Mabondia wa ngumi za kulipwa wahimiza upimaji wa afya kwa wanamichezo


Daktari bingwa wa magonjwa ya moyo na mratibu wa magonjwa ya moyo kwa wanamichezo wa Taasisi ya Moyo Jakaya Kikwete (JKCI) Hospitali ya Dar Group Eva Wakuganda akimpima kipimo cha kuangalia jinsi moyo unavyofanya kazi mchezaji wa ngumi za kulipwa Tanzania aliyefika kufanyiwa uchunguzi wa afya wakati wa kambi maalumu ya siku tatu ya upimaji wa magonjwa ya moyo kwa wanamichezo hao inayofanyika katika viwanja vya Mafia boxing Sports Promotion Magomeni jijini Dar es Salaam.

Fundi Sanifu wa Moyo wa Taasisi ya Moyo Jakaya Kikwete (JKCI) Hospitali ya Dar Group Nachai Mfinanga akimpima mfumo wa umeme wa moyo mchezaji wa ngumi za kulipwa Tanzania aliyefika kufanyiwa uchunguzi wa afya wakati wa kambi maalumu ya siku tatu ya upimaji wa magonjwa ya moyo kwa wanamichezo hao inayofanyika katika viwanja vya Mafia boxing Sports Promotion Magomeni jijini Dar es Salaam.

Afisa Uuguzi wa Taasisi ya Moyo Jakaya Kikwete (JKCI) Hospitali ya Dar Group Florence Silayo akimpima shinikizo la damu mchezaji wa ngumi za kulipwa Tanzania wakati wa kambi maalumu ya siku tatu ya upimaji wa magonjwa ya moyo kwa wanamichezo hao inayofanyika katika viwanja vya Mafia boxing Sports Promotion Magomeni jijini Dar es Salaam.

Na: JKCI

**********************************************************************************************************************

Makocha na mabondia wa ngumi za kulipwa nchini wametaka uchunguzi wa afya kupewa kipaumbele kwa wanamichezo hao ili kubaini mapema magonjwa yanayoweza kuhatarisha maisha yao.

Wakizungumza kwa nyakati tofauti wakati wa kambi maalumu ya upimaji wa magonjwa ya moyo kwa wanamichezo wa ngumi za kulipwa Tanzania inayofanyika katika viwanja vya Mafia Boxing Sports Promotion vilivyopo Magomeni jijini Dar es Salaam wamesema huduma hizo ni muhimu katika kuwasaidia mabondia kufahamu hali za afya zao.

Bondia wa zamani wa ngumi za kulipwa nchini Said Yazidu alisema uchunguzi wa afya ni muhimu kwa mabondia kwa sababu kufanya mazoezi mara kwa mara hakumaanishi kuwa wanamichezo hawana changamoto za kiafya.

“Ni jambo zuri sana kwa wachezaji kufahamu afya zao kwa sababu mchezaji anaweza kufanya mazoezi kila siku kumbe ana matatizo ya kiafya ambayo hayajui, naomba zoezi hili lisiwe la muda tu bali liwe endelevu na ikiwezekana lifikishwe katika mikoa mingine ili mabondia wote wapimwe moyo”, alisema Yazidu.

Bondia wa ngumi za kulipwa nchini Frank Shagembe aliwahimiza mabondia ambao hawajapata nafasi ya kupima afya zao kujitokeza kwa wingi wanapopata fursa hiyo akieleza kuwa uchunguzi wa afya unaweza kusaidia kubaini matatizo ambayo hayawezi kutambuliwa kwa kutegemea hali ya mwili pekee.

Kwa upande wake kocha na refa wa ngumi za kulipwa Tanzania Kondo Nassoro alisema amefurahishwa na mwitikio wa mabondia waliojitokeza kufanya uchunguzi wa afya na kuwasisitiza mabondia  umuhimu wa kupima afya zao kabla ya kushiriki katika mchezo huo unaohitaji maandalizi na uangalizi wa karibu wa kiafya.

“Ni muhimu kabla mabondia hawajaingia ulingoni kupima vipimo vya moyo, wamekuwa wakishiriki katika michezo bila kupima afya zao hivo JKCI imetupa elimu ambayo tutaifanyia kazi kuwalinda wanamichezo wetu”, alisema Nassoro.


Comments

Post a Comment

Popular posts from this blog

Serikali yazindua kitabu safari ya upandikizaji wa moyo Tanzania, JKCI yaweka historia mpya ya huduma za kibobezi

Image
Waziri wa Afya Mhe. Mohamed Omary Mchengerwa (Mb) akionesha kitabu cha mwongozo wa upandikizaji moyo alichokizindua wakati wa hafla fupi ya kuzindua kitabu hicho iliyofanyika katika viwanja vya Taasisi ya Moyo Jakaya Kikwete (JKCI) iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Dkt. Hassan Mshinda baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akimkabidhi begi lenye vitendea kazi Mjumbe wa bodi ya wadhamini wa Taasisi ya Moyo Jakaya Kikwete (JKCI) Dkt. Delilah Kimambo baada ya kuzindua bodi hiyo katika viwanja vya JKCI iliyopo jijini Dar es Salaam. Waziri wa Afya Mhe. Mohamed Mchengerwa (Mb) akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge, Mwenyekiti wa bodi ya wadhamini ya Taasisi ya Moyo Jakaya Kikwete (JKCI)...
Read more

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more