JKCI yamshukuru Rais Dkt.Samia kwa kuwapa magari


Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akikata utepe wakati wa kuzindua magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa JKCI. Kushoto ni Mkurugenzi Mtendaji wa JKCI Dkt. Peter Kisenge.


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa ndani ya gari la kuhudumia wagonjwa lililotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan na kuzinduliwa leo na Kaimu Mwenyekiti wa Bodi ya Wadhamini ya Taasisi hiyo Asha Izina.

Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa Habari mara baada ya uzinduzi wa magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa katika Taasisi hiyo iliyopo jijini Dar es Salaam.

*********************************************************************************************************************************************************************************************************************

Taasisi ya Moyo Jakaya Kikwete (JKCI) imemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuipatia magari mawili ambayo yatatumika kutoa huduma za afya kwa wagonjwa wanaotibiwa katika Taasisi hiyo.

Shukurani hizo zimetolewa leo jijini Dar es Salaam na Kaimu Mwenyekiti wa Bodi ya Wadhamini ya Taasisi hiyo Asha Izina wakati akizundua magari hayo katika Taasisi ya Moyo Jakaya Kikwete (JKCI).

Asha ambaye pia ni mratibu wa huduma za afya ya uzazi na mtoto mkoa wa Rukwa alisema magari hayo yametolewa ili kusaidia katika huduma za afya ambapo katika Taasisi hiyo yatasaidia kutoa huduma kwa wagonjwa wa moyo watakaohitaji huduma ya gari la wagonjwa.

Kaimu Mwenyekiti wa Bodi hiyo ya Wadhamini alisema  Mhe. Dkt. Samia ametoa magari zaidi ya 700 katika Hospitali zote nchini kwaajili ya kutoa huduma katika hospitali ambapo JKCI imepokea magari mawili.

“JKCI tumepata magari mawili, moja likiwa gari la kuhudumia wagonjwa (Ambulance) na lingine kwaajili ya kusimamia usimamizi shirikishi unaofanywa na wataalamu wabobezi wa magonjwa ya moyo waliopo JKCI”, alisema Asha.

Asha alisema gari la kuhudumia wagonjwa litasaidia katika kazi za kuchukua wagonjwa kutoka maeneo mbalimbali ya ndani na nje ya Dar es Salaam pale litakapohitajika.

“Lengo kubwa la kupewa gari la kuhudumia wagonjwa ni kuhakikisha wagonjwa wanapata huduma kwa wakati kwani mara nyingi kumekuwa na tatizo la baadhi ya wagonjwa kuchelewa kufika hospitali kwaajili ya kupata huduma pale wanapokuwa na dharura”, alisema Asha.

Aidha Asha ametoa maelekezo ya kuitaka JKCI kuwa na namba ya dharura ambayo itawaruhusu wananchi kupiga simu wakati wowote wanapohitaji msaada wa gari linalohudumia wagonjwa.

“Sasa hivi Taasisi yetu inahudumia wagonjwa wengi waliopo ndani ya nchi na wengine kutoka nchi za jirani, hivyo kupitia gari hili tunaenda kurahisisha huduma za kupokea wagonjwa wanapofika katika uwanja wetu wa ndege wanapokelewa na kufikishwa JKCI kwa haraka”, alisema Asha.

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema Serikali ya awamu ya sita inayoongozwa na Mhe. Dkt. Samia Suluhu Hassan imekuwa ikiwajali wananchi wake ndio maana ikaona umuhimu wa kutoa magari hayo ili kurahishisha huduma zinazotolewa na JKCI.

Dkt. Kisenge alisema JKCI imefarijika kupokea magari hayo kwani sasa hivi imekuwa ikipokea idadi kubwa ya wagonjwa kutoka mikoa mbalimbali na nje ya nchi wengi wao wakiwa na hali isiyoridhishwa hivyo kwa kutumia magari hayo wagonjwa watapokelewa kirahisi.

“JKCI inapokea wagonjwa kutoka nchi zaidi ya 20 wengi wao wanapofika katika uwanja wetu wa ndege wanahitaji gari la kuhudumia wagonjwa kuwapokea na kuwafikisha hapa kwetu; ndani ya miezi mitatu tumeweza kupokea wagonjwa takribani 100 kutoka nje ya nchi”, alisema Dkt. Kisenge.

 

 

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more