Wadau wakutana kujadili Mitaala ya mafunzo ya upasuaji wa moyo

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akielezea namna JKCI na Chuo Kikuu cha Dar es Salaam (UDSM) zitakavyotoa mafunzo kwa wataalamu wa afya wakati wa kikao cha kupitia mitaala ya program za mafunzo ya upasuaji wa moyo na upasuaji wa tundu dogo mwishoni mwa wiki katika Hoteli ya Serena iliyopo jijini Dar es Salaam

Msajili kutoka Baraza la Madaktari la Tanganyika (MCT) Dkt. David Mzava akitoa maoni yake wakati wa kikao cha kupitia mitaala ya program za mafunzo ya upasuaji wa moyo na upasuaji wa tundu dogo zitakazofanywa na Taasisi ya Moyo Jakaya Kikwete (JKCI) kwa kushirikiana na Chuo Kikuu cha Dar es Salaam (UDSM) mwishoni mwa wiki katika Hoteli ya Serena iliyopo jijini Dar es Salaam

Daktari bingwa wa upasuaji wa moyo na mishipa ya damu kwa watoto wa Taasisi ya Moyo Jakaya Kikwete (JKCI) Godwin Sharau akichangia mada wakati wa kiako cha kupitia mitaala ya program za mafunzo ya upasuaji wa moyo na upasuaji wa tundu dogo zitakazofanywa na JKCI kwa kushirikiana na Chuo Kikuu cha Dar es Salaam (UDSM) mwishoni mwa wiki katika Hoteli ya Serena iliyopo jijini Dar es Salaam

Daktari bingwa wa upasuaji kutoka Chuo Kikuu cha Afya na Sayansi Shirikishi (MUHAS) Prof. Larry Akoko akichangia mada wakati wa kikao cha kupitia mitaala ya program za mafunzo ya upasuaji wa moyo na upasuaji wa tundu dogo zitakazofanywa na Taasisi ya Moyo Jakaya Kikwete (JKCI) kwa kushirikiana na Chuo Kikuu cha Dar es Salaam (UDSM) mwishoni mwa wiki katika Hoteli ya Serena iliyopo jijini Dar es Salaam

 Baadhi ya wataalamu wa afya wakisikiliza wakati wa kikao cha kupitia mitaala ya program za mafunzo ya upasuaji wa moyo na upasuaji wa tundu dogo zitakazofanywa na Taasisi ya Moyo Jakaya Kikwete (JKCI) kwa kushirikiana na Chuo Kikuu cha Dar es Salaam (UDSM) mwishoni mwa wiki katika Hoteli ya Serena iliyopo jijini Dar es Salaam

********************************************************************************************

Taasisi ya Moyo Jakaya Kikwete (JKCI) kwa kushirikiana na Chuo Kikuu cha Dar es Salaam (UDSM) wako mbioni kuanzisha kozi za upasuaji wa moyo na upasuaji wa tundu dogo ili kuweza kukabiliana na changamoto ya upungufu wa wataalamu wa upasuaji wa moyo nchini.

Hayo yamesemwa na Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge wakati wa kikao cha kujadili mitaala itakayotumika kufundishia wataalamu watakaojiunga kupata mafunzo ya kibingwa ya matibabu ya upasuaji wa moyo na upasuaji wa tundu dogo.

Dkt. Kisenge alisema Serikali ya awamu ya sita inayoongozwa na Mhe. Dkt. Samia Suluhu Hassan imewekeza mitambo mikubwa miwili katika taasisi hiyo, uwekezaji ambao unahitaji kuongeza wataalamu wanaoweza kutoa huduma za kibingwa za upasuaji wa tundu dogo.

“Programu ya mafunzo ya upasuaji wa moyo kwa kutumia tundu dogo ni programu ya kwanza kufanyika Afrika mashariki, wataalamu wa afya wasisite kujiunga kupata mafunzo haya muhimu yatakayowasaidia kwenda kuokoa maisha ya wagonjwa wetu”, alisema Dkt. Kisenge

Dkt. Kisenge alisema mafunzo hayo yatafanyika kwa kipindi cha miaka mitatu kwa wataalamu wa afya wa upasuaji wa moyo wa kufungua kifua na kipindi cha miaka miwili kwa wataalamu wa afya wa upasuaji wa moyo kupitia tundu dogo.

