Wafanyakazi wapya JKCI wapewa mafunzo ya kuokoa maisha ya wagonjwa mahututi

Mkufunzi wa mafunzo ya jinsi ya kuokoa maisha ya wagonjwa mahututi na wadharura wa Taasisi ya Moyo Jakaya Kikwete (JKCI) Afisa Muuguzi Samweli Mpiga akiwafundisha wauguzi wapya walioajiriwa katika Taasisi hiyo namna ya kutoa huduma ya kwanza kwa wagonjwa mahututi leo jijini Dar es Salaam.

Mkuu wa timu ya kuratibu jinsi ya kuokoa wagonjwa mahututi na wadharura kutoka Taasisi ya Moyo Jakaya Kikwete (JKCI) Dkt. Faraji Lydenge akiwaeleza wauguzi wapya walioajiriwa katika Taasisi hiyo umuhimu wa kutoa huduma ya kwanza kwa wagonjwa ambao mapigo yao ya moyo yamesimama wakati wa mafunzo ya kuokoa wagonjwa mahututi yaliyofanyika leo jijini Dar es Salaam.

Afisa Muuguzi wa Taasisi ya Moyo Jakaya Kikwete (JKCI) Happy Mabonka akifanya mazoezi kwa vitendo ya kuokoa maisha ya mgonjwa mahututi wakati wa mafunzo hayo yaliyotolewa kwa wauguzi walioajiriwa hivi karibuni jijini Dar es Salaam.


Mfanyakazi wa Kampuni ya usafi ya Professional Cleaner inayotoa huduma ya usafi katika Taasisi ya Moyo Jakaya Kikwete (JKCI) Hassan Hassan akifanya mazoezi ya kuokoa maisha kwa mgonjwa mahututi wakati wa mafunzo  yaliyotolewa kwa wauguzi wapya walioajiriwa hivi karibuni katika Taasisi hiyo iliyopo jijini Dar es Salaam


Picha na: Khamis Mussa

*****************************************************************************************************************

Wafanyakazi wapya Idara ya Uuguzi wa Taasisi ya Moyo Jakaya Kikwete (JKCI) wamepatiwa mafunzo ya jinsi ya kuokoa maisha ya wagonjwa mahututi na wagonjwa wa dharura wanaotibiwa katika Taasisi hiyo.

Akizungumza wakati wa mafunzo hayo Mkuu wa timu ya kuratibu jinsi ya kuokoa maisha ya wagonjwa mahututi na wadharura kutoka Taasisi ya Moyo Jakaya Kikwete (JKCI) Dkt. Faraji Lydenge alisema mafunzo hayo yatawasaidia wauguzi hao kuupampu moyo wa mgonjwa uliosimama ili kusaidia damu kwenda kwenye moyo na sehemu nyingine za mwili.

Dkt. Faraji ambaye pia ni Mkuu wa Kitengo cha huduma ya dawa za Usingizi kwa wagonjwa wa moyo alisema mafunzo hayo yamekuwa yakitolewa kwa wataalamu mbalimbali wanaofanya kazi JKCI ili kuifanya taasisi hiyo kuwa kituo cha ubora katika kuhudumia wagonjwa hivyo wakaona kuna umuhimu pia wa kutoa mafunzo hayo mapema kwa waajiriwa hao ambao wameripoti kazini wiki tatu zilizopita.

“Moyo ukishindwa kufanya kazi na kusimama huduma ya dharura isipofanyika ndani ya dakika tano za mwanzo ubongo wa mgonjwa unakosa damu ya kutosha na hewa ya oksijeni ya kutosha hivyo kuleta athari kwa mgonjwa kwani ubongo wake unaweza ukafa, ama mgonjwa akapoteza maisha yake”, alisema Dkt. Faraji.

kwa upande wake mkufunzi wa mafunzo hayo Afisa Muuguzi Samweli Mpiga alisema waajiriwa wapya katika Taasisi hiyo wameongezewa ufahamu wa kuona viashiria vya mtu ambaye anakwenda kupoteza fahamu, mapigo ya moyo kusimama na upumuaji kusimama.

“Tumewafundisha waajiriwa hawa ambao wako katika Idara ya Uuguzi ili kama watakutana na wagonjwa ambao mioyo yao inaenda kusimama watawasaidia na  kuokoa maisha ya wagonjwa ambao wanatutegemea”, alisema Samweli.

Samweli ambaye pia ni Muuguzi katika chumba cha wagonjwa wa dharura na mahututi alisema kupoteza fahamu, mapigo ya moyo kusimama au upumuaji kusimama humtokea mtu yoyote na wakati wowote sio kwa wagonjwa tu hivyo ni muhimu mafunzo hayo watu wote wakayafahamu ili wanapokutana na mtu anayehitaji kupatiwa huduma ya dharura waweze kusaidia na kuokoa maisha yake.

“lengo letu kuu la kufaya mafunzo haya ni kuhakikisha kuwa moyo hausimami maana moyo ndio unaosambaza damu kwenye moyo wenyewe na kwenye ubongo ambavyo hivyo ndivyo viungo vikuu viwili ndani ya mwili havitakiwi kukosa damu”, alisema Samweli.

Naye Muuguzi wa chumba cha wagonjwa mahututi (ICU) Irene Mallya ambaye amepatiwa mafunzo hayo alisema sehemu anayofanya kazi inahitaji kujua jinsi ya kutoa huduma ya kuokoa maisha ya mgonjwa hivyo mafunzo hayo yatamsaidia kufanya majukumu yake vizuri.

“Endapo mgonjwa akipata tatizo la moyo kusimama nitaenda kutumia mafunzo haya kuokoa maisha yake, ninaomba tuendelee kupewa mafunzo mbalimbali ambayo yatatusaidia katika kutoa huduma bora kwa wagonjwa wanaohitaji huduma zetu”,

“Wauguzi wenzangu tunapopata nafasi ya kujifunza tutumie nafasi hiyo vizuri kwani vitu huwa vinabadilika, tuwe wepesi kutafuta mbinu mpya kuboresha huduma zetu na kuokoa maisha”, alisema Irene.


Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na watendaji wakuu wa Taas
Read more