RC Makonda: Changamkieni fursa ya kutibiwa moyo

Mkurugenzi Mtendaji wa Taasisi ya Moyo Jakaya Kikwete (JKCI) Dkt.Peter Kisenge alimweleza Mkuu wa Mkoa wa Arusha Mhe. Paul Makonda maendeleo ya upimaji na matibabu ya magonjwa ya moyo kwa wananchi wanaotibiwa katika banda hilo wakati wa kambi maalumu ya kupima magonjwa mbalimbali yakiwemo ya moyo huduma inayotolewa katika uwanja wa Sheikh Amri Abeid.



Mkuu wa Mkoa wa Arusha Mhe. Paul Makonda akizungumza na wananchi waliokuwa wanasubiri kupata huduma za kibingwa za uchunguzi na matibabu ya moyo zinazotolewa katika banda la Taasisi ya Moyo Jakaya Kikwete (JKCI) wakati wa kambi ya maalumu ya matibabu ya siku saba ya magonjwa mbalimbali inayofanyika katika uwanja wa Sheikh Amri Abeid.

Mkurugenzi Mtendaji wa Taasisi ya Moyo Jakaya Kikwete (JKCI) Dkt.Peter Kisenge akisalimiana na mkazi wa Arusha aliyefika katika banda la taasisi hiyo kwaajili ya kupata huduma za uchunguzi  na matibabu ya magonjwa ya moyo wakati wa kambi maalumu ya kupima magonjwa mbalimbali inayofanyika katika uwanja wa Sheikh Amri Abeid.


Daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Evelyne Furumbe akimpima mtoto kipimo cha kuangalia jinsi moyo unavyofanya kazi wakati wa kambi ya maalumu ya matibabu ya siku saba ya magonjwa mbalimbali yakiwemo ya moyo inayofanyika katika uwanja wa Sheikh Amri Abeid uliopo jijini Arusha.

*************************************************************************************************************************************************************************************

Wananchi wa mkoa wa Arusha na mikoa ya jirani wametakiwa kuchangamkia fursa ya kupima magonjwa mbalimbali yakiwemo ya moyo huduma inayotolewa bila malipo yoyote yale katika kambi ya matibabu ya siku saba inayofanyika katika uwanja wa Sheikh Amri Abeid.

Rai hiyo imetolewa leo na Mkuu wa mkoa huo Mhe. Paul Makonda wakati akizungumza na wananchi waliokuwa wanasubiri kupata huduma za kibingwa za uchunguzi na matibabu ya moyo zinazotolewa katika banda la Taasisi ya Moyo Jakaya Kikwete (JKCI).

Mhe. Makonda alisema wataalamu kutoka JKCI wakiongozwa na Mkurugenzi Mtendaji wa Taasisi hiyo Dkt.Peter Kisenge wako katika uwanja huo kwaajili ya kutoa huduma za ushauri, upimaji na matibabu ya magonjwa ya moyo.

“Dkt. Kisenge ni daktari bingwa wa magonjwa ya moyo na mishipa ya damu, kumpata daktari huyu ambaye pia ni Mkurugenzi Mtendaji siyo jambo rahisi leo hii yupo hapa kwetu amekuja kutuhudumia wananchi tuitumie nafasi hii vizuri kwa kuja kupima afya za mioyo yetu”, alisema Mhe. Makonda.

Kwa upande wake Dkt. Kisenge alisema tangu waanze upimaji huo siku ya jana hadi leo wameona zaidi ya wagonjwa 200 na asilimia 45 ya waliowaona walikuwa na tatizo la shinikizo la juu la damu na kuna ambao wameshaanza kupata madhara ya ugonjwa huo.

“Tumewapa rufaa wagonjwa 30 hadi sasa ambao watakwenda kutibiwa katika taasisi yetu kati yao 18 tutawachunguza mishipa ya damu ya moyo ambayo inaonekana imeziba na kushindwa kupitisha damu vizuri. Wengine wanamatatizo ya mfumo wa umeme wa moyo na mioyo yao kufanya kazi katika kiwango cha chini”, alisema Dkt. Kisenge.

Mkurugenzi huyo mtendaji alisema katika kambi hiyo wanawashirikiana na wataalamu kutoka hospitali mbalimbali za Arusha ambao wanawajengea uwezo wa jinsi ya kuwatibu na kuwatambua wagonjwa wa moyo.

Kwa upande wa wananchi waliopata huduma ya matibabu katika banda la Taasisi ya Moyo Jakaya Kikwete (JKCI) walishukuru kwa huduma waliyoipata na kusema kuwa imewasaidia kujua hali za afya za mioyo yao.

Francis Noor mkazi wa Arusha aliwaomba wakuu wa mikoa mingine kuiga mfano wa mkuu wa mkoa wa Arusha Mhe. Paul Mkonda ili wafanye kambi za uchunguzi na  matibabu ya magonjwa mbalimbali ambazo zitawasaidia wananchi wenye vipato vya chini kupata huduma za kibingwa za matibabu.

“Nimefika hapa katika banda la Taasisi ya Moyo Jakaya Kikwete nimepata huduma za matibabu ya moyo na vipimo ambavyo sikutegemea kuvipata nimeonana na Dkt. Kisenge amenihudumia vizuri na kunipa ushauri”.

“Ninamshukuru Mwenyezi Mungu kupitia Rais wetu Mhe. Dkt. Samia Suluhu Hassan na mkuu wa mkoa Mhe. Makonda ambao wamefanikisha kupatikana kwa huduma hii , mimi unavyoniona unaweza kusema nina hela nyingi lakini uchumi wangu ni wa hali ya chini. Miaka minne iliyopita niliandikiwa kufanya vipimo vya moyo nikashindwa kutokana na hali ya uchumi lakini leo hii nimeweza kupata huduma hii”, alishukuru Noor.

 “Ninashukuru kwa huduma niliyoipata ninawaomba wananchi wenzangu waje kupata huduma ya uchunguzi na matibabu ya moyo ambayo inatolewa bila malipo yoyote yale. Ninawashukuru viongozi wetu kwa kutujali sisi wananchi wanyonge wenye kipato cha chini”, alishukuru Etropia Nikolaus.

Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yamshukuru Rais Dkt.Samia kwa kuwapa magari

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akikata utepe wakati wa kuzindua magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa JKCI. Kushoto ni Mkurugenzi Mtendaji wa JKCI Dkt. Peter Kisenge. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa ndani ya gari la kuhudumia wagonjwa lililotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan na kuzinduliwa leo na Kaimu Mwenyekiti wa Bodi ya Wadhamini ya Taasisi hiyo Asha Izina. Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa Habari mara baada ya uzinduzi wa magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa katika Taasisi hiyo iliyopo jijini Dar es Salaam. ***************
Read more