Watu 383 wachunguzwa moyo Singida


 Katibu Mkuu, Ofisi ya Waziri Mkuu Kazi, Vijana, Ajira na Wenye Ulemavu, Mary Maganga akimsikiliza daktari bingwa wa magonjwa yatokanayo na kazi wa Taasisi ya Moyo Jakaya Kikwete (JKCI) Hospitali ya Dar Group Elius Birago alipotembelea banda la taasisi hiyo  kuangalia huduma ya uchunguzi na matibabu ya moyo zilizokuwa zinatolewa katika maonesho ya Kimataifa ya Wiki ya Usalama na Afya Mahali Pa kazi yaliyofanyika  katika viwanja vya Mandewa mkoani Singida.

Wananchi wa Singida wakisubiri kupata huduma za  uchunguzi na matibabu ya moyo zilizokuwa zinatolewa na wataalamu wa Taasisi ya Moyo Jakaya Kikwete (JKCI) katika maonesho ya Kimataifa ya Wiki ya Usalama na Afya Mahali Pa kazi yaliyomalizika jana  katika viwanja vya Mandewa mkoani Singida.

 *******************************************************************************************************************************************************************************************

Na Jeremiah Ombelo - Singida

Watu 383 wamepata huduma ya uchunguzi na matibabu ya moyo katika kambi maalumu ya upimaji na matibabu iliyofanywa na wataalamu wa Taasisi ya Moyo Jakaya Kikwete (JKCI) mkoani Sungida.

 Huduma hiyo ya upimaji ilitolewa bila malipo katika maonesho ya Kimataifa ya Wiki ya Usalama na Afya Mahali Pa kazi yaliyomalizika jana  katika viwanja vya Mandewa mkoani Singida.

 Akizungumza na waandishi wa habari mara baada ya kumalizika kwa kambi hiyo daktari bingwa wa magonjwa yatokanayo na kazi wa Taasisi ya Moyo Jakaya Kikwete (JKCI) Hospitali ya Dar Group Elius Birago alisema walitoa huduma za uchunguzi, matibabu na ushauri wa magonjwa ya moyo kwa watu wazima 364 na watoto 19.

 “Watu 44 wakiwemo watu wazima 42 na watoto wawili tuliwakuta na matizo makubwa ya moyo yakiwemo ya kuziba kwa mishipa ya damu, umeme wa moyo na valvu, wagonjwa hawa wanahitaji kufanyiwa uchunguzi na kupata matibabu ya kibingwa tumewapa rufaa ya kuja kutibiwa katika taasisi yetu”.

 “Kwa upande wa jinsia wanawake walionyesha mwitikio mkubwa zaidi kwani walikuwa 258 na wanaume 125 hali hii ni kiashiria cha ongezeko la uelewa wa umuhimu wa kupima afya miongoni mwa wanawake ukilinganisha na wanaume”, alisema Dkt.Birago.

 Dkt. Birago alisema katika kuhakikisha wananchi wengi zaidi wanafikiwa na huduma za kibingwa za matibabu ya moyo Taasisi hiyo inatoa huduma ya kuwafuata wananchi mahali walipo ijulikanayo kwa jina la Tiba Mkoba ya Mhe. Dkt. Samia Suluhu Hassan huduma hiyo imekuwa na mafanikio makubwa kwani watu wengi wamepata nafasi ya kupima afya za mioyo yao na kupata matibabu bila malipo yoyote yale.

 “Ninaishukuru Serikali ya awamu ya sita kwa kuwasomesha wataalamu wetu na kununua vifaa tiba vya kisasa na hivyo wananchi wengi zaidi kupata huduma za kibingwa za matibabu ya moyo. Ninawaomba wananchi wajitokeze kwa wingi kupima afya zao pale watakaposikia kuna kambi za matibabu ya moyo kwa kufanya hivyo watatambua afya za mioyo yao na kuanza matibabu mapema kwa wale watakaokutwa na matatizo”, alisema Dkt. Birago.

 Nao wananchi waliopata nafasi ya kupima afya zao walishukuru kwa huduma waliyoipata na kusema kuwa imewasaidia kufahamu hali za mioyo yao na kujua jinsi gani wanaweza kujilinda ili wasipate magonjwa ya moyo.

 “Hii ni mara yangu ya kwanza kupima moyo, nashukuru kwa huduma niliyoipata nimepata huduma ya kiwango cha juu bila kulipa fedha yoyote ile, nimeelekezwa jinsi ya kufuata mtindo bora wa maisha unavyoweza kunisaidia nisipate magonjwa yasiyoambukiza yakiwemo ya moyo”, alishukuru Joseph Chacha mkazi wa Mandewa.

 “Mwanangu akicheza na wenzake anachoka haraka na kutokwa na jasho jingi pia ukuaji wake ni wa shida, aliwahi kuandikiwa kufanya vipimo vya moyo lakini sikuwa na uwezo wa kulipia. Baada ya kusikia wataalamu wa moyo wako hapa nikaona nimlete baada ya kupima amekutwa na shida nimepewa rufaa ya kwenda kutibiwa JKCI”.

 “Ninawashukuru wataalamu wa moyo kwa kumtibu mwanangu na kugundua tatizo alilokuwa nalo ninaamini atatibiwa  na atapona, ninawaomba kinamama wenzangu ambao hawana uwezo wa kifedha wasikate tamaa bali wawe na ujasiri pindi wakisikia kuna madaktari wako katika maeneo yao wanafanya kambi za matibabu  waende kupata huduma kama nilivyofanya mimi”, alishukuru Asha Shabani mkazi wa Iramba.

 Huduma zilizokuwa zinatolewa katika maonesho hayo ni  za upimaji wa shinikizo la damu, kiwango cha sukari kwenye damu, kuangalia jinsi moyo unavyofanya kazi, kipimo cha mfumo wa umeme wa moyo, uwiano baina ya urefu na uzito, elimu ya lishe bora, ushauri wa kiafya kuhusiana na magonjwa ya moyo ikiwemo matumizi sahihi ya dawa na ushauri wa magonjwa yatokanayo na kazi.


Location: Singida, Tanzania

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more