411 wapimwa moyo Halmashauri ya Handeni Mjini

Mganga Mfawidhi Hospitali ya Wilaya ya Handeni Dkt. Laurence Meshilieki akizungumza na wananchi waliojitokeza kufanya uchunguzi na matibabu ya magonjwa ya moyo wakati wa kambi maalumu ya siku mbili ya Mhe. Dkt. Samia Suluhu Hassan tiba mkoba inayofanywa na wataalamu wa afya kutoka Taasisi ya Moyo Jakaya Kikwete (JKCI) katika hospitali hiyo iliyopo mkoani Tanga.

Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Mlagwa Yango akimpatia dawa mwananchi wa Handeni aliyepata huduma za uchuguzi na matibabu ya moyo wakati wa kambi maalumu ya siku mbili ya Mhe. Dkt. Samia Suluhu Hassan tiba mkoba inayofanyika katika Hospitali ya Wilaya ya Handeni iliyopo mkoani Tanga. Kushoto ni daktari wa Hospitali ya Wilaya ya Handeni Antony Mwale

Afisa Utafiti wa Taasisi ya Moyo Jakaya Kikwete (JKCI) Makrina Komba akimpima wingi wa sukari kwenye damu mwananchi aliyefika katika Hospitali ya Wilaya ya Handeni wakati wa kambi maalumu ya siku mbili ya Mhe. Dkt. Samia Suluhu Hassan tiba mkoba inayofanywa na wataalamu wa afya wa Taasisi ya Moyo Jakaya Kikwete (JKCI) kwa kushirikiana na wenzao wa Hospitali ya Wilaya Handeni.

Wananchi wa Wilaya ya Handeni wakisoma vipeperushi vinavyoelezea lishe bora wakati wa kambi maalumu ya siku mbili ya Mhe. Dkt. Samia Suluhu Hassan inayofanywa na wataalamu wa afya wa Taasisi ya Moyo Jakaya Kikwete (JKCI) kwa kushirikiana na wenzao wa Hospitali ya Wilaya ya Handeni.

Wananchi wa Wilaya ya Handeni wakiendelea kupata huduma za vipimo vya awali wakati wa kambi maalumu ya siku mbili ya Mhe. Dkt. Samia Suluhu Hassan tiba mkoba inayofanywa na wataalamu wa afya wa Taasisi ya Moyo Jakaya Kikwete (JKCI) kwa kushirikiana na wenzao wa Hospitali ya Wilaya ya Handeni.

Na: JKCI

 
************************************************************************************************************************

Watu 411 wamefanyiwa uchunguzi na matibabu ya magonjwa ya moyo wakati wa kambi maalumu iliyofanyika katika Halmashauri ya Wilaya ya Handeni Mjini na kumalizika jana.

Uchunguzi huo umefanyika katika kambi maalumu ya siku mbili ya Mhe. Dkt. Samia Suluhu Hassan tiba mkoba iliyokuwa ikifanywa na wataalamu wa Taasisi ya Moyo Jakaya Kikwete (JKCI) kwa kushirikiana na wenzao kutoka Hospitali ya Wilaya ya Handeni.

Akizungumza na waandishi wa habari jana mjini Handeni Daktari bingwa wa magonjwa ya moyo kwa watoto na mratibu wa kambi hiyo kutoka Taasisi ya Moyo Jakaya Kikwete (JKCI) Hospitali ya Dar Group Eva Wakuganda alisema katika watu 411 waliofanyiwa uchunguzi wa magonjwa ya moyo watu wazima walikuwa 356 na watoto 55.

“Upande wa watu wazima tumewakuta watu 164 na matatizo mbalimbali ya moyo yakiongoza matatizo ya shinikizo la juu la damu na upande wa watoto tumewakuta watoto 18 na magonjwa ya moyo ya kuzaliwa nayo yakiwemo matundu na mishipa ya damu ya moyo kuziba”, alisema Dkt. Eva

Wakizungumza kwa nyakati tofauti wananchi waliopata huduma katika kambi hiyo wameishukuru Taasisi ya Maendeleo Handeni (MMAHA) kwa kushirikiana na Taasisi ya Moyo Jakaya Kikwete (JKCI) kufikisha huduma kwani wengi wao imekuwa mara ya kwanza kuchunguza mioyo yao.

Aisha Athuman alisema amekuwa akisumbuliwa na tatizo la shinikizo la juu la damu na kuambiwa na wataalamu kufanya uchunguzi wa moyo wake, kupitia kambi hiyo ameweza kuona jinsi moyo wake ulivyo.

“Kwakweli nitoe shukrani zangu za dhati kwa taasisi hizi mbili kuungana na kufikisha huduma kwetu wananchi wa Handeni, leo nimefanyiwa vipimo vya moyo na baada ya vipimo nimepewa dawa bure”, alisema Aisha

Kwa upande wake daktari kutoka Hospitali ya Wilaya ya Handeni Fatuma Ridhiwani amewashukuru wataalamu wa JKCI kwakuwa na ushirikiano na kutoa ujuzi kwa wataalamu wa Hospitali ya Wilaya ya Handeni wa namna ya kuwatambua wagonjwa wa moyo.

Dkt. Fatuma alisema kupitia kambi hiyo ameweza kujifunza vitu vingi ambayo ataenda kuvitumia na kuifanya fani yake kukua tofauti na alivyokuwa awali.

“Kupitia wataalamu hawa najiona naenda kuwa marketable, kwani nitaenda kutumia ujuzi nilioupata hapa kwa wagonjwa wanaofika katika Hospitali yetu”, alisema Dkt. Fatuma

Kwa upande wake Mkurugenzi wa Taasisi ya Marafiki wa Maendeleo Handeni (MMAHA) Maria Mwanilwa alisema Taasisi hiyo imezindua wa wiki ya kutoa huduma za kijamii kwa wananchi wa Halmashauri ya Handeni mjini na Handeni vijijini.

Mariam alisema moja ya huduma inayotoa ni huduma za afya kwa wananchi wa wiliaya ya Handeni mjini kwa siku mbili na wananchi wa Handeni vijijini kwa siku mbili kwa kushirikiana na wataalamu kutoka Taasisi ya Moyo Jakaya Kikwete (JKCI).

“Leo tunavyomaliza kutoa huduma hizi za uchunguzi na matibabu ya magonjwa ya moyo hapa Handeni mjini, kesho tutakuwa katika Halmashauri ya Wilaya ya Handeni vijijini kule Mkata ili wananchi wa huko nao waweze kupata huduma hizi za kibingwa”, alisema Mariam

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more