JKCI yawapeleka wataalamu wake nchini India kujifunza upasuaji wa kubadilisha Valvu bila kufungua kifua

Wataalamu wa magonjwa ya moyo na mishipa ya damu ya moyo wa Taasisi ya Moyo Jakaya Kikwete (JKCI) wakiwa  nchini India kwaajili ya kujifunza upasuaji wa kubadilisha valvu ya mshipa mkubwa wa damu (Aortic Valve) pasipo kufanya upasuaji wa kufungua kifua (Transcatheter Aortic Valve Implantation procedure – TAVI). Upasuaji huo unafanyika kwa njia ya tundu dogo kupitia mtambo wa Cathlab ambao ni maabara inayotumia mionzi maalumu kwaajili ya kufanya uchunguzi na matibabu ya moyo.

**************************************************************************************************************************************************************************************************************

Wataalamu wa magonjwa ya moyo na mishipa ya damu ya moyo wa Taasisi ya Moyo Jakaya Kikwete (JKCI) wako nchini India kwaajili ya kujifunza upasuaji wa kubadilisha valvu ya mshipa mkubwa wa damu (Aortic Valve) pasipo kufanya upasuaji wa kufungua kifua (Transcatheter Aortic Valve Implantation procedure – TAVI).

Upasuaji huo unafanyika kwa njia ya tundu dogo kupitia mtambo wa Cathlab ambao ni maabara inayotumia mionzi maalumu kwaajili ya kufanya uchunguzi na matibabu ya moyo.

Akizungumza na mwandishi wa habari hizi kwa njia ya simu leo jijini Dar es Salaam daktari bingwa wa magonjwa ya moyo wa JKCI ambaye yuko nchini India katika mafunzo hayo Khuzeima Khanbhai alisema upasuaji wa aina hii haufanyiki hapa nchini lakini kutokana na teknolojia ya matibabu kukuwa Taasisi hiyo imeona iwapeleke wataalamu wake kujifunza nchini India.

“Tuko wataalamu wanne ambao kwa muda wa wiki moja tutakuwa hapa India kujifunza aina hii ya upasuaji, wawili ni madaktari, muuguzi mmoja na mtaalamu wa kuendesha mtambo wa Cathlab mmoja,.

“Upasuaji huu haufanyika hapa nchini kwani ni teknolojia mpya na ya kisasa ya matibabu ya moyo ambayo inatumika katika nchi zilizoendelea lakini kwakuwa katika Taasisi yetu tunavifaa vya kisasa Serikali imeona ni muhimu na sisi tukajifunza ili tuweze kutoa huduma hii kwa watanzania wenye matatizo ya moyo”, alisema Dkt. Khuzeima.

Dkt. Khuzeima alisema upasuaji wa TAVI unafanyika kwa wagonjwa wenye matatizo ya Valvu za moyo wenye umri wa kuanzia miaka 70 na kuendelea au kwa watu ambao ni wagonjwa sana na hawawezi kustahimili upasuaji mkubwa wa kufungua kifua.

Taasisi ya Moyo Jakaya Kikwete (JKCI) inafanya upasuaji wa kubadilisha valvu ya mshipa mkubwa wa damu (Aortic Valve) kwa njia ya upasuaji mkubwa wa moyo wa kufungua kifua. Kuanza kufanyika kwa upasuaji mdogo wa TAVI kutawasaidia wagonjwa wenye umri mkubwa au wagonjwa sana na hawawezi kustahimili upasuaji mkubwa wa kufungua kifua kufanyiwa upasuaji huo  hapa nchini na hivyo Serikali kupunguza gharama za kuwapeleka wagonjwa hawa kutibiwa nje ya nchi.



Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yamshukuru Rais Dkt.Samia kwa kuwapa magari

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akikata utepe wakati wa kuzindua magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa JKCI. Kushoto ni Mkurugenzi Mtendaji wa JKCI Dkt. Peter Kisenge. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa ndani ya gari la kuhudumia wagonjwa lililotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan na kuzinduliwa leo na Kaimu Mwenyekiti wa Bodi ya Wadhamini ya Taasisi hiyo Asha Izina. Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa Habari mara baada ya uzinduzi wa magari mawili yaliyotolewa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwaajili ya kutoa huduma kwa wagonjwa wanaotibiwa katika Taasisi hiyo iliyopo jijini Dar es Salaam. ***************
Read more