“Mshtuko wa ghafla wa moyo unasababishwa na mishipa ya damu kuziba ambapo tunatumi njia ya tundu dogo kumtibu mgonjwa na matibabu haya yanahitajika kufanyika ndani ya nusu saa hadi lisaa limoja mgonjwa awe amepata huduma, kupitia mafunzo haya wataalamu wataenda kuongezeka na kusambaa nchi nzima kuwasaidia wagonjwa na kupunguza vifo vya ghafla”, alisema Dkt. Kisenge

Aidha Dkt. Kisenge alisema katika ushirikiano huo waliouanzisha na chuo kikuu cha Dar es Salaam pia watatoa mafunzo kwa wauguzi wanaowahudumia wagonjwa wanaohitaji uangalizi maalumu na wagonjwa wa dharura

“Mafunzo kwa wauguzi wanaowahudumia wagonjwa wa dharura tumeyaanzisha tangu mwaka 2021 ambayo pia yamewavutia watoa huduma wengi wakiwemo kutoka nchini Rwanda na Zambia”, alisema Dkt. Kisenge

Kwa upande wake Mkuu wa ndaki ya Afya na Sayansi za Afya Chuo Kikuu cha Dar es Salaam tawi la Mbeya (UDSM) Prof. Projestine Muganyizi alisema JKCI hapa nchini ndio hospitali pekee inayotoa huduma za matibabu ya moyo hivyo UDSM ikaona ishirikiane nayo kutengeneza programu tatu za mafunzo kutatua changamoto ya wataalamu bobezi wa tiba za upasuaji wa moyo na upasuaji wa tundu dogo.

Prof. Muganyizi alisema kupitia programu hizo wamekusudia kuongeza wataalamu wabobezi wa upasuaji wa moyo na wataalamu wa kuzibua mishipa ya moyo nchini kwani uhitaji wa wataalamu hao bado ni mkubwa.

“Tumeamua kujikita katika kutoa mafunzo haya kwani mpango mkakati wa chuo chetu, UDSM dhima 2061 inatuelekeza kutatua changamoto za kiafya na zile ambazo zinahitajika zaidi kwa umma wa watanzania”, alisema Prof. Muganyizi

Prof. Muganyizi alisema kwa kushirikiana na JKCI inainda kukipa chuo kikuu cha Dar es Salaam nafasi nyingine ya kutengeneza wataalamu zaidi na kupeleka mafunzo na huduma za kibingwa za matibabu ya moyo nyanda za juu kusini.

Naye Msajili kutoka Baraza la Madaktari la Tanganyika (MCT) Dkt. David Mzava alisema ushirikiano kati ya UDSM na JKCI unaenda kuongeza juhudi ya Serikali katika kuhakikisha kuwa wataalamu wabobezi wanapatikana wakutosha na kufikisha huduma kwa wananchi kwa gharama nafuu na kwa urahisi.

“MCT imekuwa ikiangalia usalama wa wataalamu kuhakiksha kwamba mgonjwa akihudumiwa ahudumiwe katika ubora unaohitajika, hivyo kupitia programu za mafunzo zinakazofanywa na JKCI na UDSM zitaenda kuboresha huduma zaidi”, alisema Dkt. Mzava

Dkt. Mzava alisema kuwa Baraza la madaktari la Tanganyika pia limekuwa likishauri vyuo vinavyotoa mafunzo ya afya kushirikiana na hospitali kama ambavyo UDSM na JKCI inaenda kufanya kuhakikisha kuwa ubora wa wahitimu umehakikiwa na kulindwa.

Taasisi ya Moyo Jakaya Kikwete (JKCI) kwa kushirikiana na Chuo Kikuu cha Dar es Salaam (UDSM) pamoja na wadau wa sekta ya afya waungana kupitia

Hatua ya kwanza ya kupitia mitaala ya kozi hizo imefanyika mwishoni mwa wiki na kuhusisha wadau mbalimbali wa sekta ya afya ikiwemo Wizara ya afya, Viongozi wa hospitali kubwa nchini na wajumbe kutoka Baraza la Madaktari la Tanganyika (MCT).