Dkt. Mpango: Tanzania yapiga hatua matibabu ya moyo

Makamu wa Rais wa Jamhuri ya Muungano wa Tanzania Mhe. Dkt. Philip Mpango akipokea zawadi kutoka kwa kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina wakati wa ufunguzi wa mkutano wa kimataifa wa magonjwa ya moyo katika ukumbi wa Golden Tulip uliopo mjini Zanzibar.
Makamu wa Rais wa Jamhuri ya Muungano wa Tanzania Mhe. Dkt. Philip Mpango akizungumza na wataalamu wa afya nchini walioshiriki katika Mkutano wa kimataifa wa magonjwa ya moyo leo wakati wa ufunguzi wa mkutano huo katika ukumbi wa Golden Tulip uliopo mjini Zanzibar.
Waziri wa Afya Mhe. Ummy Mwalimu akizungumza wakati wa ufunguzi wa Mkutano wa kimataifa wa magonjwa ya moyo leo katika Ukumbi wa Golden Tulip uliopo mjini Zanzibar.

Baadhi ya washiriki wa mkutano wa kimataifa wa magonjwa ya moyo wakifuatilia mada zilizokuwa zikitolewa katika mkutano huo leo mjini Zanzibar.

 *******************************************************************************************************************

Wagonjwa wa moyo zaidi ya 800 wamefanyiwa upasuaji mkubwa wa moyo, na zaidi ya 2,000 kufanyiwa upasuaji wa tundu dogo kwa kutumia mtambo wa cathlab kwa kipindi cha miaka miwili katika Taasisi ya Moyo Jakaya Kikwete (JKCI).

Aidha Wagonjwa wa moyo zaidi ya laki mbili wamepatiwa matibabu katika taasisi hiyo kwa kipindi cha miaka miwili ambapo kati yao wagonjwa 2400 walitoka nchi za jirani za Comoro, Congo DRC, Kenya, Malawi, Mozambique, Rwanda, Uganda na Zambia.

Akizungumza wakati wa kufungua mkutano wa kimataifa wa magonjwa ya moyo leo mjini Zanzibar Makamu wa Rais wa Jamhuri ya Muungano wa Tanzania Mhe. Dkt. Philip Mpango alisema kutokana na huduma zinazotolewa na Taasisi hiyo, zimeweza kuifanya JKCI kuwa taasisi ya umma inayoongoza katika kutoa huduma za matibabu ya moyo Afrika Mashariki na kati hivyo kuwavutia wanataaluma kutoka nchi za jirani zikiwemo nchi za Malawi, Zambia na Rwanda kujenga mashirikiano.

Mhe. Dkt. Mpango alisema kupitia Taasisi ya Moyo Jakaya Kikwete Serikali imeweza kuokoa fedha nyingi takribani bilioni 63 fedha za kitanzania zilizokuwa zinatumika kwaajili ya matibabu ya moyo nje ya nchi.

Mhe. Dkt. Mpango alisema kati ya mafanikio yaliyofanywa na Taasisi hiyo ni pamoja na uanzishwaji wa kambi maalumu ya matibabu ya moyo ijulikanayo kwa jina la Mhe. Dkt. Samia Suluhu Hassan services ambayo imekuwa ikitoa huduma ya kuwajengea uwezo wataalamu wa afya waliopo katika hospitali za mikoa na kuwafikishia karibu huduma za matibabu ya moyo wananchi wanaohitaji matibabu hayo.

Aidha Dkt. Mpango alisema Serikali itaendelea kuwekeza katika Taasisi ya Moyo Jakaya Kikwete kwa kupanua huduma za matibabu na kumtaka Waziri wa Afya Mhe. Ummy Mwalimu kufuatilia gharama za ujenzi utakaofanyika Hospitali ya JKCI Dar Group na kuziwasilisha serikalini mapema ili serikali iweze kuwekeza katika ujenzi huo.

Kwa upande wake Waziri wa Afya Mhe. Ummy Mwalimu alisema serikali itaendelea kuwekeza kuboresha matibabu ya moyo nchini upande wa majengo, kuwa na vifaa tiba vya kisasa vinavyofanana na vilivyopo nchi zilizoendelea pamoja na kuwaendeleza wataalamu wa moyo kuwa mabingwa wabobezi.

“Serikali imetupa fedha shilingi za kitanzania bilioni 9 kwaajili ya kuajiri na kusomesha madaktari kuwa mabingwa wabobezi katika masuala ya moyo na hii itahusisha wataalamu wa afya ambao ni madaktari wa upasuaji, wauguzi, wafamasia, na madaktari wa usingizi”, alisema Mhe. Ummy

Mhe. Ummy alisema Tanzania kama zilivyo nchi nyingine za Afrika inakabiliwia na changamoto kubwa ya magonjwa yasiyoambukiza ikiwemo magonjwa ya moyo, kisukari, shinikizo la damu na saratani.

“Wakati serikali inawekeza kwenye matibabu tunao wajibu wa kuwekeza kwenye huduma za kinga kwani kinga ni bora kuliko tiba, hivyo tusifanye mzaha kwenye mafunzo yanayotolewa na wataalamu wa afya kuhusu kubadili mtindo wa maisha na kushiriki katika mazoezi ya mara kwa mara kujikinga na magonjwa yasiyoambukiza”,

“Hata tukijenga Jakaya Kikwete 200 kama watanzania hatutabadili mtindo wa maisha hazitatosha hivyo tunapaswa kuwekeza kwenye huduma za kinga kuwaokoa wale ambao hawajapata magonjwa ya moyo wasipate”, alisema Mhe. Ummy

Naye Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema JKCI imeanzisha mkutano huo wa kisayansi kwa wataalamu wa afya nchini ukiwa na lengo la kuwapa ujuzi wataalamu wa afya nchini kuhusu magonjwa ya moyo.

“Mkutano wetu unahusisha huduma za awali kabisa ambazo mgonjwa wa moyo anatakiwa kupata lengo likiwa kuokoa maisha ya wagonjwa wa moyo kwani wengi wao hufika JKCI kwa kuchelewa”, alisema Dkt. Kisenge

Dkt. Kisenge alisema kupitia mkutano huo ulioanza na kongamano la siku moja kwa vitendo kwa wataalamu wa afya wameweza kupatiwa ujuzi wa kuokoa maisha, kufanya kipimo cha kuangalia jinsi moyo unavyofanya kazi (Echocardiography-ECHO) pamoja na mafunzo ya jinsi ya kuunganisha mishipa ya damu ya moyo”, alisema Dkt. Kisenge

Aidha Dkt. Kisenge alisema ili kuendelea kusogeza huduma za matibabu karibu na wananchi JKCI inaenda kusimamia kitengo cha moyo kilichowekwa katika Hospitali ya Rufaa ya Kanda Chato, kuhimarisha huduma za matibabu ya moyo Hospitali ya Benjamini Mkapa, Hospitali ya Rufaa ya Kanda Bugano, Hospitali ya Rufaa ya Kanda Kaskazini (KCMC) na Hospitali ya Rufaa ya Kanda Mbeya.

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more