Wakazi wa Mbeya wanufaika na huduma za uchunguzi na matibabu ya moyo

 



Daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Stella Mongella akimpima mtoto kipimo cha kuangalia jinsi moyo unavyofanya kazi wakati wa  kambi maalumu ya upimaji na matibabu ya moyo inafanywa na wataalamu wa JKCI kwa kushirikiana na Ofisi ya Mkuu wa Mkoa wa Mbeya, Hospitali ya Rufaa ya Kanda Mbeya (MZRH) na Shirika la Utangazaji Tanzania (TBC).

Watafiti wa Taasisi ya Moyo Jakaya Kikwete (JKCI) wakichukua taarifa za wananchi  waliofika  katika viwanja vya City Park Garden vilivyopo jijini Mbeya kwaajili ya kupata huduma za uchunguzi na matibabu ya moyo zinazotolewa na wataalamu wa Taasisi ya Moyo Jakaya Kikwete (JKCI) kwa kushirikiana na Ofisi ya Mkuu wa Mkoa wa Mbeya, Hospitali ya Rufaa ya Kanda Mbeya (MZRH) na Shirika la Utangazaji Tanzania (TBC).

Wakazi wa mkoa wa Mbeya wakisubiri kupata huduma za uchunguzi na matibabu ya moyo zilizokuwa zinatolewa katika kambi maalumu ya matibabu iliyofanyika katika viwanja vya City Park Garden. Huduma hiyo inatolewa na wataalamu wa Taasisi ya Moyo Jakaya Kikwete (JKCI)  kwa kushirikiana na Ofisi ya Mkuu wa Mkoa wa Mbeya, Hospitali ya Rufaa ya Kanda Mbeya (MZRH) na Shirika la Utangazaji Tanzania (TBC).

*********************************************************************************************************************************************************************************************

 WAGONJWA 360 wamehudumiwa katika siku tatu za kwanza za Kambi ya siku tano ya uchunguzi bure wa magonjwa ya Moyo inayoendelea mkoani Mbeya chini ya madaktari bingwa kutoka Taasisi ya Moyo Jakaya Kikwete (JKCI) ikishirikiana na Hospitali ya Rufaa ya Kanda Mbeya (MZRH).

Hayo yamebainishwa leo na Daktari Bingwa wa Magonjwa ya Moyo kwa watoto kutoka JKCI, Dkt. Stella Mongella alipozungumzia mwenendo wa utoaji wa huduma ya kibingwa bobezi ya magonjwa ya moyo ijulikanayo kama Tiba Mkoba ya Mhe. Dkt. Samia Suluhu Hassan akimwakilisha Mkurugenzi Mtendaji wa Taasisi hiyo, Dkt. Peter Kisenge.

Kwa mujibu wa tangu kuanza kwa kambi hiyo  Februari 17 mwaka huu kwa siku tatu za awali wagonjwa wapatao 360 wamehudumiwa kati yao wakiwemo watu wazima 340 na watoto walikuwa 20 na miongoni mwa wagonjwa hao 34 walihitaji rufaa.

Alizitaja huduma zilizotolewa kuwa ni pamoja na mteja kumuona daktari,kupimwa uzito na urefu,sukari na shinikizo la damu ambapo kwa walioonekana kuwa na viashiria vya shida ya moyo walifanyiwa pia vipimo vya ziada vya kuangalia jinsi moyo unavyofanya kazi na mfumo wa umeme wa moyo.

“Maradhi mengine ya moyo ambayo tumeyakuta yanawakabili wananchi wa hapa ni Moyo kupanuka, kuwepo na shida kwenye mishipa ya damu iliyopo kwenye moyo na shida za kwenye milango ya moyo ijulikanayo kama valvu.”, alisema Dkt.Stella.

“Kwa wale wenye shinikizo la juu la damu inaonekana pia wengi wanakuwa na shida ya kisukari. Na kisukari inafahamika ni kati ya visababishi vikubwa vya kuwa na shinikizo la juu la damu.”, aliongeza.

Alifafanua kuwa malengo ya kambi hiyo ni kuleta huduma ya kibingwa bobezi kwa wananchi,kukuza ushirikiano baina ya JKCI na watoa huduma wengine ikiwemo Hospitali ya Rufaa ya Kanda Mbeya, kuwaona wagonjwa walio na uhitaji wa kupata huduma mapema na watafiti kukusanya taarifa juu ya changamoto zinazohusiana na magonjwa ya moyo.

Akimwakilisha Mkurugenzi Mtendaji wa Hospitali ya Rufaa ya Kanda Mbeya, Dkt. Godlove Mbwanji,Daktari Bingwa wa Magonjwa ya Moyo kwa Watoto, Dkt. Gloria Mbwile aliipongeza JKCI kwa kuwashirikisha akisema kambi hiyo pamoja na kutoa huduma bure kwa wahitaji pia inawaongezea utaalamu wataalamu wa hospitali hiyo.

Kwa upande wao wanufaika wa kambi hiyo Shukrani Mginah,Rahma Omary na Noel Alfred walishukuru Taasisi hiyo kwa kuwapunguzia gharama za kusafiri umbali mrefu hadi Dar es Salaam kufuata huduma hizo.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more