JKCI wamlilia Prof. Mahalu

 

Waziri wa Afya Mhe.Ummy Mwalimu akimkabidhi begi lenye vitendea kazi aliyekuwa Mwenyekiti wa bodi ya wadhamini ya Taasisi ya Moyo Jakaya Kikwete (JKCI) Prof. William Mahalu mara baada ya kuizindua bodi hiyo Agosti mwaka jana jijini Dar es Salaam.


Aliyekuwa Mwenyekiti wa Bodi ya Wadhamini ya Taasisi ya Moyo Jakaya  Kikwete (JKCI) ambaye pia ni daktari bingwa wa upasuaji wa moyo na mishipa ya damu Prof. Wiliam Mahalu akimsikiliza Katibu wa Bodi hiyo ambaye pia ni Mkurugenzi Mtendaji wa JKCI Dkt. Peter Kisenge wakati wa  kikao cha kwanza cha Bodi hiyo kilichofanyika mwishoni mwa mwaka jana  jijini Dar es Salaam.

*********************************************************************************************************************************************

Wafanyakazi wa Taasisi ya Moyo Jakaya Kikwete (JKCI) wamepokea kwa masikitiko makubwa taarifa ya kifo cha Prof. William Mahalu aliyekuwa Mwenyekiti wa Bodi ya Wadhamini ya Taasisi hiyo na mmoja wa madaktari bingwa wa moyo wa kwanza hapa nchini.

Akizungumza na mwandishi wa habari hizi kwa njia ya simu akiwa jijini Arusha Mkurugenzi Mtendaji wa Taasisi hiyo Dkt. Peter Kisenge alisema Prof. Mahalu alikuwa amelazwa JKCI kwaajili ya matibabu na alifariki  usiku wa tarehe 20/08/2023.

Dkt. Kisenge alisema Prof. Mahalu ni miongoni mwa madaktari bingwa wa kwanza watatu wa moyo nchini ambao jitihada zao ziliwezesha kuanzishwa kwa Taasisi ya Moyo Jakaya Kikwete (JKCI) na kupatikana kwa matibabu ya kibingwa ya moyo nchini Tanzania.

 “Kifo cha Prof.Mahalu ni pigo kubwa kwa Taasisi yetu licha ya kuwa Mwenyekiti wa Bodi ya Wadhamini ya JKCI pia alikuwa daktari bingwa wa upasuaji wa moyo na mishipa ya damu na mshauri mzuri katika kutekeleza majukumu yetu hii ni kutokana na uzoefu wake wa muda mrefu aliokuwa nao,”.

“Tumempoteza mwasisi wa upasuaji wa moyo hapa nchini, ni pigo kubwa kwetu sisi wataalamu wa magonjwa ya moyo kwani kupitia Prof. Mahalu wataalamu wengi wa afya walivutiwa kujiendeleza na kuwa madaktari bingwa wa upasuaji wa moyo hapa nchini”, alisema Dkt. Kisenge.

Kwa upande wake daktari bingwa wa upasuaji wa moyo na mishipa ya damu wa Taasisi ya Moyo ya Jakaya Kikwete (JKCI)  Evarist Nyawawa alisema alimfahamu Prof.William Mahalu kuwa ni mmoja wa madaktari wa kwanza kabisa katika kusomea fani ya upasuaji wa moyo hapa nchini ambaye ni mzalendo  kwani alipohitimu mafunzo yake ya upasuaji nchini Uingereza alirudi Tanzania na kutaka kuanzisha upasuaji wa moyo lakini kulingana na vipaumbele vya serikali kwa kipindi hicho hakuweza kufanya upasuaji huo na  kwenda nchini Zimbabwe.

Dkt. Nyawawa alisema mara baada ya serikali kutia mkazo wa kutaka kuanzisha upasuaji wa moyo ikawachagua wataalamu 26 na kuwapeleka nchini India kujifunza upasuaji wa moyo wa fani mbalimbali na mara baada ya kurudi Prof. Mahalu kwa uzalendo wake alirejea nchini ili kujumuika  nao na kuanza kufanya upasuaji wa moyo katika chumba cha upasuaji cha Taasisi ya Tiba ya Mifupa Muhimbili (MOI).

“Prof. Mhalu ndiye aliyetuwezesha sisi kuanza upasuaji wa moyo hapa nchini kwasababu ukitoka kwenye mafunzo mara nyingi unahitaji mtu ambaye atakusimamia ili uweze  kufanya upasuaji wa moyo,” alisema Dkt. Nyawawa.

“Baada ya kurudi hapa  nchini Prof. Mahalu alikwenda Hospitali ya Rufaa Bugando na akiwa kule sehemu kubwa ya muda wake aliutumia kuja kujumuika na sisi kufanya upasuaji wa moyo,  mbali na hapo alitufundisha na kutafuta wataalmu  wengi ambao mpaka leo wapo hapa kwenye Taasisi ya Moyo wakihudumia wananchi,” alisema Dkt. Nyawawa.

“Prof. Mahalu alikuwa ni mzalendo,mshauri na mwenye maono makubwa na ndio maana Mheshimiwa Rais Dkt. Samia Suluhu Hassan alimchagua kuwa mwenyekiti wa Bodi tangu Taasisi inaanzishwa, kutokana na maono yake katika fani hii ya upasuaji wa moyo kwa sasa Taifa linajivunia kuwa na Taasisi ya Moyo na kwa kiwango kikubwa karibu aina zote za upasuaji zinafanyika hapa nchini” alisema Dkt. Nyawawa.

Licha ya kuwa Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Prof. Mahalu pia alikuwa Mkuu wa Idara ya upasuaji wa moyo na mishipa ya damu wa Chuo Kikuu cha Kikatoliki cha Afya na Sayansi Shirikishi Bugando (CUHAS).


Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yamshukuru Rais Dkt.Samia kwa kuwapa magari

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akikata utepe wakati wa kuzindua magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa JKCI. Kushoto ni Mkurugenzi Mtendaji wa JKCI Dkt. Peter Kisenge. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa ndani ya gari la kuhudumia wagonjwa lililotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan na kuzinduliwa leo na Kaimu Mwenyekiti wa Bodi ya Wadhamini ya Taasisi hiyo Asha Izina. Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa Habari mara baada ya uzinduzi wa magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa katika Taasisi hiyo iliyopo jijini Dar es Salaam. ***************
Read more