JKCI yapata tuzo utoaji huduma bora za Afya 2025 ngazi ya hospitali maalum na Taifa

Waziri wa Afya Mhe. Jenista Mhagama akimkabidhi tuzo ya mshindi wa utoaji wa huduma bora za Afya mwaka 2025 kundi la Hospitali maalumu na Taifa Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge wakati wa maadhimisho ya wiki ya Afya Kitaifa iliyohitimishwa leo jijini Dodoma.



Waziri wa Afya Mhe. Jenista Mhagama akizungumza na mtoto Naima Kasiki aliyewahi kufanyiwa upasuaji wa moyo katika Taasisi ya Moyo Jakaya Kikwete (JKCI) alipotembelea banda la Taasisi hiyo wakati wa maadhimisho ya wiki ya Afya Kitaifa yaliyohitimishwa leo jijini Dodoma


Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuelezea Waziri wa Afya huduma za utalii tiba zinazofanywa na Taasisi hiyo alipotembelea banda la JKCI wakati wa maadhimisho ya wiki ya Afya Kitaifa yaliyohitimishwa leo jijini Dodoma

Wananchi wa mkoa wa Dodoma wakipata elimu kuhusu magonjwa ya moyo kutoka kwa wataalamu wa Taasisi ya Moyo Jakaya Kikwete (JKCI) walipotembelea banda la Taasisi hiyo wakati wa maadhimisho ya wiki ya Afya Kitaifa yaliyohitimishwa leo jijini Dodoma

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na baadhi ya viongozi wakati wa maadhimisho ya wiki ya Afya Kitaifa iliyomalizika leo jijini Dodoma

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa katika picha ya pamoja na mtoto Naima Kasiki aliyewahi kufanyiwa upasuaji wa moyo akiwa na miezi nane katika Taasisi hiyo pamoja na pacha wake Neyman Kasiki (Kulia) walipotembelea banda la JKCI wakati wa maadhimisho ya wiki ya Afya Kitaifa leo jijini Dodoma

Na: JKCI

***********************************************************************************************

Taasisi ya Moyo Jakaya Kikwete (JKCI) imepata tuzo ya ushindi wa utoaji wa huduma bora za afya kwa mwaka 2025 katika kundi la Hospitali maalum na Taifa.

Tuzo hiyo imetolewa leo na Waziri wa Afya Mhe. Jenista Mhagama wakati wa kufunga maadhimisho ya wiki ya Afya Kitaifa yaliyokuwa yakifanyika katika Kituo cha Mikutano cha Jakaya Kikwete kilichopo jijini Dodoma.

Akitoa tuzo hiyo Mhe. Jenista ameipongeza Taasisi hiyo kwa kuzingatia usafi wa maeneo ya kazi, utoaji wa huduma bingwa na bobezi, pamoja na utoaji wa huduma bora kwa wateja (customer care services).

“Taasisi hii imezingatia usafi wa mazingira na usalama kwa wagonjwa wanaowahudumia, nawapongeza sana kwa kazi nzuri mnayoifanya”, alisema Mhe. Jenista

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema JKCI itaendelea kuboresha huduma inazozitoa huku ikiendelea kufikisha huduma hizo kwa wananchi waliopo mikoani kupitia kambi maalumu ya Mhe. Dkt. Samia Suluhu Hassan Outreach Services.

“Tunaishukuru Serikali ya awamu ya sita kwa kuendelea kuwekeza vifaa tiba vya kisasa katika Taasisi yetu na kuifanya taasisi hii kuwa kituo cha ubora Afrika Mashariki na kati katika kutoa huduma za kibingwa za uchunguzi na matibabu ya moyo”, alisema Dkt. Kisenge

Naye mkazi wa Dodoma Grace Ringo ameipongeza Taasisi hiyo kwa kutoa huduma bora kwa wagonjwa na kuokoa maisha ya watoto wanaohitaji matibabu ya moyo.

“Taasisi hii iliweza kuokoa maisha ya mtoto wangu aliyekuwa na matundu mawili kwenye moyo wake, walimfanyia upasuaji wa kuziba matundu hayo mwaka 2014 akiwa na miezi nane na sasa ana miaka 11 na afya yake ipo vizuri kabisa”, alisema Grace

Aidha Grace amemshukuru Rais wa Jamhuri ya Muungano wa Tanzania Mhe. Samia Suluhu Hassan kwa kuiwezesha Taasisi hiyo na kuweza kusaidi watoto kama ambavyo wakwake alisaidiwa.

 

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Maabara ya JKCI yapata ithibati ya kimataifa (ISO 15189:2012)

Image
 Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge  akizunguma na waandishi wa habari leo jijini Dar es Salaam kuhusu maabara ya Taasisi hiyo kupata  ithibati ya viwango vya ubora wa kimataifa (ISO 15189:2012) katika kutoa huduma za vipimo vya magonjwa ya moyo pamoja na magonjwa mengine.Kulia ni Mkuu wa Kitengo cha Uhusiano na Mawasiliano wa JKCI Anna Nkinda. Kaimu Mkuu wa Maabara ya Taasisi ya Moyo Jakaya Kikwete (JKCI) Emmanuel Mgao akizungumza na waandishi wa habari leo jijini Dar es Salaam kuhusu maabara hiyo kukidhi vigezo vilivyowekwa kimataifa katika kutoa huduma na kupata  ithibati yenye namba ISO 15189:2012 . Wafanyakazi wa Maabara ya Taasisi ya Moyo Jakaya Kikwete (JKCI) wakimsikiliza Mkurugenzi Mtendaji wa Taasisi hiyo Dkt. Peter Kisenge  wakati akizunguma na waandishi wa habari leo jijini Dar es Salaam kuhusu maabara hiyo kupata  ithibati ya viwango vya ubora wa kimataifa (ISO 15189:2012) katika kutoa hudu...
Read more