Waandishi wa Habari watakiwa kutumia kalamu zao kuelimisha jamii magonjwa ya moyo

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi Waziri wa Afya Zanzibar Mhe. Nassor Ahmed Mazrui tuzo ya Rais wa Jamhuri ya Muungano wa Tanzania Mhe. Dkt. Samia Suluhu Hassan ya kumpongeza kwa kuwa kiongozi mwenye maono ya kuleta mabadiliko katika matibabu ya magonjwa ya moyo Afrika. Tuzo hiyo imetolewa jana wakati wa kufunga mkutano wa siku tatu wa kimataifa wa magonjwa ya moyo uliofanyika Sea Clif & Spa Zanzibar

Waziri wa Afya Serikali ya Mapinduzi Zanzibar Mhe. Dkt. Nassor Ahmed Mazrui akifundishwa jinsi ya kutoa huduma ya kuokoa maisha wakati wa kufunga mkutano wa tatu wa kimataifa wa magonjwa ya moyo ulioandaliwa na Taasisi ya Moyo Jakaya Kikwete (JKCI) na kumalizika jana katika Hoteli ya Sea Clif & Spa Zanzibar.

Waziri wa Afya Serikali ya Mapinduzi Zanzibar Mhe. Dkt. Nassor Ahmed Mazrui akizungumza na Daktari bingwa wa magonjwa ya moyo kutoka Shirika la Madaktari Afrika lililopo nchini Marekani Mazen Albaghdadi wakati wa kufunga mkutano wa tatu wa kimataifa wa magonjwa ya moyo ulioandaliwa na Taasisi ya Moyo Jakaya Kikwete (JKCI) na kumalizika jana katika Hoteli ya Sea Clif & Spa Zanzibar.

Waziri wa Afya Serikali ya Mapinduzi Zanzibar Mhe. Dkt. Nassor Ahmed Mazrui akimpatia cheti cha kudhamini mkutano wa tatu wa kimataifa wa magonjwa ya moyo ulioandaliwa na Taasisi ya Moyo Jakaya Kikwete (JKCI) Naibu Mkurugenzi Mtendaji Hospitali ya Moyo Uganda Dkt. Peter Lwabi wakati wa kufunga mkutano huo jana katika Hoteli ya Sea Clif & Spa Zanzibar.

Waziri wa Afya Serikali ya Mapinduzi Zanzibar Mhe. Dkt. Nassor Ahmed Mazrui akiwapatia cheti cha kudhamini mkutano wa tatu wa kimataifa wa magonjwa ya moyo ulioandaliwa na Taasisi ya Moyo Jakaya Kikwete (JKCI) wataalamu kutoka kampuni ya uingizaji na usambazaji wa vifaa tiba Novomed wakati wa kufunga mkutano huo jana katika Hoteli ya Sea Clif & Spa Zanzibar.

Waziri wa Afya Serikali ya Mapinduzi Zanzibar Mhe. Dkt. Nassor Ahmed Mazrui akizungumza na washiriki wa mkutano wa tatu wa kimataifa wa magonjwa ya moyo ulioandaliwa na Taasisi ya Moyo Jakaya Kikwete (JKCI) wakati wa kufunga mkutano huo jana katika Hoteli ya Sea Clif & Spa Zanzibar.

Waziri wa Afya Serikali ya Mapinduzi Zanzibar Mhe. Dkt. Nassor Ahmed akiwa katika picha ya pamoja na wataalamu walioandaa maandiko ya magonjwa ya moyo wakati wa kufunga mkutano wa tatu wa kimataifa wa magonjwa ya moyo ulioandaliwa na Taasisi ya Moyo Jakaya Kikwete (JKCI) jana katika Hoteli ya Sea Clif & Spa Zanzibar.

Na: JKCI

*************************************************************************************************

Waandishi wa Habari watakiwa kutumia kalamu zao kusambaza habari za kuwataka wananchi kuzingatia ushauri wa wataalamu wa afya hasa katika masuala ya lishe, mtindo bora wa maisha, na kuepuka tabia bwete zinazoweza kusababisha magonjwa ya moyo.

Rai hiyo imetolewa jana na Waziri wa Afya Serikali ya Mapinduzi Zanzibar Mhe. Dkt. Nassor Ahmed Mazrui wakati wa kufunga mkutano wa tatu wa kimataifa wa magonjwa ya moyo uliokuwa ukifanyika katika Hoteli ya Sea Clif & Spa Zanzibar.

Mhe. Dkt. Nassor alisema waandishi wa habari wakitumia vizuri kalamu zao zitasaidia kupunguza magonjwa ya moyo nchini kwani magonjwa hayo ni changamoto isiyo na mipaka hivyo ni wajibu wao kushirikiana na sekta ya afya kuhakikisha nchi inapambana na tatizo hilo na kuokoa maisha.

