Shilingi milioni 30 zatoa tumaini kwa watoto wenye magonjwa ya Moyo

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akipokea hundi ya Shilingi milioni 30 kutoka kwa viongozi wanawake wanaoshiriki mafunzo ya Female Future Program msimu 11 yanayotolewa na Chama cha Waajiri Tanzania (ATE) walipotembelea Taasisi hiyo jana na kukabidhi mchango huo.

Mtendaji Mkuu wa Taasisi isiyo ya Kiserikali ya Heart Team Africa Foundation (HTAF) Dkt. Naizihijwa Majani akizungumza na viongozi wanawake wanaoshiriki mafunzo ya Female Future Program msimu 11 yanayotolewa na Chama cha Waajiri Tanzania (ATE) walipotembelea Taasisi ya Moyo Jakaya Kikwete (JKCI) jana kwaajili ya kuchangia matibabu ya watoto wenye magonjwa ya moyo wanaotibiwa na JKCI.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwashukuru viongozi wanawake wanaoshiriki mafunzo ya Female Future Program msimu 11 yanayotolewa na Chama cha Waajiri Tanzania (ATE)  mara baada ya kuchangia kiasi cha shilingi milioni 30 kwaajili ya matibabu ya watoto wenye magonjwa ya moyo wanaotibiwa na Taasisi hiyo.


Mwakilishi wa Marais wa madarasa saba mafunzo ya kuwajengea uwezo wanawake msimu wa 11 yanayotolewa na Chama cha Waajiri Tanzania (ATE) Mhandisi Ester Christopher akielezea namna ambavyo wanawake hao waliguswa kuchangia matibabu ya watoto wenye magonjwa ya moyo wakati wa hafla fupi ya kukabidhi mchango wa shilingi milioni 30 iliyofanyika jana katika Taasisi ya Moyo Jakaya Kikwete (JKCI).

Mtendaji Mkuu wa Taasisi isiyo ya Kiserikali ya Heart Team Africa Foundation (HTAF) Dkt. Naizihijwa Majani akiwaonesha jengo la wodi ya watoto wenye magonjwa ya moyo viongozi wanawake wanaoshiriki mafunzo ya Female Future Program msimu 11 yanayotolewa na Chama cha Waajiri Tanzania (ATE)  walipotembelea Taasisi ya Moyo Jakaya Kikwete jana kwaajili ya kuchangia shilingi milioni 30 kwaajili ya watoto wenye magonjwa ya moyo.

Afisa Uuguzi wa Taasisi ya Moyo Jakaya Kikwete (JKCI) Luciana Myumbilwa akiwaelezea huduma zinazotolewa katika wodi ya watoto wanaohitaji uangalizi maalumu (PICU) viongozi wanawake wanaoshiriki mafunzo ya Female Future Program msimu 11 yanayotolewa na Chama cha Waajiri Tanzania (ATE) walipotembelea Taasisi hiyo jana kwaajili ya kuchangia shilingi milioni 30 matibabu ya watoto wenye magonjwa ya moyo.

Afisa Uuguzi wa Taasisi ya Moyo Jakaya Kikwete (JKCI) Magreth Mbarook akiwaelezea huduma zinazotolewa katika wodi ya watoto wenye magonjwa ya moyo viongozi wanawake wanaoshiriki mafunzo ya Female Future Program msimu 11 yanayotolewa na Chama cha Waajiri Tanzania (ATE) walipotembelea Taasisi hiyo jana kwaajili ya kuchangia shilingi milioni 30 matibabu ya watoto wenye magonjwa ya moyo.

Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akiwa katika picha ya pamoja na viongozi wa Taasisi isiyo ya Kiserikali ya Heart Team Africa Foundation (HTAF) na viongozi wanawake wanaoshiriki mafunzo ya Female Future Program msimu 11 yanayotolewa na Chama cha Waajiri Tanzania (ATE) walipotembelea Taasisi hiyo jana kwaajili ya kuchangia shilingi milioni 30 matibabu ya watoto wenye magonjwa ya moyo wanaotibiwa JKCI.

Na JKCI

****************************************************************************************************

Wanawake wanaoshiriki mafunzo ya Female Future Program msimu wa 11, yanayotolewa na Chama cha Waajiri Tanzania (ATE) wamechangia shilingi milioni 30 kusaidia matibabu ya moyo kwa watoto wanaotibiwa katika  Taasisi ya Moyo Jakaya Kikwete (JKCI).

Fedha hizo zitagharamia upasuaji wa moyo kwa watoto saba wanaotoka katika familia zenye uwezo mdogo kiuchumi ambazo hazina uwezo wa  kulipia matibabu, na kurejesha tumaini la maisha bora kwa watoto hao.

Akizungumza wakati wa hafla fupi ya kupokea mchango huo  iliyofanyika jana jijini Dar es Salaam Mkurugenzi Mtendaji wa JKCI, Dkt. Peter Kisenge alithamini mchango wa wanawake wa Female Future Program na kuulinganisha na mchango wa wanawake wa JKCI waliopo mstari wa mbele katika kutoa huduma kwa wagonjwa wa moyo na kuokoa maisha yao.

