Dkt. Ndugulile: JKCI wajengeeni uwezo madaktari wa hospitali zisizo za rufaa


Mbunge wa Kigamboni Mhe. Dkt. Faustine Ndugulile akizungumza na wataalamu wa afya wa Taasisi ya Moyo Jakaya Kikwete (JKCI) na wa Hospitali ya Wilaya Kigamboni wakati wa kambi maalumu ya upimaji na matibabu ya moyo inayofanyika katika  Hospitali ya Kigamboni.


Mbunge wa Kigamboni Mhe. Dkt. Faustine Ndugulile akizungumza na wananchi waliofika katika Hospitali ya Wilaya Kigamboni kwaajili ya upimaji na matibabu ya magonjwa ya moyo huduma iliyokuwa inatolewa na  wataalamu wa Taasisi ya Moyo Jakaya Kikwete (JKCI) kwa kushirikiana na wenzao wa Hospitali hiyo.

*********************************************************************************************************************************************************************************************************************************************************Wataalamu wa Taasisi ya Moyo Jakaya Kikwete (JKCI) wametakiwa kuwajengea uwezo madaktari  wa hospitali zisizo za rufaa ili nao waweze kutibu magonjwa ya shinikizo la damu na kisukari kwa kufanya hivyo kutaipunguzia mzigo taasisi hiyo ya kutibu magonjwa hayo.

Rai hiyo imetolewa jana na Mbunge wa Kigamboni Dkt. Faustine Ndugulile alipotembelea kambi maalumu ya upimaji na matibabu ya moyo inayofanywa na wataalaumu wa JKCI kwa kushirikiana na wenzao wa Hospitali ya Wilaya Kigamboni.

Dkt. Ndugulile alisema utengenezwe utaratibu ambao mgonjwa atakayegundulika  kuwa na tatizo la kisukari au shinikizo la damu kutokwenda moja kwa moja JKCI bali akachukuwa dawa za kutumia katika ngazi ya wilaya au kituo cha afya, akawa anakwenda JKCI baada ya miezi miwili au mitatu kulingana na ushauri wa daktari wake kwa kufanya hivyo itasaidia kupunguza mzigo kwa JKCI na wagonjwa pia.

“Utaratibu huu pia utawajengea uwezo madaktari wa hospitali zisizo za rufaa wa kuweza kubaini na kutibu magonjwa yasiyoambukiza kwa kiwango ambacho wataalamu wanaweza na katika magonjwa ambayo yameshindikana watatoa rufaa kwa wagonjwa ya kwenda kutibiwa JKCI”, alisema Dkt. Ndugulile.

Dkt. Ndugulile aliipongeza JKCI kwa kuanzisha mobile kliniki na kusema kuwa ni utaratibu mzuri na wamejitahidi kwenda mbali zaidi na kuwafikia wananchi wengi walioko maeneo ya vijijini ambao kutokana na mazingira yao ni vigumu kufikiwa na huduma za matibabu ya kibingwa.

“Nimepata faraja kuona kambi hii ya matibabu ya moyo imewafikia watu wengi zaidi wakiwemo wa nje ya wilaya ya Kigamboni, upimaji umewashirikisha wataalamu wa JKCI na wa Hospitali ya Wilaya Kigamboni ambao wamebadilishana ujuzi wa kazi”, alisema Dkt. Ndugulile.

Mbunge huyo wa wilaya ya Kigamboni alisema magonjwa yasiyoambukiza yanazidi kuongezeka nao wabunge wanaendelea  kuishauri Serikali kuendelea kuweka mifumo ya kuhakikisha magonjwa hayo yanapewa  kipaumbele.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more