“Magonjwa ya moyo ni janga linaloweza kudhibitiwa kupitia elimu, uelewa, na ushirikiano wa kimataifa, kwa maana hiyo mkutano huo utawawezesha wadau kubadilishana uzoefu katika kupambana na magonjwa yanayotishia maisha ya watu wengi duniani”, alisema Mhe. Dkt. Nassor

Mhe. Dkt. Nassor alisema mkutano huo wa kipekee umeweza kuwakutanisha wataalamu wa afya kutoka maeneo mbalimbali duniani kujadili kwa pamoja namna ya kukuza ushirikiano katika mapambano dhidi ya magonjwa ya moyo, hivyo na waandishi wa habari wakisaidia jamii itakuwa katika nafasi nzuri ya kuyaepuka magonjwa ya moyo.

 “Bado kuna kazi kubwa yakufanya ili kufikia malengo ya maendeleo endelevu ifikapo mwaka 2030 kwani matokeo yanaonesha kumekuwa na changamoto ya watu kutozingatia matibabu, mfano mtu mmoja kati ya watano upande wa wagonjwa wa shinikizo la damu utumia dawa wanne wanaobaki hawatumii dawa”, alisema Mhe. Dkt. Nassor

Aidha Mhe. Dkt. Nassor ametoa wito kwa washiriki wa mkutano huo kuendelea kushirikiana kwa karibu katika kuendeleza tafiti, kuboresha matibabu na kuihamasisha jamii kuhusu umuhimu wa kujikinga na magonjwa yasiyoambukiza yakiwemo ya moyo.

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema mbali na kuboresha huduma za matibabu ya moyo mkutano huu pia umelenga katika mkakati wa kutekeleza tiba utalii nchini Tanzania kwani dunia nzima imeona na kujenga imani juu ya uwezo wa JKCI katika kutoa huduma ususani matibabu ya moyo.

Dkt. Kisenge alisema mkutano huo umeudhuriwa na  mataifa 25 ikiwemo Kenya, Uganda, Malawi, Zambia, Rwanda, Amerika, Chile, Korea, China, Israel, Poland, Afrika Kusini, Misri, Italy, Tunisia, Zimbambwe, Ujerumani, India na Uingereza.

Aliongeza kuwa kupitia mkutano huo wakuu wa Hospitali za moyo kutoka nchi za Afrika wameweza kukutanishwa ikiwemo hospitali za moyo za Zambia, Rwanda na Uganda.

“Wakuu wa taasisi mbalimbali za kimataifa zinazojihusisha na matibabu ya moyo nao wameshiriki nasi ikiwemo Shirika la Save a Child Hearts la nchini Israel Shirika la Madaktari Afrika la nchini Marekani, Chama cha wataalamu wa moyo kutoka bara la Amerika, pamoja na Maabara ya Chuo Kikuu cha Philips kilichopo nchini Ujerumani”,

“Lengo la kukutana kwa wakuu wa taasisi ni pamoja na kuangalia namna ya kuboresha na kuimarisha huduma za matibabu ya moyo kupitia njia ya ushirikiano”, alisema Dkt. Kisenge

Naye Mkurugenzi Mtendaji Hospitali ya Benjamin Mkapa Prof. Abel Makubi aliupongeza uongozi wa Taasisi ya Moyo Jakaya Kikwete (JKCI) kwa kutokuwa na ubinafsi katika kushirikiana na wadau wengine kubadilisha ujuzi katika masuala ya magonjwa ya moyo.

Prof. Makubi alisema taasisi nyingine za afya ni sehemu ya mafanikio ya Taasisi ya Moyo Jakaya Kikwete na taasisi hizo zipo tayari kuendelea kushirikiana nao kwani wanapaswa kufanya kazi kwa pamoja hasa upande wa kinga na namna ya kukabiliana na magonjwa hayo.

“Hospitali ya Benjamini Mkapa imekuwa ikifanya kazi pamoja na JKCI katika kuboresha huduma za magonjwa ya moyo, na tutaendelea kushirikiana nao”, alisema Prof. Abel Makubi

Mkutano wa tatu wa kimataifa wa magonjwa ya moyo wenye kauli mbiu  “kuimarisha huduma za moyo barani Afrika kupitia jitihada za pamoja” umefanyika kwa siku tatu na kumalizika jana kwa kuwakutanisha wataalamu wa magonjwa ya moyo 424 kutoka nchi 25 ambapo kati yao wataalamu 107 wametoka nje ya nchi na wataalamu 317 kutoka hospitali mbalimbali nchini.


 

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more