JKCI yatoa elimu ya utalii tiba katika maonesho ya Sabasaba


Mkurugenzi Mtendaji wa Taasisi ya Moyo Jakaya Kikweye (JKCI) Dkt. Peter Kisenge akimpima mapigo ya moyo kama yanadunda inavyotakiwa mkazi wa Dar es Salaam aliyefika katika banda la Taasisi hiyo kwaajili ya kufanyiwa uchunguzi wa magonjwa ya moyo wakati wa maonesho ya 47 ya Biashara ya Kimataifa ya Dar es Salaam (SABASABA).

Mkurugenzi Mtendaji wa Taasisi ya Moyo Jakaya Kikweye (JKCI) Dkt. Peter Kisenge akimpima kiwango cha oksijeni mwilini mtoto aliyefika katika banda la Taasisi hiyo kwaajili ya kufanyiwa uchunguzi wa agonjwa ya  moyo wakati wa maonesho ya 47 ya Biashara ya Kimataifa ya Dar es Salaam (SABASABA).

Daktari bingwa wa moyo wa Taasisi ya Moyo Jakaya Kikwete (JKCI) Baraka Ndelwa akiwafundisha wanafunzi wa shule ya Sekondari Tusiime jinsi ya kujikinga na magonjwa ya moyo walipotembelea banda la hilo kwaajili ya kujifunza wakati wa maonesho ya 47 ya Biashara ya Kimataifa ya Dar es Salaam (SABASABA).


Wataalam wa Taasisi ya Moyo Jakaya Kikwete (JKCI) wakiendelea kutoa huduma katika banda la Taasisi hiyo lililopo katika banda la Jakaya Kikwete kwenye maonyesho ya 47 ya Biashara ya Kimataifa ya Dar es Salaam (SABASABA).


Mkurugenzi Mtendaji wa Taasisi ya Moyo Jakaya Kikweye (JKCI) Dkt. Peter Kisenge akimpa ushauri baada ya kupima mkazi wa Dar es Salaam aliyefika katika banda la Taasisi hiyo kwaajili ya kufanyiwa uchunguzi wa magonjwa ya moyo wakati wa maonesho ya 47 ya Biashara ya Kimataifa ya Dar es Salaam (SABASABA).

Na: JKCI
****************************************************************************************************************

Taasisi ya Moyo Jakaya Kikwete (JKCI) inatoa elimu ya utalii tiba kwa wageni wanaotembelea katika banda la Taasisi hiyo ili kuihamasisha jamii kutumia huduma za tiba kama sehemu ya utalii.

Katika ketekeleza maono ya Rais wa Jamhuri ya Muungano wa Tanzania Mhe.  Dkt. Samia Suluhu Hassan Taasisi hiyo imeona ni muhimu kuelimisha umma kuhusu utalii tiba kwani JKCI inapokea wagonjwa kutoka nchi zaidi ya 20 wanaopata huduma za uchunguzi na matibabu ya moyo katika Taasisi hiyo.

Akizungumza na waandishi wa habari Mkurugenzi Mtendaji wa JKCI Dkt. Peter Kisenge alisema JKCI imeona ni muhimu katika maonesho hayo kutoa elimu ya utalii tiba kwani maonesho hayo yanahusisha wafanyabiashara kutoka nchi zaidi ya 16 hivyo ni muhimu wakafahamu wakifika  Tanzania kwa ajili ya shughuli za biashara pia wanaweza kupata huduma bora JKCI lakini pia wakatumia fursa hiyo kutembelea vivutio vilivyopo nchini.

“Watu wanaofika katika banda letu wanajionea huduma tunazozitoa na kuhamasika kutufikia pale wanapopata changamoto za afya nasi tunawaahidi kuwapa huduma bora na kwa wakati”,

“Banda letu lina madaktari bingwa wa moyo, wauguzi na wataalamu wa afya waliobobea ambao kwa pamoja wamejipanga kuhakikisha huduma bora zinatolewa kwa washiriki na watembeleaji wa maonesho haya ya 47 ya Biashara”, alisema Dkt. Kisenge.

Dkt. Kisenge alisema JKCI wakati wa maonesho ya Sabasaba imepata wananchi wengi waliofika katika banda la Taasisi hiyo kwaajili ya kufanyiwa uchunguzi na matibabu ya moyo, kupata elimu kuhusu magonjwa ya moyo, kupata elimu ya lishe kutoka kwa mtaalamu wa lishe lakini pia watu kutoka nchi mbalimbali wamefika katika banda hilo kuona huduma zinazotolewa.

Dkt. Kisenge alisema Serikali imewekeza katika Taasisi hiyo ikiwemo uwekezaji wa vifaa vya kisasa vya upasuaji mdogo na upasuaji mkubwa wa moyo hivyo kuifanya JKCI kufanana na Hospitali nyingine kubwa zinazotoa huduma ya matibabu ya moyo katika nchi kubwa duniani.

“Kutokana na uwekezaji uliopo Taasisi yetu, sasa tunatoa huduma ya premium au VIP kwa watu wanaohitaji kupata huduma binafsi na haraka wanaweza wakapata huduma hiyo hivyo kupunguza muda mrefu wa kukaa hospitali kusubiri kupata huduma”, alisema Dkt. Kisenge

Naye mkazi wa Dar es Salaam aliyefika katika banda hilo kwaajili ya kupata huduma Mlele Mrisho amewataka wananchi kutumia fursa ya kuchunguza afya zao wakati wa maonesho ya Sabasaba kwani watapata huduma kwa haraka na kwa gharama nafuu.

“Huduma nilizopota katika banda la JKCI ni nzuri na za bei nafuu tofauti na kama ningeenda hospitali, ni muhimu watu wakatumia fursa hii kupima afya zoa wakati wa maonesho ya Sabasaba”,

“Nimefanyiwa vipimo vya moyo na shinikizo la damu, nimekutwa na shinikizo la juu la damu na kupewa rufaa kufika JKCI kwa ajili ya uchunguzi zaidi, nisingepima leo nisingejijua kama nina shida ya shinikizo la juu la damu”, alisema Mrisho.

 

Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na watendaji wakuu wa Taas
Read more