wataweza kusaidia kuwalipia na kuwawezesha watoto kutoka nchi za Afrika kupata matibabu ya kibingwa ya upasuaji wa moyo ambayo hawawezi kuyapata katika nchi zao”, alisema Dkt. Angela.


Location: Dar es Salaam, Tanzania

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more