Dkt. Kisenge : Wasanii jitokezeni kupima moyo


Katibu Mtendaji wa Baraza la Sanaa la Taifa (BASATA) Dkt. Kedmon Mapana akimkabidhi jarida la baraza hilo Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alipomtembelea ofisini kwake leo kwaajili ya kuzungumza na  waandishi wa habari kuhusu huduma ya upimaji na matibabu ya moyo bila malipo itakayotolewa  kwa wasanii.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na waandishi wa habari leo jijini Da es Salaam kuhusu huduma ya upimaji na matibabu ya moyo bila malipo itakayotolewa  kwa wasanii kwa mwezi wa Desemba 2024 na  Januari 2025 katika kliniki ya Taasisi hiyo iliyopo Kawe.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa katika picha ya pamoja na Katibu Mtendaji wa Baraza la Sanaa la Taifa (BASATA) Dkt. Kedmon Mapana, Kaimu Katibu Mtendaji Bodi ya Filamu Tanzania Dkt. Gervas Kasiga na viongozi wa vyama vya wasanii kabla ya kuanza kwa mkutano kati yao  na waandshi wa habari kuhusu huduma ya upimaji na matibabu ya moyo bila malipo itakayotolewa  kwa wasani kwa mwezi wa Desemba 2024 na  Januari 2025 katika kliniki ya Taasisi hiyo iliyopo Kawe.

**********************************************************************************************************************************************************************************************

Wasanii wametakiwa kujitokeza kwa wingi kupima afya zao wakati wa kambi maalumu ya uchunguzi na matibabu ya moyo itakayofanyika hivi karibuni katika Kliniki ya Taasisi ya Moyo Jakaya Kikwete (JKCI) iliyopo Kawe.

Rai hiyo imetolewa leo jijini Dar es Salaam na Mkurugenzi wa Taasisi ya Moyo Jakaya Kikwete (JKCI) Dkt. Peter Kisenge wakati akizungumza na waandishi wa habari kuhusu huduma ya upimaji na matibabu ya moyo bila malipo itakayotolewa  kwa wasanii.

Dkt. Kisenge alisema kutokana na tatizo la magonjwa ya moyo kuwa kubwa Taasisi hiyo  imeona ishirikiane na wasanii katika kuhamasisha jamii ili kuona umuhimu wa kupima magonjwa yasiyoambukiza yakiwemo  ya moyo.

 

“Katika kufanikisha hili kutakuwa na zoezi la upimaji wa magonjwa ya moyo bila malipo kwa wasanii katika kliniki yetu ya Kawe kwa mwezi wa huu wa Desemba na Januari 2024 kila siku za Jumamosi na Jumapili”.

 

“Baada ya kumalizika kwa zoezi hili kutakuwa na utaratibu maalumu kwa wasanii ambao hawana bima za afya watakaokuja kutibiwa katika kliniki yetu watapata punguzo la gharama za matibabu”, alisema Dkt. Kisenge.

 

Kwa upande wake Katibu Mtendaji wa Baraza la Sanaa la Taifa (BASATA) Dkt. Kedmon Mapana aliishukuru Taasisi ya Moyo Jakaya Kikwete (JKCI) kwa kuona umuhimu wa kupima afya za mioyo ya wasanii na kuwapa elimu ya jinsi ya kujiepusha na magonjwa hayo bila ya gharama zozote zile.

“BASATA tutasimamia zoezi hili la upimaji kwa wasanii wetu ili kila mmoja anufaike na upimaji huu kama mlivyosikia gharama za matibabu ya magonjwa ya moyo ni kubwa hivyo basi ni muhimu mkachukuwa hatua za kupima mapema kabla ya kusubiri kuugua”, alisisitiza Dkt. Mapana.

Naye Kaimu Katibu Mtendaji Bodi ya Filamu Tanzania Dkt. Gervas Kasiga alisema upimaji huo ni wa muhimu kwani utawapa hamasa wasanii ya kupima mioyo yao  na kuchukuwa hatua baada ya kupata majibu ya vipimo hivyo.

“Ninawasihi mtumie vizuri fursa hii kwa kupima mioyo yenu na kupata elimu ya jinsi ya kujiepuka na magonjwa haya pia elimu mtakayoipata muitumie kuielimisha jamii inayowazunguka kwani uwezo wa kufanya hivyo mnao”, alisema Dkt. Gervas.

Mwenyekiti wa Taasisi ya Mama Ongea na Mwanao Steven Mongele ambaye ni mratibu wa zoezi hilo la upimaji aliishukuru Serikali ya awamu ya sita inayoongozwa na Mhe. Dkt. Samia Suluhu Hassan kwa kuwekeza katika tiba ya moyo nchini jambo linalowafanya wananchi wakiwemo wasanii kufaidika na huduma za matibabu ya kibingwa.

“Gharama za matibabu ya kibingwa yakiwemo ya moyo ni kubwa lakini hivi sasa huduma hizi zinapatikana hapa nchini na hakuna haja ya kupeka wagonjwa nje ya nchi. Jambo la muhimu ni kupima afya zetu mapema na kama utajigundua unashida utajua jinsi gani utaishi pia  tujenge tabia ya kusaidiana tunapoona wenzetu wanahitai msaada wa fedha za matibabu”, alisema Mongele.

Mongele alisema wataangalia namna ambavyo wasanii walioko mikoani watafikiwa na huduma hiyo ya upimaji na matibabu ya magonjwa ya moyo bila malipo.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more