JKCI na NCT wasaini hati ya makubaliona kuimarisha utalii tiba nchini

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge pamoja na Mkuu wa Chuo cha Taifa cha Utalii (NCT) Dkt. Florian Mtey wakionesha hati ya makubaliano ya ushirikiano kati ya JKCI na NCT katika kuhakikisha utalii ndani ya Tanzania unakua salama leo wakati wa hafla fupi ya kusaini hati iliyofanyika katika ukumbi wa JKCI iliyopo jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akibadilishana hati ya makubaliano ya ushirikiano katika kuhakikisha utalii ndani ya Tanzania unakua salama na Mkuu wa Chuo cha Taifa cha Utalii (NCT) Dkt. Florian Mtey wakati wa hafla fupi ya kusaini hati hiyo iliyofanyika leo katika ukumbi wa JKCI iliyopo jijini Dar es Salaam.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge pamoja na Mkuu wa Chuo cha Taifa cha Utalii (NCT) Dkt. Florian Mtey wakisaini hati ya makubaliano ya ushirikiano kati ya JKCI na NCT katika kuhakikisha utalii ndani ya Tanzania unakua salama wakati wa hafla fupi ya kusaini hati iliyofanyika jana katika ukumbi wa JKCI iliyopo jijini Dar es Salaam.

******************************************************************************************************************

Taasisi ya Moyo Jakaya Kikwete (JKCI) imesaini hati ya makubaliano ya ushirikiano na Chuo cha Taifa cha Utalii (NCT) kuimarisha ushirikiano na kuhakikisha utalii ndani ya Tanzania unakua salama katika eneo la afya na kuchochea tiba utalili nchini.

Hati hiyo imesainiwa leo jijini Dar es Salaam katika kutafsiri maono ya Rais Mhe. Dkt. Samia Suluhu Hassan kuwekeza katika nyanja ya afya na utalii kutengeneza mazingira ya kidoplomasia na nchi nyingine duniani.

Akizungumza mara baada ya kusaini hati hiyo Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge alisema kupitia hati hiyo JKCI na NCT watashirikiana kutoa mafunzo kwa waongoza utalii kwa kuhusisha mafunzo ya awali ya uokoaji wa maisha yatakayowasaidia waongoza watalii kuokoa maisha ya watalii pale inapotokea changamoto.

Dkt. Kisenge alisema pia watashirikiana katika kuimarisha huduma kwa mteja hususani katika Taasisi ya Moyo Jakaya Kikwete (JKCI) ambayo kwa sasa inalenga kukuza utalii tiba kwa kuwatumia vijana wanaochukua kozi za ukarimu “customer care” kujifunza kwa vitendo na nadharia katika Taasisi hiyo.

“JKCI na NCT tunaenda kufanya ushirikiano katika kufanya tafiti na kutoa maandiko yanayohusu utalii tiba nchini ambayo kwa sasa ni ajenda ya nchi, tafiti hizi zitasaidia kutengeneza mipango endelevu katika kuchochea tiba utalii nchini”, alisema Dkt. Kisenge

Kwa upande wake Mkuu wa Chuo cha Taifa cha Utalii (NCT) Dkt. Florian Mtey alisema lengo la makubaliano kati ya JKCI na NCT ni pamoja na kuendesha program za kuwafikia watalii na jamii kuhusu msaada wa kiafya.

Dkt. Mtey aliongeza kuwa makubaliano ya ushirikiano huo ni nyenzo ya kufanikisha na kuimarisha ubora wa huduma katika taasisi hizo mbili.

“Lengo la Serikali ni kufikia watalii milioni 5 na mapato ya Dola za Marekani bilioni 6 ifikapo mwaka 2025, na eneo hili la watalii wanaokuja kwaajili ya matibabu ni muhimu pia katika kufikia idadi hiyo”, alisema Dkt. Mtey

Ushirikiano kati ya Taasisi ya Moyo Jakaya Kikwete (JKCI) na Chuo cha Taifa cha Utalii ni kielelezo cha dhamira ya pamoja ya kuboresha huduma na mafunzo katika sekta ya utalii na afya.

 

Comments

Post a Comment

Popular posts from this blog

JKCI na AICC Hospitali kutoa huduma za uchunguzi na matibabu ya moyo katika kikao kazi cha wenyeviti na watendaji wakuu wa Taasisi za Umma

Image
Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Mkurugenzi wa Upasuaji wa Taasisi ya Moyo Jakaya Kikwete (JKCI) Dkt. Angela Muhozya akizungumza na waandishi wa habari leo jijini Arusha kuhusu wataalamu wa Taasisi hiyo na wenzao wa hospitali ya AICC Arusha kutoa huduma za ushauri, upimaji na matibabu ya magonjwa ya moyo kwa wenyeviti na watendaji wakuu wa taasisi za umma watakaoshiriki kikao kazi kitakachofanyika jijini humo. Kikao kazi hicho cha siku tatu kimeandaliwa na ofisi ya Msajili wa Hazina. Kaimu Mkurugenzi wa Hospitali ya AICC Arusha Dkt. Ezekiel Moirana akizungumza na w...
Read more

JKCI yapata tuzo ya taasisi ambayo imetoa mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024

Image
Rais wa Jamhuri ya Muungano wa Tanzania Mhe. Dkt. Samia Suluhu Hassan akimkabidhi Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024 tuzo hiyo ameitoa wakati  akifungua kikao kazi cha wenyeviti wa bodi na watendaji wakuu wa Taasisi za umma kinachofanyika jijini Arusha. Kulia ni Kaimu Mkurugenzi wa JKCI Dkt. Angela Muhozya. Rais wa Jamhuri ya Muungano wa Tanzania Mhe. Dkt. Samia Suluhu Hassan akizungumza na Kaimu Mwenyekiti wa Bodi ya Wadhamini ya Taasisi ya Moyo Jakaya Kikwete (JKCI) Asha Izina na Kaimu Mkurugenzi wa Taasisi hiyo Dkt. Angela Muhozya kabla ya kuwakabidhi  tuzo ya taasisi ambayo imetoa  mchango wa kipekee kiuchumi na kijamii katika kuleta matokeo makubwa kwa kipindi cha mwaka 2023/2024. Tuzo hiyo imetolewa leo jiji Arusha wakati wa ufunguzi wa kikao kazi cha wenyeviti wa bodi na wate...
Read more

Wafanyakazi waliohama JKCI waagwa

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Mhasibu wa Taasisi hiyo Mohamed Songoro wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimuaga aliyekuwa Katibu Muhtasi wa Taasisi hiyo Faith Temba wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Aliyekuwa Mfamasia wa Taasisi ya Moyo Jakaya Kikwete (JKCI) Nelson Faustine akitoa neno la shukrani mara baada ya kuhamishiwa katika Hospitali ya Taifa Muhimbili (MNH) wakati wa hafla fupi ya kuwaaga wafanyakazi wa JKCI waliopata uhamisho kwenda katika taasisi mbalimbali za umma leo jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akizungumza na wafanyakazi wa taasisi hiyo waliopata uham...
Read more