"Mmefanya jambo la kipekee kufika hapa JKCI kuona jinsi wanawake wenzenu wanavyotoa mchango mkubwa katika kuokoa maisha ya wagonjwa na kushiriki katika shughuli mbalimbali za kijamii zinazowanufaisha wagonjwa wetu”, alisema Dkt. Kisenge

Dkt. Kisenge alisema JKCI inaikomboa Afrika katika masuala ya moyo kwani ni Taasisi pekee inayofanya kambi maalumu nyingi za uchunguzi na matibabu ya moyo ambazo zimekuwa zikiwaibua wagonjwa wa moyo katika bara la Africa.

“Bado uhitaji ni mkubwa ni lazima sisi tujiongeze kuhakikisha tunaisaidia serikali yetu ili kila mtoto anayezaliwa na changamoto za magonjwa ya moyo asikose huduma”, alisema Dkt. Kisenge.

Mtendaji Mkuu wa Taasisi isiyo ya kiserikali ya Heart Team Africa Foundation (HTAF) ambayo imekuwa ikitafuta fedha kutoka kwa wadau mbalimbali kwaajili ya kulipia gharama za matibabu ya moyo kwa watoto wasio na uwezo wanaotibiwa JKCI, Dkt. Naizihijwa Majani alisema matibabu ya moyo ni ya gharama kubwa hivyo inabidi baadhi ya gharama ziende kwa wananchi lakini kutokana na hali ya kiuchumi ilivyo wananchi wengi wanashindwa kuzimudu gharama hizo.

 “Baada ya kuanzishwa kwa HTAF stori imekuwa tofauti kwa wagonjwa wasiokuwa na uwezo wa kulipia gharama za matibabu kwani wengi wameweza kunufaika kupitia HTAF. Mwaka 2025 HTAF kupitia hafla ya chakula cha usiku iliweza kuchangisha shilingi bilioni 2.9 fedha  ambazo zimesaidia  upasuaji wa moyo kwa watoto 303”.

“Mchango mliotupa ni mkubwa, mmetoa kwenye mifuko yenu na kuweka katika kikapu kimoja kusaidia watoto wetu, kwa niaba ya watoto wote watakaonufaika kupitia mchango wenu tunawashukuru sana”, alisema Dkt. Naizihijwa.

Naye Mwakilishi wa wanawake washiriki wa Female Future Program, Mhandisi Ester Christopher alisema wameungana kama wanawake viongozi kuhakikisha wanarejesha tumaini kwa watoto wenye magonjwa ya moyo, wanafurahi kuona  mchango wao  wa shilingi milioni 30 utasaidia upasuaji wa watoto saba.

Mhandisi Ester alisema wanawake hao ambao ni viongozi kutoka katika Taasisi mbalimblai walipambana na kuungana kwa pamoja kuhakikisha wanachangia kuokoa maisha ya watoto wenye magonjwa ya moyo wanaotibiwa JKCI.

“Tunaupongeza uongozi wa HTAF kwa kazi kubwa wanayoifanya ya kuwa daraja la kuhakikisha watoto wanapata matibabu lakini pia tunaupongeza uongozi wa JKCI na wataalamu wake kwa kazi kubwa wanayoifanya ya kuokoa maisha na kurejesha tumaini kwa wagonjwa wa moyo”, alisema Mhandisi Ester.

 Kwa upande wake Afisa Mtendaji Mkuu wa Chama cha Waajiri Tanzania (ATE) Suzanne Ndomba-Doran alisema viongozi hao hawajamuangusha kwani wametekeleza kwa vitendo somo la uwajibikaji walilojifunza wakati wa mafunzo yao.

“Katika kurudisha kwa jamii viongozi wanawake ambao ni washiriki wa mafunzo ya Female Future Program msimu 11 wameweza kufika hapa na kutoa mchango wao, tunaomba kwa unyenyekevu mkubwa mpokee mchango wetu ambao tunaamini utaweza kusaidia na kuokoa maisha”, alisema Suzanne 

 

Comments

Post a Comment

Popular posts from this blog

JKCI na Burkina Faso zasaini makubaliano ya ushirikiano katika kutoa tiba ya magonjwa ya moyo

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakisaini hati ya makubaliano ya ushirikiano katika kutoa huduma bobezi za matibabu  ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakibadilishana hati ya makubaliano ya ushirikiano katika kutoa huduma bobezi za matibabu ya moyo jana jijini Dar es Salaam. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore wakionesha hati ya makubaliano ya ushirikiano katika kutoa huduma bobezi za matibabu ya moyo mara baada ya kuisaini jana jijini Dar es Salaam.  Mkurugenzi Mtendaji wa Taasisi ya Moyo Jakaya Kikwete (JKCI) Dkt. Pe...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more