Wataalamu wa Tehama wapimwa moyo Arusha

Fundi Sanifu wa Moyo (Cardiovascular technologist) wa Taasisi ya Moyo Jakaya Kikwete (JKCI) Sven Kamugisha akimuelezea huduma zinazotolewa na taasisi hiyo mshiriki wa mkutano wa tano wa mamlaka ya Serikali Mtandao (eGA) alipofika katika banda la taasisi hiyo kwaajili ya kupata huduma za uchunguzi wa magonjwa ya moyo katika kituo cha Mikutano cha Kimataifa cha Arusha (AICC) jijini Arusha.

Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Salehe Mwinchete akimpima kipimo cha kuangalia jinsi moyo unavyofanya kazi (Echocardiography – ECHO) mshiriki wa mkutano wa tano wa mamlaka ya Serikali Mtandao (eGA) unaofanyika katika kituo cha Mikutano cha Kimataifa cha Arusha (AICC) jijini Arusha.

Daktari bingwa wa wagonjwa wa dharura kutoka Hospitali ya Mount Meru Nullugendo Mushi akimsikiliza afisa Tehama aliyeshiriki katika mkutano wa tano wa mamlaka ya Serikali Mtandao (eGA) alipofika katika banda la Taasisi ya Moyo Jakaya Kikwete (JKCI) kwaajili ya kufanya vipimo vya moyo leo katika kituo cha Mikutano cha Kimataifa cha Arusha (AICC) jijini Arusha.

Na: JKCI

******************************************************************************************************

Wataalamu wa Taasisi ya Moyo Jakaya Kikwete (JKCI) wameweka kambi maalumu ya siku tatu ya uchunguzi na matibabu ya moyo kwa wataalamu wa Tehama.

Kambi hiyo maalumu ijulikanayo kwa jila la Mhe. Dkt. Samia Suluhu Hassan tiba Mkoba inafanyika wakati wa mkutano wa tano wa mamlaka ya Serikali Mtandao (eGA) katika kituo cha Mikutano cha Kimataifa cha Arusha (AICC) jijini Arusha.

Akizungumza na mwandishi wa habari hii leo Daktari bingwa wa magonjwa ya moyo wa Taasisi ya Moyo Jakaya Kikwete (JKCI) Salehe Mwinchete alisema mwitikio umekuwa mkubwa kwani maafisa tehama wametuma fursa hiyo kujitokeza kupima afya zao.

Dkt. Salehe alisema sambamba na kutoa huduma za uchunguzi wa magonjwa ya moyo katika kambi hiyo pia wanatoa elimu ya magonjwa hayo na namna ya kukabiliana nayo.

“JKCI imeamua kuwafikia wataalamu wa Tehama kama ambavyo imekuwa ikiwafikia wataalamu wa kada nyingine nchini lengo likiwa kujenga taifa lenye afya bora”,

“Tumekuja kuwapa huduma bobezi za uchunguzi wa magonjwa ya moyo kwa kutumia mashine zetu za kisasa zinazoweza kutambua matatizo mbalimbali ya moyo msisite kufika na kupata huduma”, alisema Dkt. Salehe

Kwa upande wake mshiriki wa mkutano huo Daud Simbeye aliwashukuru wataalamu wa JKCI kwa kufikisha huduma hizo kwa wataalamu wa Tehama kwani watu wengi hawana tabia za kufanya uchunguzi wa afya hadi pale wanapoumwa.

Daud alisema amekuwa akifanya uchunguzi wa afya yake mara kwa mara kila anapopata fursa ya kuchunguza afya hivyo akaona ni muhimu pia kutumia fursa hii ya kupima moyo wake.

“Mimi nimekuwa muumini mzuri sana wa kuchunguza afya yangu mara kwa mara, kila ninapokuta kambi za uchunguzi wa afya sisiti kupima kwani naamini kwa kufanya hivyo ninajijua zaidi na naweza kufanya maamuzi mazuri yanayoendana na afya yangu”, alisema Daud

Naye Sophia Mgaya mshiriki wa mkutano huo aliwapongeza wataalamu wanaotoa huduma kwa kuwapa elimu ya namna ya kujikinga na magonjwa ya moyo na kuwahamasisha kuwa na mtindo bora wa maisha ili waweze kuepukana na magonjwa yasiyoambukiza.

“Nimefurahi sana kufika katika Kliniki hii, nimepata huduma kwa muda wa dakika ishirikini nimefanyiwa vipimo na kumuona daktari lakini pia nimepata elimu ya lishe na namna ya kujilinda na magonjwa haya”, alisema Sophia

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more