JKCI kutoa huduma za matibabu ya moyo nchini Malawi


Balozi wa Tanzania nchini Malawi Mhe. Hamphrey Polepole akizungumza na viongozi wa Taasisi ya Moyo Jakaya Kikwete (JKCI) alipotembelea Taasisi hiyo hivi karibuni kwa ajili ya kuona ni namna gani Taasisi hiyo itakavyotoa huduma ya matibabu ya moyo nchini Malawi.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na balozi wa Tanzania nchini Malawi Mhe.Hamphrey Polepole wakati balozi huyo alipotembelea JKCI hivi karibuni kwa ajili ya kuona ni namna gani Taasisi hiyo itakavyotoa huduma ya matibabu ya moyo nchini Malawi.

Baadhi ya viongozi wa Taasisi ya Moyo Jakaya Kikwete wakimsikiliza Balozi wa Tanzania nchini Malawi Mhe. Hamphrey Polepole alipotembelea Taasisi hiyo hivi karibuni kwa ajili ya kuona ni namna gani Taasisi hiyo itakavyotoa huduma ya matibabu ya moyo nchini Malawi.


Balozi wa Tanzania nchini Malawi Mhe. Hamphrey Polepole akiwa katika picha ya pamoja na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na viongozi wa Taasisi hiyo mara baada ya kumaliza kikao chake na viongozi hao kilichofanyika hivi karibuni jijini Dar es Salaam.


Picha na: Khamis Mussa

**********************************************************************************************************************

Taasisi ya Moyo Jakaya Kikwete (JKCI)  imejipanga kwenda kutoa huduma za matibabu ya moyo kwa wananchi wa Malawi mwishoni mwa mwezi wa tatu mwaka huu ili kuendeleza mahusiano yaliyopo baina ya Tanzania na Malawi.

Hayo yamesemwa hivi karibuni na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alipokutana na Balozi wa Tanzania nchini Malawi Mhe. Hamphrey Polepole alipotembelea Taasisi hiyo kwa ajili ya kuona ni namna gani Taasisi hiyo itakavyotoa huduma ya matibabu ya moyo nchini humo.

Dkt. Kisenge alisema JKCI imekuwa ikiendelea vizuri tangu ilipoanzishwa mwaka 2015 kwa kutoa huduma za tiba na upasuaji wa moyo kwa wagonjwa hapa nchini pamoja na wagonjwa kutoka nchi za Comoro, Malawi, Zimbambwe, Ethiopia, Kenya, Rwando, Burundi, Congo pamoja na nchi nyingine za nje ya Afrika.

Dkt. Kisenge alisema Tanzania na Malawi imekuwa na mahusiano mazuri kwani JKCI imekuwa ikiwapokea wagonjwa kutoka nchini humo kwa ajili ya kuwahudumia hivyo basi umefika wakati kwa Taasisi hiyo kwenda kutoa huduma ya matibabu nchini Malawi.

Aidha Dkt. Kisenge alimshukuru Mhe. Polepole kwa kutenga muda wake na kutembelea Taasisi hiyo ili kwa pamoja waweze kushirikiana kupeleka huduma za matibabu na upasuaji wa moyo kwa wagonjwa wa moyo waliopo nchini Malawi.

 “Nawahakikishia wananchi wa Malawi kwa kufika hapa kwetu kupata huduma za matibabu watakuwa wamechagua sehemu sahihi ambayo itawatatulia matatizo ya magonjwa ya moyo yanayowakabili kwa gharama nafuu tofauti na wakienda sehemu nyingine duniani kutafuta huduma hizi”, alisema Dkt. Kisenge

Naye Balozi wa Tanzania nchini Malawi Mhe. Hamphrey Polepole alisema uhusiano wa kimashirikiano ambao amekuwa akiupata kutoka JKCI umempa motisha wa kuona umuhimu wa kufika katika Taasisi hiyo ili kwa pamoja waweze kuweka mikakati itakayosaidia kuboresha mahusiano ya afya upande wa matibabu ya moyo kati ya Tanzania na Malawi.

“Kazi yetu ubalozini ni kufanyia kazi mahusiano ya Tanzania na Malawi tukiangazia sera ya mambo ya nje, kwetu sisi tumeona Tanzania imefanikiwa kujenga ubobezi kwenye sekta ya afya katika maeneo ya tiba ya moyo, tiba ya mifupa na tiba ya figo hivyo kuanza kushirikiana na Taasisi hii kusogeza huduma za matibabu ya moyo nchini Malawi”, alisema Mhe. Polepole

Mhe. Polepole alisema kwa sasa wananchi wa Malawi wanafuata huduma za matibabu ya moyo nchini Afrika ya Kusini na India nchi ambazo zipo mbali kidogo na nchi ya Malawi lakini pia gharama zake ni kubwa tofauti na wagonjwa hao wangetibiwa Tanzania.

“Tumejipanga kwa kuanzia tutawakaribisha nchini Malawi mfanye kambi ya matibabu ya moyo nchini humo ili wananchi wapate huduma ya matibabu haya wakiwa nchini mwao na baada ya hapo waje kutibiwa nchini kwetu kama ambavyo baadhi ya wananchi wa Malawi wanakuja kutibiwa hapana”, alisema Mhe. Polepole.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more