UFAFANUZI KUHUSU TAARIFA ZA MGONJWA ZINAZOSAMBAA MTANDAONI


Taasisi ya Moyo Jakaya Kikwete (JKCI) inapenda kutoa ufafanuzi kuhusu taarifa za mgonjwa zinazosambaa mtandaoni kuhusu matibabu aliyokuwa akipatiwa katika Taasisi yetu. 

Mgonjwa huyo alipokelewa JKCI tarehe 25 Mei 2026 akiwa na matatizo makubwa ya moyo yaliyosababisha moyo kushindwa kufanya kazi kama inavyotakiwa. Mara baada ya kulazwa, alipatiwa matibabu ya kina kwa lengo la kuimarisha hali yake ili aweze kuendelea na hatua nyingine za matibabu ikiwemo upasuaji wa moyo. Katika kipindi cha matibabu jopo la wataalamu wakiwemo madaktari bingwa wa upasuaji wa moyo walikutana na mgonjwa pamoja na ndugu zake kuwaeleza kwa kina hali ya mgonjwa na hatari zilizokuwepo. 

Wataalamu walieleza kuwa kufanya upasuaji katika kipindi hicho kungeweza kuhatarisha zaidi maisha yake kutokana na hali yake kuwa dhaifu hivyo ilikubaliwa aendelee na matibabu ya kuimarisha afya yake. Licha ya juhudi kubwa zilizofanywa na wataalamu wetu na matibabu yote aliyokuwa akipatiwa hali ya mgonjwa iliendelea kutoimarika kutokana na changamoto za kiafya alizokuwa nazo hivyo kutotakiwa kufanyiwa upasuaji wa moyo. 

JKCI inasisitiza kuwa mgonjwa alipatiwa huduma stahiki kwa mujibu wa miongozo ya kitaalamu na familia yake iliendelea kupewa taarifa kuhusu maendeleo ya hali yake katika kipindi chote cha matibabu. 

Taarifa zote muhimu kuhusu hali ya mgonjwa zilishirikishwa kwa ndugu wa mgonjwa kwa uwazi. Taasisi inasikitishwa na upotoshaji unaodai kuwa mgonjwa hakupatiwa huduma zinazostahili, tunaendelea kusisitiza dhamira yetu ya kutoa huduma bora za matibabu kwa weledi, uwazi na kuzingatia maadili ya taaluma ya afya. 

 “Afya ya Moyo Wako ni Jukumu Letu” 

 Imetolewa na: 

 Genofeva Matemu 

 Kaimu Mkuu wa Kitengo cha Uhusiano na Mawasiliano 

 Taasisi ya Moyo Jakaya Kikwete

Comments

Post a Comment

Popular posts from this blog

Kutoka miaka 22 hadi kustaafu: Safari ya Lemmah yatoa somo kwa Watumishi wa Umma

Image
Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi mfano wa hundi ya zawadi ya kustaafu  aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI, Ghati Chacha. Mkurugenzi Mtendaji wa Taasisi ya Moyo Jakaya Kikwete (JKCI) Dkt. Peter Kisenge akimkabidhi tuzo ya shukrani kutokana na mchango wake alioutoa katika taasisi hiyo aliyekuwa Mkuu wa Kitengo cha Ununuzi na Ugavi JKCI Dar Group Iddi Lemmah ambaye amestaafu kwa mujibu wa sheria wakati wa hafla fupi ya kumuaga iliyofanyika jana katika ukumbi wa Taasisi ya hiyo iliyopo jijini Dar es Salaam. Kushoto ni Mkurugenzi wa Utawala na Rasiliamali Watu wa JKCI  Ghati Chacha. Mkurugenzi wa Utawala na Rasiliamali Watu wa Taasisi ya Moyo Jakaya Kikwete (JKCI) Ghati Chacha akimkabidhi cheti cha shukrani kutokan...
Read more

Wanawake waaswa kulinda mioyo yao, kuepuka sukari na chumvi kupita kiasi

Image
Wahasibu wa Taasisi ya Moyo Jakaya Kikwete (JKCI) CPA. Ashura Ally na Edna Sanga wakifuatilia mada ya wakifuatilia mada ya    kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa katika mkutano wa Chama cha Wahasibu Wanawake Tanzania (TAWCA) unaofanyika jijini Arusha. Afisa Uuguzi wa Taasisi ya Moyo Jakaya Kikwete (JKCI) Idrisa Ndende akimpima kiwango cha sukari kwenye damu Mhasibu aliyefika katika banda la taasisi hiyo kwaajili ya kupata huduma za uchunguzi na matibabu ya moyo wakati wa    mkutano wa Chama cha Wahasibu Wanawake Tanzania (TAWCA) unaofanyika jijini Arusha. Mkurugenzi wa Fedha na Mipango wa Taasisi ya Moyo Jakaya Kikwete (JKCI) CPA. Agnes Kuhenga na Daktari Bingwa wa Magonjwa ya Moyo  Engerasia Kifai  wa taasisi hiyo  wakifuatilia mada ya  kumbukumbu gani umeiacha katika eneo lako la kazi kutokana na matendo yako mazuri uliyoyafanya iliyokuwa inatolewa  katika m...
Read more