JKCI yaimarisha uwezo wa wataalamu wa ndani kufanya upasuaji changamani wa moyo

Madaktari bingwa wa upasuaji wa moyo na mishipa ya damu wa Taasisi ya Moyo Jakaya Kikwete (JKCI) kwa kushirikiana na wenzao kutoka Shirika la CardioStart International la nchini Marekani wakimfanyia upasuaji wa kupandikiza mishipa ya damu mgonjwa ambaye mishipa yake imeziba wakati wa kambi maalumu ya siku tano inayofanywa na wataalamu hao katika Taasisi hiyo iliyopo jijini Dar es Salaam.

Mtaalamu wa kuendesha mashine inayosaidia moyo na mapafu kufanya kazi wa Taasisi ya Moyo Jakaya Kikwete (JKCI) Sophia Lukonge akiendesha mashine hiyo wakati wa kambi maalumu ya siku tano ya upasuaji wa moyo inayofanywa na wataalamu wa JKCI kwa kushirikiana na wenzao kutoka Shirika la CardioStart International la nchini Marekani.

Na: JKCI

*******************************************************************************************************

Wataalamu wa Taasisi ya Moyo Jakaya Kikwete (JKCI) waendelea kuongezewa ujuzi na uzoefu katika kufanya upasuaji wa moyo kwa wagonjwa wenye matatizo ya moyo yanayohitaji utaalamu zaidi.

Ujuzi huo umeongezwa kupitia kambi maalumu ya siku tano ya upasuaji wa moyo inayofanywa na wataalamu wa JKCI kwa kushirikiana na wenzao kutoka Shirika la CardioStart International la nchini Marekani.

Akizungumza na mwandishi wa habari hii daktari bingwa wa upasuaji wa moyo wa Taasisi ya Moyo Jakaya Kikwete (JKCI) Nely Kahamba alisema wagonjwa wanaofanyiwa upasuaji katika kambi hiyo ni wale wenye matatizo ya mishipa ya damu iliyotanuka, magonjwa ya valvu za moyo na matatizo ya mishipa inayosafirisha damu kwenda kwenye moyo.

“Kupitia kambi hii tumeweza kubadilishana ujuzi na uzoefu katika kutoa huduma hizi bingwa za upasuaji wa moyo na kuiongezea utaalamu Taasisi yetu katika kutoa huduma bingwa za matibabu ya moyo hapa nchini”,

“Katika kambi hii tumefanya upasuaji wa moyo wa aina mbalimbali ikiwemo kuunganisha mshipa wa damu ili kupitisha damu pembeni ya mshipa wa moyo ulioziba, kukarabati mshipa mkuu wa damu pamoja na kubadilisha valvu za moyo”, alisema Dkt. Nely.

Kwa upande wake Daktari Bingwa wa Usingizi kutoka Shirika la CardioStart International la nchini Marekani Dkt. Doug Ribar alisema kambi hiyo imekuwa na mafanikio kutokana na ushirikiano mzuri kati ya wataalamu hao katika kutoa huduma kwa wagonjwa.

Alisema ushirikiano huo umewezesha wataalamu wa pande zote mbili kujifunza kutoka kwa wenzao, ikiwemo namna ya kutumia rasilimali zilizopo kwa ufanisi katika kutoa huduma kwa wagonjwa.

“Huu umekuwa ushirikiano mzuri wa timu zote mbili, tumefanya kazi kubwa ya kuhakikisha tunawatibu wagonjwa waliokuwa wanahitaji huduma zetu lakini pia tumepata muda wa kujifunza kwa pamoja”, alisema Dkt. Ribar.

Ujuzi uliopatikana kupitia kambi hiyo imewafikia wataalamu wote walioshiriki kutoa huduma wakiwemo madaktari bingwa wa upasuaji wa moyo, madaktari bingwa wa usingizi, wauguzi na wataalamu wa kuendesha mashine ya moyo na mapafu ambao wamekuwa wakifanya kazi kwa pamoja katika kutoa huduma kwa wagonjwa.


Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more