JKCI wapigwa msasa wa kutambua viatarishi maeneo ya kazi

Mkufunzi kutoka Shirika la Maendeleo ya Petroli Tanzania (TPDC) CPA. Gabriel Mwero akitoa mafunzo ya namna ya kutambua viashiria mbalimbali vinavyoweza kusababisha hatari katika eneo la kazi wakati wa mafunzo hayo ya siku mbili yaliyotolewa kwa viongozi wa Taasisi ya Moyo Jakaya Kikwete (JKCI) na kumalizika hivi karibuni jijini Dar es Salaam.


Baadhi ya wajumbe wa menejimenti ya Taasisi ya Moyo Jakaya Kikwete (JKCI) wakifuatilia mada zilizokuwa zikitolewa wakati wa mafunzo ya siku mbili ya kutambua viashiria mbalimbali vinavyoweza kusababisha hatari katika eneo la kazi yaliyotolewa kwa viongozi wa Taasisi hiyo na kumalizika hivi karibuni jijini Dar es Salaam.


Baadhi ya wajumbe wa bodi ya Taasisi ya Moyo Jakaya Kikwete (JKCI) wakifuatilia mada zilizokuwa zikitolewa wakati wa mafunzo ya siku mbili ya kutambua viashiria mbalimbali vinavyoweza kusababisha hatari katika eneo la kazi yaliyotolewa kwa viongozi wa Taasisi hiyo na kumalizika hivi karibuni jijini Dar es Salaam.

**********************************************************************************************************

Taasisi za umma zimetakiwa kuzingatia miongozo inayotolewa na Serikali ikiwa ni pamoja na miongozo ya kuweka mifumo ya kubainisha viatarishi katika maeneo ya kazi.

Rai hiyo imetolewa hivi karibuni na mkufunzi wa mafunzo ya viashiria hatarishi kutoka Shirika la Maendeleo ya Petroli Tanzania CPA.Gabriel Mwero wakati wa mafunzo ya siku mbili ya kudhibiti viashiria hatarishi vinavyoweza kuathiri shughuli zinazofanywa na Taasisi ya Moyo Jakaya Kikwete (JKCI) yaliyofanyika hivi karibuni jijini Dar es Salaam.

CPA. Mwero alisema serikali kupitia wizara ya Fedha ilitoa muongozo wa kuzitaka taasisi za umma kuweka taratibu za kuwawezesha kuainisha viatarishi na kutafuta muafaka wa kuzuia viatarishi hivyo visiendelee.

“JKCI imeandaa mafunzo haya lengo likiwa kuongeza utaalamu wa namna ya kukabiliana na viashiria hatarishi kuweza kufikia malengo ya taasisi yao”, alisema  CPA. Mwero.

CPA. Mwero alisema madhara ya viatarishi yanaweza kupelekea matumizi mabaya ya fedha, kukiukwa kwa taratibu za manunuzi pamoja na kuharibu taratibu za utendaji wa kazi.

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema JKCI ni moja ya Taasisi bora inayotoa huduma za matibabu ya moyo barani Afrika hivyo ni muhimu kuweka mbinu za kukabiliana na viashiria hatarishi ili kulinda rasilimali zilizowekezwa katika taasisi hiyo.

“Sisi kama viongozi wa Taasisi tumetengeneza muongozo wetu unaoangalia viashiria vinavyoweza kuleta kasoro katika kutoa maamuzi ya kiutendaji”, alisema Dkt. Kisenge.

Dkt. Kisenge alisema kupitia mafunzo hayo viongozi wameweza kupata mbinu za kutambua viashiria hatarishi vinavyoweza kuharibu utendaji wa kazi na wakati mwingine hata kuiangusha taasisi.

Naye Mkuu wa Kitengo cha Ubora wa Huduma wa Taasisi ya Moyo Jakaya Kikwete (JKCI) Dkt. Naizihijwa Majani alisema mafunzo hayo yamelenga kuhakiksha JKCI haiwezi kusimama katika kutoa huduma zake kwa kuweka mbinu za kudhibiti viatarishi.

“Mafunzo haya ni muhimu kwani yanahakikisha  huduma hazisimami kwasababu kama tusipoweza kusimamia viatarishi tunaweza kusimamisha huduma hivyo kuathiri maisha ya wagonjwa wetu”, alisema Dkt. Naizihijwa

Dkt. Naizihijwa alisema mafunzo hayo ni mwanzo wa mafunzo mengine kwani mpango wa taasisi ni kuhakikisha kuwa kila mtumishi wa taasisi hiyo anapatiwa mafunzo ya kuweza kutambua viatarishi katika eneo la kazi.





 

Comments

Post a Comment

Popular posts from this blog

Wataalamu wa JKCI kufanya upasuaji wa moyo nchini Zambia

Image
Balozi wa Tanzania nchini Zambia Mhe. Luteni Generali Mathew Edward Mkingule akiwa katika picha ya pamoja na wataalamu wa Taasisi ya Moyo Jakaya Kikwete (JKCI) katika uwanja wa ndege wa kimataifa wa Julius Nyerere (JNIA) kabla ya wataalamu hao kuanza safari  ya  kuelekea katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto. Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upasuaji nchini Zambia. Balozi wa Tanzania nchini Zambia Mhe. Luteni  Generali Mathew  Edward  Mkingule akizungumza na wataalamu wa Taasisi ya Moyo Jakaya Kikwete (JKCI) leo katika uwanja wa ndege wa kimatifa wa Julius Nyerere  (JNIA)  kabla ya kuanza safari yao ya kwenda katika hospitali ya Taifa ya Moyo ya nchini Zambia kwaajili ya kufanya upasuaji wa moyo kwa watoto.  Shirika la Okoa Moyo wa Mtoto (Save a Child’s Heart – SACH) la nchini Israel ndilo lililowezesha kufanyika kwa kambi hiyo ya upa
Read more

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na watendaji wakuu wa Taas
Read more