Dawa za Shilingi 16,196,119 zatolewa bila malipo kwa wananchi wa Handeni

Daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Hospitali ya Dar Group Eva Wakuganda akimpima kipimo cha kuangalia jinsi moyo unavyofanya kazi (Echocardiography – ECHO) mtoto wakati wa kambi maalumu ya siku mbili ya Mhe. Dkt. Samia Suluhu Hassan tiba mkoba iliyokuwa ikifanyika katika Hospitali ya Halmashauri ya Wilaya ya Handeni iliyopo Wilaya ya Handeni vijijini mkoani Tanga.

Afisa Uuguzi wa Taasisi ya Moyo Jakaya Kikwete (JKCI) Hospitali ya Dar Group Daniel Mkuyu akimfanyia kipimo cha kuangalia jinsi mfumo wa umeme wa moyo unavyofanya kazi (Electrocardiograph – ECG) mkazi wa Mkata wakati wa kambi maalumu ya siku mbili ya Mhe. Dkt. Samia Suluhu Hassan tiba mkoba iliyokuwa ikifanyika katika Hospitali ya Halmashauri ya Wilaya ya Handeni iliyopo Wilaya ya Handeni vijijini mkoani Tanga.

Fundi sanifu wa moyo wa Taasisi ya Moyo Jakaya Kikwete (JKCI) Hospitali ya Dar Group Eliza Shuma akimfanyia kipimo cha kuangalia jinsi moyo unavyofanya kazi (Echocardiography – ECHO) mkazi wa Mkata wakati wa kambi maalumu ya siku mbili ya Mhe. Dkt. Samia Suluhu Hassan tiba mkoba iliyokuwa ikifanyika katika Hospitali ya Halmashauri ya Wilaya ya Handeni iliyopo Wilaya ya Handeni vijijini mkoani Tanga.

Wananchi wa Wilaya ya Handeni Vijijini wakisubiri kupatiwa huduma wakati wa wakati wa kambi maalumu ya siku mbili ya Mhe. Dkt. Samia Suluhu Hassan tiba mkoba iliyokuwa ikifanyika katika Hospitali ya Halmashauri ya Wilaya ya Handeni iliyopo Wilaya ya Handeni vijijini mkoani Tanga. Jumla ya wananchi 497 wa Wilaya ya Handeni vijijini wamefanyiwa uchunguzi na matibabu ya magonjwa ya moyo.


Baadhi ya wataalamu wa Taasisi ya Moyo Jakaya Kikwete (JKCI) Hospitali ya Dar Group wakiwa katika picha ya pamoja na wenzao kutoka Hospitali ya Halmashauri ya Wilaya ya Handeni iliyopo Wilaya ya Handeni vijijini mkoani Tanga mara baada ya kumalizika kwa kambi maalumu ya siku mbili ya Mhe. Dkt. Samia Suluhu Hassan tiba mkoba. Jumla ya wananchi 497 wa Wilaya ya Handeni vijijini wamefanyiwa uchunguzi na matibabu ya magonjwa ya moyo.

Na: JKCI

********************************************************************************************************

Dawa za moyo, shinikizo la damu na sukari zenye thamani ya shilingi 16,196,119 zatolewa bila malipo kwa wananchi wa Wilaya ya Handeni mjini na Handeni vijijini waliokutwa na magonjwa hayo.

Dawa hizo zimetolewa wakati wa kambi maalumu ya siku nne ya Mhe. Dkt. Samia Suluhu Hassan tiba mkoba iliyokuwa ikifanywa na wataalamu wa Taasisi ya Moyo Jakaya Kikwete (JKCI) kwakushirikiana na wenzao wa Hospitali ya Wilaya ya Handeni iliyopo Handeni mjini na Hospitali ya Halmashauri ya Wilaya ya Handeni iliyopo Handeni vijijini mkoani Tanga.

Akizungumzia kambi hiyo Daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Hospitali ya Dar Group na mratibu wa kambi hiyo Eva Wakuganda alisema kupitia kambi hiyo wamewakuta watu wengi wakiwa na matatizo ya shinikizo la damu, sukari na magonjwa ya moyo lakini kutokana na hali zao za maisha kushindwa kununua dawa.

“Tumekuja na dawa zenye thamani ya shilingi milioni 16,196,119 ambazo zote tumezitoa kwa wananchi ambao tumewakuta na matatizo ya moyo, shinikizo la damu na sukari kwani wengi wao walitumia dawa pale walipogundulika tu kuwa na magonjwa haya na baada ya hapo hawakuendelea kutumia dawa hizo kutokana na vipato vyao kuwa vya hali ya chini”, alisema Dkt. Eva

Dkt. Eva aliongeza kuwa katika kambi hiyo jumla ya watu 908 walifanyiwa uchunguzi wa magonjwa ya moyo ambapo kati yao watu 411 walikuwa kutoka Wilaya ya Handeni mjini na watu 497 walikuwa kutoka Wilaya ya Handeni vijijini.

“Hapa Handeni vijijini tumewakuta watu 133 wakiwa na shida mbalimbali za moyo ambapo kati yao wapo watoto 9 wenye matatizo ya moyo ya kuzaliwa nayo, tumewaanzishia dawa na wengine tumewapa rufaa kufika Taasisi ya Moyo Jakaya Kikwete (JKCI) kwaajili ya matibabu zaidi”, alisema Dkt. Eva

Kwa upande wa wananchi waliopata huduma katika kambi hiyo wameishukuru Serikali kwa kuona umuhimu wa kufikisha huduma za kibingwa kwa wananchi waliopo katika Wilaya kwani wao wamekuwa wakisahaulika huku huduma nyingi zikipelekwa kwa wananchi wanaoishi kwenye mikoa.

Ridhiwan Abdi alisema kuwa wamekuwa wakisikia vitu vingi vya kijamii vikifanyika katika mkoa wa Tanga lakini huduma hizi za upimaji zimewafikia wananchi wa Wilaya ya Handeni bila kuwabagua wale waliopo Handeni vijijini.

“Serikali yetu inatujali sana wananchi wake, mimi leo nimepata huduma hapa bila gharama yoyote na sikuishia hapo nikapata na dawa pia”, alisema Ridhiwani

Naye Mwanaidi Suleimani alitoa shukrani zake kwa Serikali na kwa wataalamu waliojitoa kutoa huduma kwa wananchi hadi usiku bila ya kuchoka na pale walipohitaji ufafanuzi zaidi wataalamu hao walitoa ushirikiano kutoa maelezo zaidi.

Mwanaidi alisema mara nyingi wagonjwa wakienda hospitali wamekuwa na uoga wa kuzungumza yale wanayopitia lakini kupitia kambi hiyo wananchi wameweza kujieleza vizuri kutokana na wataalamu walioshiriki katika kambi hiyo kuwajali wananchi na kuwa nao karibu.

“Ninaiomba Serikali na wakati mwingine itukumbuke tena kwani bado wapo wananchi wengi hawajaweza kufika katika siku hizi mbili kupata huduma hivyo ikijipanga tena na kuja itakuwa imesaidia watu wengine wengi zaidi”, alisema Mwanaidi


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more