Mafunzo ya Uadilifu kutolewa kwa wafanyakazi wa JKCI



Baadhi ya wajumbe wa baraza la wafanyakazi wa Taasisi ya Moyo Jakaya Kikwete (JKCI) wakifuatilia hoja zilizokuwa zikiwasilishwa wakati wa kikao cha nane cha baraza la wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam.


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wajumbe wa baraza la wafanyakazi wa taasisi hiyo leo wakati wa kikao cha nane cha Baraza kilichofanyika katika ukumbi wa Taasisi hiyo iliyopo jijini Dar es Salaam.


Mkurugenzi wa Fedha na Mipango wa Taasisi ya Moyo Jakaya Kikwete (JKCI) Agnes Kuhenga akiwasilisha makisio ya bajeti ya taasisi hiyo ya mwaka wa fedha 2024/2025 kwa wajumbe wa baraza la wafanyakazi wakati wa kikao cha nane cha baraza la wafanyakazi kilichofanyika leo katika Taasisi hiyo iliyopo jijini Dar es Salaam.

Mwenyekiti wa Chama cha Wafanyakazi wa Serikali na Sekta ya Afya Taifa (TUGHE) Dkt. Jane Madete akichangia mada wakati wa kikao cha nane cha baraza la wafanyakazi wa Taasisi ya Moyo Jakaya Kikwete (JKCI) kilichofanyika leo katika ukumbi wa Taasisi hiyo iliyopo jijini Dar es Salaam.


Katibu Msaidizi wa baraza la wafanyakazi wa Taasisi ya Moyo Jakaya Kikwete (JKCI) Theresia Marombe akifafanua jambo wakati wa kikao cha nane cha baraza la wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam.

Mhasibu wa Taasisi ya Moyo Jakaya Kikwete (JKCI) Said Mselem akitoa maoni yake wakati wa kikao cha nane cha baraza la wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam.

Daktari wa Usingizi wa Taasisi ya Moyo Jakaya Kikwete (JKCI) Faraji Lydenge akitoa maoni yake wakati wa kikao cha nane cha baraza la wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam.

Kaimu Mkurugenzi wa Utawala na Rasilimali wa Taasisi ya Moyo Jakaya Kikwete (JKCI) Joachim Assenga akitolea ufafanuzi baadhi ya hoja za idara hiyo wakati wa kikao cha nane cha baraza la wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam.

Mkuu wa Kitengo cha Ubora wa Huduma wa Taasisi ya Moyo Jakaya Kikwete (JKCI) Dkt. Naizhijwa Majani akitoa taarifa ya ukaguzi wa namna huduma zinavyotolewa katika taasisi hiyo wakati wa kikao cha nane cha baraza la wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam


Baadhi ya wajumbe wa baraza la wafanyakazi wa Taasisi ya Moyo Jakaya Kikwete (JKCI) wakifuatilia hoja zilizokuwa zikiwasilishwa wakati wa kikao cha nane cha baraza la wafanyakazi kilichofanyika leo katika ukumbi wa Taasisi hiyo iliyopo jijini Dar es Salaam.

***************************************************************************************************
Wafanyakazi Taasisi ya Moyo Jakaya Kikwete (JKCI) kushiriki katika mafunzo ya uadilifu ya mara kwa mara kuendelea kuifanya taasisi hiyo kuwa na ubora katika kutoa huduma za matibabu kwa wagonjwa wa moyo.

Mafunzo hayo ya uadilifu yanatarajiwa kutolewa kwa wafanyakazi wote kwa awamu mbalimbali ikiwa ni sehemu ya kuongeza umahiri katika kutekeleza majukumu ya kazi.

Akizungumza leo jijini Dar es Salaam wakati wa kikao cha nane cha baraza la wafanyakazi wa Taasisi hiyo Mkurugenzi Mtendaji wa JKCI Dkt. Peter Kisenge alisema ubora wa huduma unaotolewa na taasisi hiyo umeifanya taasisi kujulikana kimataifa hivyo hana budi kuendelea kuwapeleka watumishi wa taasisi hiyo katika mafunzo ya uadilifu mara kwa mara kuipa hadhi taasisi.

