Wasanii watakiwa kuelimisha jamii kujikinga na magonjwa ya moyo.


Baadhi ya wasanii wa bongo movie wakisubiri kupatiwa huduma wakati wa kambi maalumu ya siku mbili ya tiba mkoba ya Mhe. Dkt. Samia Suluhu Hassan inayofanywa na Taasisi ya Moyo Jakaya Kikwete (JKCI) Kliniki ya Kawe iliyopo jengo la Mkapa Health Plaza jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akisikiliza mapigo ya moyo ya msanii wa bongo movie na Mwenyekiti wa Taasisi ya Mama Ongea na Mwanao Steven Mengele wakati wa kambi maalumu ya siku mbili ya tiba mkoba ya Mhe. Dkt. Samia Suluhu Hassan inayofanywa na Taasisi hiyo kwaajili ya kuwafanyia uchunguzi na matibabu ya moyo wasanii katika Kliniki ya JKCI iliyopo Kawe jengo la Mkapa Health jijini Dar es Salaam.

Daktari wa Taasisi ya Moyo Jakaya Kikwete (JKCI) Devotha Mapunda akimpima kipimo cha kuangalia jinsi moyo unavyofanya kazi (Echocardiography – ECHO) msanii aliyefika katika Kliniki ya JKCI iliyopo Kawe jengo la Mkapa Health wakati wa kambi maalumu ya siku mbili ya tiba mkoba ya Mhe. Dkt. Samia Suluhu Hassan leo jijini Dar es Salaam.

Afisa Lishe wa Taasisi ya Moyo Jakaya Kikwete (JKCI) Ingrid Nyabenda akitoa elimu ya lishe kwa wasanii wa bongo movie waliofika katika Taasisi hiyo Kliniki ya Kawe wakati wa kambi maalumu ya siku mbili ya tiba mkoba ya Mhe. Dkt. Samia Suluhu Hassan leo jijini Dar es Salaam.

Daktari wa Taasisi ya Moyo Jakaya Kikwete (JKCI) Nicholaus Steven akimsomea majibu msanii wa bongo movie Jenipha Kyaka aliyefika katika Kliniki ya JKCI iliyopo Kawe wakati wa kambi maalumu ya siku mbili ya tiba mkoba ya Mhe. Dkt. Samia Suluhu Hassan inayofanywa na Taasisi hiyo kwaajili ya kuwafanyia uchunguzi na matibabu ya moyo wasanii leo jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwapongeza wasanii kwa kujitokeza kupima afya zao leo wakati wa kambi maalumu ya siku mbili ya tiba mkoba ya Mhe. Dkt. Samia Suluhu Hassan inayofanyika katika kliniki ya JKCI Kawe jengo la Mkapa Health plaza jijini Dar es Salaam. Kulia ni Kaimu Katibu Mtendaji wa Bodi ya Filamu Tanzania Dkt. Gervas Kasiga.

Na: JKCI

***************************************************************************************************************

Wasanii wametakiwa kutumia sanaa kufikisha elimu ya namna ya kujikinga na magonjwa yasiyo ya kuambukiza yakiwemo ya moyo katika jamii inayowazunguka.

Rai hiyo imetolewa leo na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge wakati wa kambi maalumu ya siku mbili ya tiba mkoba ya Mhe. Dkt. Samia Suluhu Hassan inayofanyika katika Kliniki ya JKCI iliyopo Kawe jengo la Mkapa Health Plaza jijini Dar es Salaam.

Dkt. Kisenge alisema kambi hiyo imefanyika kwa ushirikiano na Bodi ya Filamu Tanzania na Baraza la Sanaa Tanzania (BASATA) kuwafikishia huduma za kibingwa wasanii kwa kipindi cha mwezi mmoja hadi kufikia mwisho wa mwezi Januari 2025.

“Wasanii wamekuwa kioo katika jamii yetu, tukaona ni wakati sasa kuwatumia ili waweze kutusaidia kuielimisha jamii namna ya kujikinga na magonjwa yasiyo ya kuambukiza yakiwemo ya moyo kwani magonjwa haya yamekuwa yakichangia vifo vingi duniani”, alisema Dkt. Kisenge.

Dkt. Kisenge alisema wasanii wanapoyaelewa magonjwa hayo inasaidia kufikisha ujumbe kwa jamii kupitia njia mbalimbali za sanaa ikiwemo maigizo, muziki na sanaa nyinginezo.

Kwa upande wake Kaimu Katibu Mtendaji wa Bodi ya Filamu Tanzania Dkt. Gervas Kasiga alisema limekuwa jambo la kipekee mwaka huu wasanii kufunga mwaka wakiwa wamefanya uchunguzi wa afya zao na kupata elimu ya namna ya kujikinga na magonjwa yasiyo ya kuambukiza.

Dkt. Gervas aliwataka wasanii kutumia fursa hiyo kwa umuhimu kwani nafasi kama hiyo huwa haijitokezi mara nyingi hivyo pale inapojitokeza inapaswa kutumiwa vizuri na kwa maslahi binafsi.

“Kupitia upimaji huu unaotolewa kwa wasanii itatusaidia katika tasnia kujua afya zetu ili tunavyoenda kufanya kazi zetu tuweze kuzifanya kwa ubora kufikia matarajio yetu na matarajio ya nchi yetu”, alisema Dkt. Gervas

Naye msanii wa bongo movie na Mwenyekiti wa Taasisi ya Mama Ongea na Mwanao Steven Mengele amemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kutoa fursa hiyo kwa wasanii kupima afya zao.

“Taifa lenye watu dhaifu linaweza kukosa watu wenye fikra za kulijenga, lakini taifa lenye watu jarisi uongozwa na watu wenye afya imara hivyo kupitia fursa hii wasanii tusiipuuze tujitokeze”, alisema Steven

Steven alisema watu wengi wakiwemo wasanii wamekuwa wakitembea na maradhi bila ya wao kujijua kutokana na kutokuwa na mazoea ya kufanya uchunguzi wa afya hadi pale changamoto za kiafya zinapojitokeza.

“Tumepata fursa hii kama wasanii tukiwemo wasanii wa bongo flavor, bongo movie, washereheshaji (MC), wanamichezo mbalimbali kupima afya zetu, Tunamshukuru Rais Dkt. Samia ametusaidia tufunge mwaka 2024 tukiwa na afya bora bila ya kutumia fedha kupima afya zetu”, alisema Steven

Akitoa shukrani zake msanii wa bongo movie Devotha Mbaga amemshukuru Rais Dkt. Samia kwa kuwathamini wasanii na kuwapa fursa ya kupima afya ya moyo bila gharama.

“Moyo ndio injini ya mwili wa binadamu hivyo ukipata shida ya moyo lazima mwili wote utakuwa dhoofu ndio maana nilipoona nafasi hii nilifika mapema kufanya uchunguzi na kupata elimu ya namna nitaweza kujikinga na magonjwa ya moyo”, alisema Devotha

Devotha alisema huduma zinazotolewa na Taasisi hiyo zinaweza kumfanya mgonjwa asijione kama yupo hospitali kwani wataalamu katika maeneo yote wamejipanga kutoa huduma na kumfanya mgonjwa ajisikie huru.

“Toka nifiki hapa nimepata huduma zote bure na baada ya vipimo kuonyesha kuwa na changamoto kidogo nimepewa dawa bila gharama, nawashukuru sana”, alisema Devotha

 

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more