Balozi Polepole kushirikiana na JKCI kuboresha matibabu ya moyo


Balozi wa Tanzania nchini Cuba Mhe. Humphrey Polepole akizungumza na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge wakati alipotembelea Taasisi hiyo leo jijini Dar es Salaam kwaajili ya kuona namna ambavyo watashirikiana katika kuboresha huduma ya matibabu ya moyo.

*********************************************************************************************************************************************************************************************************************************************************

  Balozi wa Tanzania nchini Cuba Mhe. Humphrey Polepole amesema kuwa atashirikiana na Taasisi ya Moyo Jakaya Kikwete (JKCI) kuhakikisha watanzania wanaendelea kupata huduma bora za matibabu ya moyo.

Mhe. Balozi Polepole ameyasema hayo leo jijini Dar es Salaam alipotembelea Taasisi hiyo kwaajili ya kuona namna ambavyo nchi ya Cuba inaweza kushirikiana na Tanzania katika utoaji wa huduma za matibabu ya magonjwa ya moyo.

Alisema nchi ya Cuba imepiga hatua  kubwa katika sekya ya afya  na kuna madaktari wengi wa Tanzania wamesoma nchini humo, ataangalia namna  ambavyo madaktari bingwa wa moyo kutoka nchini Cuba watashirikiana na madaktari bingwa wa JKCI katika kutoa huduma ya tiba bobezi kwa wananchi.

 “Nchi ya Cuba ina viwanda vingi vinavyotengeneza vifaa tiba mbalimbali vikiwemo vya moyo kwa bei naafuu ukilinganisha na soko la dunia, nitaangalia namna ya kuwaunganisha na viwanda hivi ili muweze kununua vifaa hivyo ambavyo vitawasaidia wananchi”, alisema Mhe. Balozi Polepole.

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alimshukuru Balozi Polepole kwa kuitembelea Taasisi hiyo na kusema kuwa wataendelea kushirikiana naye katika kuboresha huduma za afya ya moyo kwa watanzania.

“Taasisi yetu imekuwa na ushirikiano mzuri na Mhe. Balozi Polepole kwani wakati yuko nchini Malawi alifanikisha kujenga mahusiano yaliyowezesha wataalamu wetu kwenda nchini humo kutoa huduma za matibabu ya moyo kwa wananchi. Hivi sasa tunapokea wagonjwa wengi kutoka nchini Malawi ambao wanakuja kupata huduma za kibingwa za matibabu ya moyo”.

“Ninaamini kuwepo kwake nchini Cuba Taasisi yetu itafaidika kwa wataalamu wetu kujengewa uwezo zaidi na kupata vifaa tiba vya matibabu ya moyo”, alisema Dkt. Kisenge.



Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more