“Idara ya Utawala na Rasilimali watu hakikisheni mafunzo ya uadilifu yanatolewa kwa wafanyakazi wote kila mwaka kwani uadilifu uliopo kwa wafanyakazi ndio unaochangia kuikuza taasisi yetu”, alisema Dkt. Kisenge

Aidha Dkt. Kisenge amewataka wafanyakazi wa Taasisi hiyo kutumia uwezo walionao kutengeneza vipato vyao na kuwataka kujiunga na SACCOS ya taasisi hiyo inayoendeshwa na wafanyakazi kwani imekuwa na msaada kwa wafanyakazi wengi.

“SACCOS ya Taasisi ni moja ya sehemu sahihi ambayo mtumishi anaweza kutatua changamoto zake kwani inaendeshwa kiuadilifu tofauti na SACCOS nyingine za mitaani ambazo mtu anaweza kupoteza haki yake”, alisema Dkt. Kisenge

Kwa upande wake Mwenyekiti wa Chama cha Wafanyakazi wa Serikali na Sekta ya Afya Taifa (TUGHE) Dkt. Jane Madete aliwapongeza wajumbe wa baraza na wafanyakazi wote wa JKCI kwa kazi nzuri wanayoifanya kuokoa maisha ya watanzania wanaohitaji matibabu ya moyo.

“Nyinyi mlioko humu ndani mnaweza msione kile mnachokifanya lakini sisi tuliopo nje tunatambua mchango mkubwa kwa taifa mnaofanya, mmekuwa wa msaada mkubwa sana kwani wale waliokuwa wanatakiwa kwenda nje ya nchi na hawana uwezo sasa wanatibiwa JKCI”, alisema Dkt. Madete                                          
Dkt. Madete alisema kutokana na uwepo wa uongozi mzuri katika Taasisi hiyo wajumbe wa baraza la wafanyakazi wamekuwa na hali ya kuchangia hoja zilizokuwa zikitolewa wote wakiwa na lengo la kuijenga taasisi hiyo.

“Viongozi wa Taasisi na wafanyakazi wote kwa pamoja mna maono makubwa ya kupanua taasisi hii na kuweka wigo mpana wa kutoa huduma, jinsi mnavyofanya kazi mnatembea kwenye nyayo za Rais wetu wa Jamhuri ya Muungano wa Tanzania Mhe. Dkt. Samia Suluhu Hassan anayetamani huduma hizi ziwafikie watanzania kwa ukaribu na kwa urahisi”, alisema Dkt. Madete

Wakizungumza kwa nyakati tofauti wajumbe wa baraza hilo wameupongeza uongozi wa taasisi hiyo kuendesha baraza tofauti na ambavyo mabaraza mengine yamekuwa yakiendeshwa.

Afisa Uuguzi wa JKCI Flora Kasembe alisema baraza hilo limeweza kupitia hoja mbalimbali zilizotolewa na wafanyakazi ambapo baadhi ya hoja zilipatiwa ufumbuzi muda wa kikao na nyingine kuahidiwa kufanyiwa kazi kabla ya kikao kijacho.

Hamis Mndeme ambaye ni Afisa Ustawi wa Jamii JKCI alisema mkutano wa baraza hilo umefanyika vizuri na kutoa fursa kujadili masuala yote yaliyoainishwa katika kikao cha baraza lililopita.

“kupitia baraza hili wajumbe tumekubali utekelezaji uliofanyika katika hoja za baraza lililopita na kupitisha rasimu ya bajeti mpya ya mwaka 2024/2025”, alisema Mndeme

Mndeme alisema wajumbe wa baraza wana imani mipango yote iliyopangwa kupitia baraza la wafanyakazi itaenda vizuri kwani hoja zilizopita zimeweza kufanyiwa kazi kwa asilimia 100 hivyo hata hoja zilizowasilishwa katika kikao cha baraza la nane zitafanyiwa kazi vizuri zaidi.

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more