20 watibiwa mfumo wa umeme wa moyo




Madaktari bingwa wa moyo na mfumo wa umeme wa moyo wa Taasisi ya Moyo Jakaya Kikwete (JKCI) na wenzao kutoka Shirika la Madaktari Afrika la nchini Marekani wakimfanyia upasuaji wa tundu dogo kwa kutumia mtambo wa Cath lab mgonjwa mwenye matatizo ya mfumo wa umeme wa moyo wakati wa kambi maalum ya siku tano ya matibabu hayo. Kambi hiyo imemalizika leo ambapo jumla ya wagonjwa 20 wamefanyiwa upasuaji mdogo wa moyo

Na: JKCI
*****************************************************************************************************************

Wagonjwa 20 wenye matatizo ya mfumo wa umeme wa moyo wamefanyiwa upasuaji wa tundu dogo kwa kutumia mtambo wa Cathlab katika kambi maalum iliyofanywa na wataalam wa afya wa Taasisi ya Moyo Jakaya Kikwete (JKCI) kwa kushirikiana na wenzao kutoka Shirika la Madaktari Afrika la nchini Marekani.

Kambi hiyo ya siku tano iliyomalizika leo ililenga kuwahudumia wagonjwa wenye matatizo ya mfumo wa umeme wa moyo, kuwasaidia wataalam wa afya ambao wapo masomoni kujifunza zaidi na kuongeza wigo wa wataalam wa afya.

Akizungumzia kambi hiyo Daktari bingwa wa magonjwa ya moyo na mfumo wa umeme wa moyo wa Taasisi ya Moyo Jakaya Kikwete (JKCI) Yona Gandye alisema wagonjwa hao    20 waliofanyiwa upasuaji katika kambi hiyo walipaswa kulipa sio chini ya shilingi milioni 500, lakini kupitia wenzao wa Shirika la madaktari Afrika baadhi ya wagonjwa wamepata msamaha hivyo kutogharamia matibabu yao.

Wagonjwa tuliowafanyia upasuaji wapo ambao mapigo yao ya moyo yalikuwa yakienda chini sana (Heart block) na wengine mapigo yao ya moyo yalikuwa yanaenda haraka sana”, alisema Dkt. Gandye.

Dkt. Gandye alisema magonjwa yanayohusisha mfumo wa umeme wa moyo mara nyingi huwa na sababu mbalimbali zinazopelekea hitilafu ya utengenezaji wa mapigo ya moyo ikiwemo kuzaliwa na tatizo hilo ama kupata kutokana na kuwa na magonjwa mengine kama shinikizo la juu la damu, moyo kutanuka na kuwa na shambulio la moyo (heart attack).

“Mgonjwa anapopata tatizo la mapigo ya moyo kwenda juu au kuwa chini anakuwa katika hali ya hatari hivyo anaweza kufariki ghafla ama kuusababishia moyo kushindwa kufanya kazi”, alisema Dkt. Gandye.

Kwa upande wake Daktari kutoka Shirika la Madaktari Afrika la nchini Marekani Nitish Badhwar alisema JKCI ni moja ya Hospitali iliyowekezwa vifaa vya kisasa vya kuhudumia wagonjwa wa moyo hivyo wagonjwa wa Tanzania waitumie Hospitali hiyo vizuri kwani hakuna haja kufuata tena huduma za matibabu ya moyo nje ya nchi.

Dkt. Nitish alisema kutokana na vifaa vya matibabu ya moyo kuwa na gharama kubwa shirika la Madaktari Afrika liliamua kutuma vifaa ili kuweza kuwasaidia wagonjwa ambao hawana uwezo wa kugharamia matibabu ikiwa ni sehemu ya kutoa shukrani kwa jamii pamoja na kuokoa maisha.

“Hii ni mara yangu ya kwanza kufika Tanzania, nimefurahishwa na huduma zinazotolewa katika Taasisi hii, katika kambi hii nimepata nafasi ya kubadilishana ujuzi na madaktari wa JKCI na kuoana ni kwa kiasi gani wameendelea kwani sasa wagonjwa wa moyo watanzania hawana haja ya kutafuta matibabu nje ya nchi”, alisema Dkt. Nitish.

Naye mgonjwa aliyefanyiwa upasuaji katika kambi hiyo kutoka Mkoani Dodoma Jafari Musa alisema gharama za matibabu yake zilifika kiasi cha shilingi milioni 18 lakini kutokana na hali yake ya maisha kutokumudu kiasi hicho cha fedha uongozi wa Taasisi uliruhusu apatiwe matibabu bila gharama.

“Naishukuru Serikali ya Jamhuri ya Muungano wa Tanzania, Uongozi wa JKCI pamoja na madaktari kutoka Marekani kwa kunipatia msamaha wa matibabu kwani sasa najisikia vizuri baada ya kukaa ndani ya chumba cha upasuaji zaidi ya masaa manne madaktari wakitumia utaalam wao kuokoa maisha yangu”, alisema Jafari.

Aidha Jafari amewataka watanzania kuwa na imani na Taasisi hiyo kwani inatoa huduma bora kwa wagonjwa wa moyo, wataalamu wake huwa karibu na wagonjwa wakati wote kufuatilia hali za wagonjwa mara kwa mara.

 

Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na watendaji wakuu wa Taas
Read more