Wananchi Mbeya waishukuru Serikali kuwafikishia huduma za kibingwa za matibabu ya moyo

 

Afisa Utafiti wa Taasisi ya Moyo Jakaya Kikwete (JKCI) Loveness Mfanga akichukua taarifa za mwananchi aliyefika katika viwanja vya City Park Garden vilivyopo jijini Mbeya kwaajili ya kupata huduma za uchunguzi na matibabu ya moyo zinazotolewa na wataalamu wa Taasisi ya Moyo Jakaya Kikwete (JKCI) kwa kushirikiana na Ofisi ya Mkuu wa Mkoa wa Mbeya, Hospitali ya Rufaa ya Kanda Mbeya (MZRH) na Shirika la Utangazaji Tanzania (TBC).

Daktari wa Taasisi ya Moyo Jakaya Kikwete (JKCI) Janeth Mmari akimuhudumia mwananchi aliyefika  katika viwanja vya City Park Garden vilivyopo jijini Mbeya kwaajili ya kupata huduma za uchunguzi na matibabu ya moyo zijulikanazo kwa jina la Mhe. Dkt. Samia Suluhu Hassan Outreach Services. Huduma hizo zinazotolewa na wataalamu wa JKCI kwa kushirikiana na Ofisi ya Mkuu wa Mkoa wa Mbeya, Hospitali ya Rufaa ya Kanda Mbeya (MZRH) na Shirika la Utangazaji Tanzania (TBC).

************************************************************************************************************************************************************************************************************************************

Wananchi wa mkoa wa Mbeya wameipongeza Serikali kwa kufikisha huduma za kibingwa za uchunguzi na matibabu ya moyo mkoani humo zijulikanazo kwa jina la tiba mkoba ya Mhe. Dkt. Samia Suluhu Hassan Outreach Services.

Shukrani hizo zimetolewa kwa nyakati tofauti na wananchi hao waliofika leo katika viwanja vya City Park Garden kwa ajili ya kupata huduma hizo zinazotolewa na Taasisi ya Moyo Jakaya Kikwete (JKCI) kwa kushirikiana na  Ofisi ya Mkuu wa Mkoa wa Mbeya, Hospitali ya Rufaa ya Kanda Mbeya (MZRH) na Shirika la Utangazaji Tanzania (TBC).

Moses Mwambungu kutoka Kyela alisema miaka mitatu iliyopita aliandikiwa kwenda katika Taasisi ya Moyo Jakaya Kikwete (JKCI) kufanya vipimo vya moyo lakini kutokana na uwezo wake kiuchumi kuwa mdogo alishindwa kusafiri kwenda Dar es Salaam, baada ya kusikia huduma hizo zitakuwepo mkoani Mbeya aliona atumie nafasi hiyo kupima.

“Nimefika jana kutoa Kyela nimelala katika viwanja hivi kwaajili ya kusubiri kupata huduma, nashukuru nimefanya vipimo vyote vya moyo na nimekutwa sina shida kwani miaka ya nyuma niliwahi kupima mahali nikaambiwa nina  tundu kwenye moyo”.

“Baada ya vipimo nimekutwa na shida ya presha iko juu nimeandikiwa dawa za kutumia na kuelekezwa kufanya mazoezi na kula chakula bora ili presha yangu ikae sawa”, alisema Mwambungu.

Mama Ulimbaga Mwasaga mkazi wa Mwanjela ambaye alihisi mjukuu wake anaweza kuwa na shida ya moyo kwani anakohoa sana hasa kipindi cha baridi na akaona ampeleke kwa wataalamu wa moyo ili afanyiwe vipimo.

“Baada ya kufanya vipimo wamekuta mjukuu wangu yuko sawa na hana shida yoyote ya moyo daktari amesema anatatizo la aleji amemuandikia dawa za kutumia.Ninatoa wito kwa wananchi wenzangu waje kupima afya zao kwani huduma zimewafikia mlangoni waje kupima”, alisema Mama Ulimbaga.

Kwa upande wake daktari bingwa wa magonjwa ya moyo kwa watoto wa Taasisi ya Moyo Jakaya Kikwete (JKCI) Stella Mongella alisema wataalamu wa taasisi hiyo wako katika mkoa huo kwaajili ya kutoa huduma za kibingwa za matibabu ya moyo.

“Tunatoa huduma za kibingwa kwa watoto na watu wazima huduma tunazozitoa ni tunafanya vipimo vya kuangalia sukari kwenye damu, uwiano baina ya urefu na uzito, vipimo vya kuangalia jinsi moyo unavyofanya kazi, mfumo wa umeme wa moyo na elimu ya lishe bora”, alisema Dkt. Stella.

Dkt. Stella alisema huduma hiyo inatolewa bila malipo yoyote hivyo basi aliwaomba wananchi wajitokeze kwa wingi kupima afya za mioyo yao na kupata ushauri wa kitaalamu wa matumizi sahihi ya dawa za moyo na elimu ya lishe bora.


Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more