Singida wafurahia huduma za matibabu ya moyo


Afisa Muuguzi wa Taasisi ya Moyo Jakaya Kikwete (JKCI) Hospitali ya Dar Group Fatma Joseph akimpima kiwango cha sukari kwenye damu mkazi wa Singida aliyefika katika banda la JKCI kwaajili ya kupata huduma za uchunguzi na matibabu ya moyo zinazotolewa bila malipo katika Maonesho ya Kimataifa ya Wiki ya Usalama na Afya Mahali Pa kazi yanayofanyika katika viwanja vya maonesho Mandewa mkoani Singida

Fundi sanifu wa moyo wa Taasisi ya Moyo Jakaya Kikwete (JKCI) Hospitali ya Dar Group Devotha Bertram akimpima kipimo cha kuangalia jinsi mfumo wa umeme wa moyo unavyofanya kazi (Electrocardiography – ECG) mkazi wa Singida aliyefika katika Maonesho ya Kimataifa ya Wiki ya Usalama na Afya Mahali Pa Kazi yanayofanyika katika viwanja vya maonesho Mandewa mkoani Singida.

Na: Jeremiah Ombelo

*************************************************************************************************************

Wananchi wa Mkoa wa Singida wamepongeza huduma zinazotolewa na Taasisi ya Moyo Jakaya Kikwete (JKCI) katika Maonesho ya Kimataifa ya Wiki ya Usalama na Afya Mahali pa Kazi mwaka 2025.

Maonesho hayo yanayofanyika katika viwanja vya maonesho Mandewa mkoani Singida ambapo taasisi hiyo inatoa huduma za uchunguzi na matibabu ya magonjwa ya moyo kwa wananchi bila gharama.

Wakizungumza kwa nyakati tofauti wananchi hao wameelezea furaha yao kutokana na huduma walizopata kutoka kwa wataalamu wa afya waliobobea na wenye uzoefu kuhusu Magonjwa ya Moyo.

Mwahija Doe, mmoja wa wananchi wa Singida waliotembelea banda la Taasisi hiyo, alisema huduma alizopata za kuchunguza moyo wake zimemfurahisha na kuwasihi wananchi wengine kutembelea banda hilo kupata fursa ya kupima mioyo yao.

“Nimepima shinikizo la damu (BP), sukari kwenye damu, nimefanya kipimo cha kuangalia jinsi moyo unavyofanya kazi (Echocardiography – ECHO) na nimeonana na daktari bila gharama zozote, pia nimepokelewa vizuri huduma zao ni nzuri sana”, Alisema Doe.

Kwa upande wake, Seif Mwendo ameipongeza Taasisi ya Moyo Jakaya Kikwete (JKCI) kwa namna ambavyo inatoa huduma kwa wananchi wa Singida kwa weledi na kwa upendo.

“Kwa leo ukiniuliza upande wangu, Taasisi hii wamekuwa namba moja, hii ni kutokana na jinsi walivyonipokea, kuniuliza maswali kuhusu afya yangu, kunipima kwa utaratibu na kunielewesha vizuri ”,  Alisema Mwendo.

Wananchi hao wameonesha kuridhika na kiwango cha huduma walizopatiwa kutoka kwa wataalamu wa afya wa JKCI ambao walikuwa na usikivu na kutoa elimu kwa kina kuhakikisha kila mwananchi anaondoka na uelewa sahihi wa hali ya afya yake na kuifanya jamii kuhamasika zaidi katika kufanya uchunguzi wa afya ya moyo.

Taasisi ya Moyo Jakaya Kikwete (JKCI) itaendelea kutoa huduma za vipimo na ushauri wa afya katika Maonesho ya Kimataifa ya Wiki ya Usalama na Afya Mahali pa Kazi hadi tarehe 30 Aprili mwaka huu.

Katika maonesho hayo, taasisi hiyo inatoa huduma mbalimbali za uchunguzi na matibabu ya moyo ikiwa ni pamoja na vipimo vya moyo, ushauri wa afya, pamoja na elimu kuhusu namna ya kujikinga na magonjwa ya Moyo.

Huduma hizo zimeonekana kuwa msaada mkubwa kwa wananchi wengi waliopata fursa ya kupima afya zao na kupata ushauri wa kitaalamu bila gharama yoyote.


Location: Singida, Tanzania

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more